Mark 14:23 - Chishemanituu Utayimuwin: Kaa Uskaach Testament

²³ Ekw aniyuu minihkwaakaniyuu kaa utinahk, chii nanaaskumeu Chishemanituu, ekw kaa miyaat aniyuu uchischinuhamuwaakan. Misiwe maak e tashiyich chii minihkweyuuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²³ ᐁᒄ ᐊᓂᔫ ᒥᓂᐦᒀᑲᓂᔫ ᑳ ᐅᑎᓇᐦᒃ, ᒌ ᓇᓈᔅᑯᒣᐤ ᒋᔐᒪᓂᑑ, ᐁᒄ ᑳ ᒥᔮᑦ ᐊᓂᔫ ᐅᒋᔅᒋᓄᐦᐊᒧᐙᑲᓐ᙮ ᒥᓯᐌ ᒫᒃ ᐁ ᑕᔑᔨᒡ ᒌ ᒥᓂᐦᑴᔫᐦ᙮

Mark 14:23 Iomraidhean Croise

Mark 14:22

Aniyuu maak e miichisutwaau, Jesus chii utineu aaihkunaau ekw kaa nanaaskumaat Chishemanituu. Iskutak kaa nanaaskumut ekw kaa papahkwenaat aniyuuh aaihkunaau, ekw kaa maamiyaat misiwe paahpeyakw e tashiyich e itaat, “Utinaahkw uu, muwaahkw, eukuu niyuu.”

Matthew 26:27

Ekw aniyuu minihkwaakaniyuu kaa utinahk, kaa nanaaskumaat Chishemanituu, ekw kaa miyaat aniyuu uchischinuhamuwaakan e itaat, “Niipitepayihtwaatukw uu chechii minihkweyekw misiwe e tashiyekw.

1 Corinthians 10:16

An e kuuminiyuyihkw chinanaaskumaanuu Chishemanituu Christ umihkw e chii siikahiikaateyich nesht upimaatisiiwin e chii patishtinahk Christ. Wesh an shuuminaapuu kaa minihkweyihkw nesht an aaihkunaau kaa utinahk ekut nuukuhtaayihkw Christ e chii nipistamaatahkw ati chechii uhchi wepeyihtamaakuyihkw chimachihtwaawinuuh.

Romans 14:6

An awen kaa ihtakuniyikwaauh e chiishikaayikwaauh uste e iteyihtamihiikut ishpish kutak, wii chisteyimeu Utipeyihchikeu uyuu e ihtit. Ekw an awen mikw e ishinaakuniyich chekwaayuu kaa miichit wii chisteyimeu Utipeyihchikeu uyuu e ihtit wesh nanaaskumeu Chishemanituuh aniyuu miichimiyuu. Kaye maak an awen ekaa mikw e ishinaakuniyich chekwaayuu kaa miichit wii chisteyimeu kaye wii Utipeyihchikeu uyuu e ihtit. Kaye wiya maak nanaaskumeu Chishemanituu.

Luke 22:17

Chii utinam minihkwaakaniyuu, kaa nanaaskumaat Chishemanituu ekw kaa itaat uchischinuhamuwaakanh, “Utinamukw uu, minihkwekw misiwe e tashiyekw.

Mark 14:24

Kaa itaat, “Eukuu nimihkw, an che shiikanikaatech mihchetu awen uhchi. Uu nimihkw ekut che uhchi yaaitashtech uschi niskumuwin.