Mark 15:16 - Chishemanituu Utayimuwin: Kaa Uskaach Testament

¹⁶ Anichii maak shimaakanishach anite e ihtakuniyich aniyuu chisheuchimaaukamikuyuu ekute kaa ituhtahaatwaau Jesus. Kaa wiishaamaatwaau misiwe aniyuuh kutak shimaakanishah.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐊᓂᒌ ᒫᒃ ᔑᒫᑲᓂᔕᒡ ᐊᓂᑌ ᐁ ᐃᐦᑕᑯᓂᔨᒡ ᐊᓂᔫ ᒋᔐᐅᒋᒫᐅᑲᒥᑯᔫ ᐁᑯᑌ ᑳ ᐃᑐᐦᑕᐦᐋᑣᐤ ᒌᓴᔅ᙮ ᑳ ᐐᔖᒫᑣᐤ ᒥᓯᐌ ᐊᓂᔫᐦ ᑯᑕᒃ ᔑᒫᑲᓂᔕᐦ᙮

Mark 15:16 Iomraidhean Croise

Matthew 26:3

Ekw anichii kaa niikaanapitwaau ayimiheuchimaauch ekw maak anichii kaa niikaanishkuwaatwaau iinuuh kaa nishtuwiitwaau anite chisheayimiheuchimaau Caiaphas uchisheuchimaaukamikuwiihch.

Mark 15:17

Ekw kaa pushchishkamutiyaatwaau akuhpiyuu e mihkwekaniyich kaye chii ushihtaauch chisheuchimaau astutiniyuu e kaasutewaayikwaau niipisiyaahtikw e aapachihtaatwaau. Eukw uyuu kaa pushchashtutinahaatwaau.

John 18:28

Wiipach aniyuu kaa chechishepaayaayich anit Caiaphas e ihtaayich chii uhchi chistuhtahaakanuu Jesus, anite chisheuchimaaukuuhpaaneu wiichihch kaa ituhtahaakanuut. Pilate chii ishinihkaasuu an chisheuchimaaukuuhpaaneu. Anichii maak Jewa iinuuch namui uhchi wii piihcheuch wiyawaau anite wesh chii itashteyuu uchuuwa wiishuwewiniwaahch ekaa chechii piihchetwaau wiichiihch aweyuu ekaa Jewa itiskaanesiyich. Kaye namui chipaa uhchi miichuuch miyaaskacheu makushaaniyuu chii piicheuwaakupanenich anite chisheuchimaaukuuhpaaneu wiichiihch.

John 18:33

Miin kaau kaa piihchet Pilate aniyuu chisheuchimaaukamikuyuu e wiishaamaat Jesus ekw kaa kakwechimaat, “Ewaa chiya Jewa iinuuch uchisheuchimaamuwaau.”

John 19:2

Anichii maak shimaakanishach chii ushihtaauch uchimaau astutiniyuu kaa kaasutewaayikwaau niipisiyaahtikw e aapachihtaatwaau. Kaa pushchishkamutiyaatwaau Jesus aniyuu astutiniyuu. Kaye e chinwekaniyich akuhpiyuu e mihkwekaniyich chii pushchishkamutiyeuch.

John 19:9

Ekw miin kaau kaa piihchet anite chisheuchimaaukamikuhch ekw kaa kakwechimaat Jesus, “Taanite wehchiyin.” Namui uhchi chistuu Jesus.

ᐊᐸᔅᑕᓚᒡ 10:1

Chii ihtaau naapeu Cornelius e ishinihkaasut anit ihtaawinihch Caesarea kaa ishinihkaateyich, Rome nitupayuuchimaau e itapit e niikaanishkuwaat shimaakanisha anite Italy aschiihch e uhchiyich.