Mark 14:18 - Chishemanituu Utayimuwin: Kaa Uskaach Testament

¹⁸ Mekwaach maak e miichisutwaau Jesus chii itweu, “Chihchiwe chititinaawaau, peyakw utah e tashiyekw nika wiyeshipachishtinikw, ekut utah niyaanitam waachimiichisuumit an awen.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁸ ᒣᒀᒡ ᒫᒃ ᐁ ᒦᒋᓱᑣᐤ ᒌᓴᔅ ᒌ ᐃᑗᐤ, ᒋᐦᒋᐌ ᒋᑎᑎᓈᐙᐤ, ᐯᔭᒄ ᐅᑕᐦ ᐁ ᑕᔑᔦᒄ ᓂᑲ ᐎᔦᔑᐸᒋᔥᑎᓂᒄ, ᐁᑯᑦ ᐅᑕᐦ ᓂᔮᓂᑕᒻ ᐙᒋᒦᒋᓲᒥᑦ ᐊᓐ ᐊᐌᓐ᙮

Mark 14:18 Iomraidhean Croise

John 6:70

Jesus kaa nishkweushihaat e itaat, “Namui aa niya kuuhchi wiyaapamitinaawaau e niishushaapuyekw, peyakw maak anit e tashiyekw machimanituu.”

John 6:47

Kuiskw chiwiihtamaatinaawaau, an awen kaa pechi taapweyimit ayaau kaachiche pimaatisiiwiniyuu.

John 13:38

Jesus kaa itaat, “Taapwe aa shaash chitayeskuwiin chechii pachishtinamin chipimaatisiiwin niya uhchi. Chihchiwe chititin, eshkw ekaa mechim chistute naapepakahaahkwaan, shaash nishtwaau chika nanatayin e itweyin ekaa chischeyimiin.”

John 13:21

Iskutak Jesus kaa itwet uyuu, naashch chii misimiteheu ekw kuiskw kaa wiihtamuwaat e itaat, “Chihchiwe chititinaawaau, peyakw utah e tashiyekw nika wiyeshipachishtinikw.”

John 6:32

Jesus kaa nishkweushihaat e itaat, “Kuiskw chiwiihtamaatinaawaau, aniyuu aaihkunaau Moses kaa miitaakw namui anite kihchikiishikuhch uhchi uhchipayuuh. Chishemanituu, Nuuhtaawii eukw an maayitaakw aniyuu chihchiwe aaihkunaau kihchikiishikuhch kaa uhchipayihch.

John 6:26

Jesus kaa itaat, “Kuiskw chiwiihtamaatinaawaau, namui mikw an e chii waapamiyekw maamishkaach waapahtiiwewinh e ihtuutamaan wehchi pechi naanituwaapamiyekw. An e chii muwekw aaihkunaau kaye e chii chiishpuyekw ekun wehchi naanituuwaapamiyekw.

John 5:19

Jesus maak chii iteu, “Kuiskw chiwiihtamaatinaawaau, Ukusisimaau namui mikw wiya chika chii ihtuutam chekwaayuu. Uhtaawiimaauh kanawaapameu chekwaayuu e ihtiyich kaye wiya maak ekun e ati ihtit. Mikw taan e ihtiyich Uhtaawiih ekun e ihtit kaye wiya Ukusisimaau.

John 3:11

Kuiskw chiwiihtamaatin. Nitaayimuutenaan taan e ishi chischeyihtamaahch kaye taan kaa ishi waapahtamaahch namui maak yaapach waachipeyakw chiwii taapwehtuunaan.

John 3:5

Jesus kaa itaat, “Kuiskw chiwiihtamaatin, namui awen chika chii piihcheu Chishemanituu uchisheuchimaawiniihch paatish nipiihch kaye Ahchaahkuwinihch uhchi pimaatisiite

John 3:3

Jesus kaa itaat, “Kuiskw chiwiihtamaatin, namui awen chika chii waapahtamuweu Chishemanituu uchisheuchimaawiniyuu paatish miin pimaatisiite.”

John 1:51

Ekw miin kaa ati itwet, “Kuiskw chiwiihtamaatinaawaau, chika waapahtenaawaau kihchikiishikw e aapahiipayihch, ekw maak Chishemanituu utenchilamh e uhpipayitwaau kaye e pechi aashiitutuwaatwaau Iinuu Ukusisa.”

Luke 11:51

anite aniyaa uchischiwehiichesuu Abel kaa ishinihkaasut e uhchi chihchipayihch anite maak ishi aniyaa Zechariah taan kaa ishi nipahaakanuut. Piihtakamihch chisheayimiheukamikuhch chii nipahaakanuu Zechariah chishtauch aniyuu pachishtinicheunaapiskuyuu anit maak maauch e payehcheyihtaakuhch chisheayimiheukamikw. Ehe, chihchiwe chititinaawaau, anichii iinuuch kaa pimaatisiitwaau anuhchiish wiyawaau chika aanische maahtakushkaakuuch misiwe aniyuu taan kaa ishi wanituutawaakanuyitwaau.”

Luke 4:24

Mikw maak chititinaawaau, an awen kaa uchischiwehiichesuut namui aapateyimaakanuu anit aniyuu ihtaawiniyuu kaa nihtaauchit.

Mark 14:25

Chihchiwe chititinaawaau, namui miin nika uhchi minihkwen shuuminaapuu paatish e uskaakamihch shuuminaapuu minihkweyaane anite Chishemanituu uchisheuchimaawinihch.”

Mark 14:9

Chihchiwe chititinaawaau, taanite mikw che kacheskwaanuukwe e waawiihtaakanuuhch miywaachimuwin misiwe e ispichiskamikaach uu aschii kata wiihtaakanuuyuu uyuu taan kaa ihtit e chischisiitutuwaakanuut uu iskweu.”

Mark 10:29

“Ehe, taapwe,” chii itikuu Jesus, “chiwiihtamaatinaawaau maak, an awen che nakatamukwe wiichi, maak che nakataakwe wiichishaan, wiichishaaniskwem, maak ukaawii, uhtaawii, maak utawaashiim maak che nakatamukwe unihtaauchihchikan aschii, niya uhchi kaye miywaachimuwiniyuu uhchi,

Mark 10:15

Chihchiwe chititinaawaau, michihpin awen ekaa che taapweucheyihtamuwaakwe Chishemanituuh uchimaawiniyuu e ishi taapweucheyihtamiyich awaasha namui kata chii piihcheu taanite wechimaawiyich Chishemanituu.”

Mark 9:41

Chihchiwe maak chititinaawaau, an awen che minihiikuwekwe nipiiyuu aniyuu uhchi Christ e wiichewekw, cheshtinaash kata miyaakanuu utipahamaakusiiwin.”

Mark 9:1

Ekw Jesus uyuu miin kaa ati itaat, “Chiwiihtamaatinaawaau, ihtaauch pasch utah mekwesiinuu awenichii ekaa che uhchi nipitwaau paatish waapahtamuwaatwaawenich Chishemanituu uchisheuchimaawiniyuu e pechi nuukuniyich suuhkaatisiiwinihch.”

Mark 8:12

Jesus maak chii yahkataamuu utahchaahkuhch ekw kaa itwet, “Chekwaan wehchi nitaweyihtahkwaau iinuuch anuhchiish kaa chiishikaayich chechii waapahtiyaakanuutwaau maamishkaach waapahtiiwewiniyuu. Kuiskw chiwiihtamaatinaawaau, namui chika uhchi waapahtiikunaawaau maamishkaach waapahtiiwewin chiyawaau iinuuch anuhchiish kaa pimaatisiyekw.”

Mark 6:11

Ekaa maak wii piihtakahiikuyekwe maak ekaa wii nituhtaakuyekwe, nakatamekwe an ihtaawin che pahpuusiteshimuyekw. Eukuu che ihtiyekw e nuukuhtaayekw e ayaakwaamimekuch anichii iinuuch anit kaa ihtaatwaau.”

Mark 3:28

“Taapwe wesin chititinaawaau, kata wepeyihtamuwaakanuuch awenichii misiwe umachihtwaawinawaauh nesht taan e ishi machaayimuumaatwaau aweyuuh.

Matthew 26:21

Mekwaach maak e miichisutwaau, Jesus chii iteu, “Chihchiwe chititinaawaau, peyakw utah e tashiyekw nika wiyeshipachishtinikw.”

Matthew 6:5

“Kaye maak e ayimihaayin, ekaawii ihtih e ihtitwaau anichii utayimihehkaasuch. Naashch e miyeyihtahkwaau e naaniipuutwaau e ayimihaatwaau anite ayimiheukamikuhch kaye anite wiyesh misiwe aweyuu chechii waapamikutwaau. Chiwiihtamaatin shaash ayaauch utipahamaakusiiwinawaau uchii.

Matthew 6:2

“Ekw maak e miyat awen chekwaayuu e ishi nuuhtepayit, ekaawii ihtuut uu misiwe awen chechii chischeyihtahk, wesh wiyawaau anichii kaa ayimihehkaasutwaau naashch wii kaa chescheyihtaakuhuuch taan e ishi miyutuutahkwaau. Mikw e iteyihtamihiikutwaau chechii maamihchimikutwaau aweyuuh. Chiwiihtamaatinaawaau taapwe, shaash chiisaach miyaakanuuch utipahamaakusiiwinawaau.

Matthew 5:18

Wii chischisikw, che ishpish ihtakunikwe kihchikiishikw kaye aschii, namui waawaach an maauch e apishaashich e masinaatech wiishuwewinihch chika uhchi paashikunaakun, paatish misiwe chii ispayihche taan e itashtech che ispayihch.

John 21:18

Kuiskw chiwiihtamaatin, eshkw e chii uschiniichiiwiin mikw taan waa aihtiin chichii ihtin kaye mikw taanite waa ituhteyin ekute kaa ituhteyin. Iskutak maak chisheinuuyine, suwanischeyine maak chika maahkupitaakanuu chitihchii ekw che ituhtahiikuyin anite ekaa wii ituhteyin.”

Matthew 6:16

“Iskutak maak ekaa utinamekwe miichim mikw e wii ayimihaayekw, ekaawii misimeyihtaminaakuhiisukw muyaam e ihtitwaau anichii kaa ayimihehkaasutwaau. Papaamuhteuch naashch e nanehkaashinaakuhiisutwaau muyaam naashch e wawaanihkatetwaau e ishinaakuhiisutwaau chechii waapamikutwaau kaye chechii chischeyimikutwaau aweyuuh ekaa miichisutwaau mikw ushaa e ayimihaatwaau. Chiwiihtamaatinaawaau shaash mitun tekash miskamuch utipahamaakusiiwinawaau e chii ihtuutuwaakanuutwaau aniyuu taan kaa ishi nituweyihtahkwaau chechii ishi chistimaacheyimaakanuutwaau.

Mark 14:17

Iskutak maak wetaakusiyich Jesus chii takushin anite e wiicheukut aniyuu niishushaap uchischinuhamuwaakanh.

Mark 14:19

Ekw misiwe anichii chischinuhamuwaakanich chii misimeyihtamihiikuuch uyuu kaa itweyich ekw paahpeyakw kaa kakwechimaatwaau, “Niya aa an awen.”

Luke 22:21

“Iitaapikw maa, awen che wiyeshipachishtinit ekut utah waatapimitihkw miichisuunaahtikuhch.

John 13:18

“Namui maak misiwe chitaayimuumitinaawaau, nimiyuu chischeyimaauch anichii niya kaa wiyaapamakwaau. Itashteu Chishemanituu utayimuwinihch, An naapeu kaa wiich miichisuumit nika wiyeshipachishtinikw. Ekun maak uu shaash wiipach chipaa ispayuu.

John 13:22

Ekw anichii chischinuhamuwaakanich kaa kanawaapamitutwaau naashch e kushkupayitwaau kaye e wawaaneyihtahkwaau, ekaa chischeyihtahkwaau aweyuu aniyuu kaa aayimuumaakanuyich.