Mark 14:12 - Chishemanituu Utayimuwin: Kaa Uskaach Testament

¹² An maak niishtam e chiishikaach anit aniyuuh e pimichiishikaakwaau ekaa uhpisut aaihkunaau kaa chii muwaakanuut, iskutak maak kaa nipahaakanuut maanishchaanish e chischisiitutaakanuuhch anite utaahch an miyaaskaacheu chiishikaau Jesus chii itikuu uchischinuhamuwaakanh, “Taanite netaweyimiyaahch chechii nituu ayeskuushtamaataahch miyaaskaacheu makushaan chechii miichiyin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐊᓐ ᒫᒃ ᓃᔥᑕᒻ ᐁ ᒌᔑᑳᒡ ᐊᓂᑦ ᐊᓂᔫᐦ ᐁ ᐱᒥᒌᔑᑳᒀᐤ ᐁᑳ ᐅᐦᐱᓱᑦ ᐋᐃᐦᑯᓈᐤ ᑳ ᒌ ᒧᐙᑲᓅᑦ, ᐃᔅᑯᑕᒃ ᒫᒃ ᑳ ᓂᐸᐦᐋᑲᓅᑦ ᒫᓂᔥᒑᓂᔥ ᐁ ᒋᔅᒋᓰᑐᑖᑲᓅᐦᒡ ᐊᓂᑌ ᐅᑖᐦᒡ ᐊᓐ ᒥᔮᔅᑳᒉᐤ ᒌᔑᑳᐤ ᒌᓴᔅ ᒌ ᐃᑎᑰ ᐅᒋᔅᒋᓄᐦᐊᒧᐙᑲᓐᐦ, ᑖᓂᑌ ᓀᑕᐌᔨᒥᔮᐦᒡ ᒉᒌ ᓂᑑ ᐊᔦᔅᑰᔥᑕᒫᑖᐦᒡ ᒥᔮᔅᑳᒉᐤ ᒪᑯᔖᓐ ᒉᒌ ᒦᒋᔨᓐ᙮

Mark 14:12 Iomraidhean Croise

Matthew 3:15

Ekw Jesus kaa itaat, “Anuhchiish uu ihtuut taan e itashumitaan. Wesh uu ihtuutamuhkwe chika ihtuutamuwaanuu misiwe taan e ishi nituweyihtahk Chishemanituu.” Kiipaa kaa pishichihaat John.

Mark 14:1

Niishu chiishikaau chii ishpishinaakun che miichinaanuuhch an makushaan Miyaaskaacheu makushaan kaa ishinihkaataakanuuhch kaye che chihchipayihch aaihkunaau ekaa uhpisut kaa chii muwaakanuut. Anichii maak kaa niikaanapitwaau ayimiheuchimaauch kaye maak anichii wiishuwewiniyuu kaa chiskutamaachetwaau chii wii naanituu miskamuch taanite chechii uhchi chiimuut maakunaatwaau Jesus chechii nipahaatwaau.

Mark 14:11

Uchii maak niikaan ayimiheuchimaauch chii sichiyehiikuuch piyehtawaatwaau uyuu e itweyich ekw kaa itaatwaau shuuliyaayuu che kaaniyuuhaatwaau chechii ihtuutamiyikwenh uyuu. Ekw Judas kaa naanaakachihtaat taanit che nihiipayiyikwe chechii wiyeshipachishtinaat Jesus.

Mark 14:13

Ekw niishu uchischinuhamuwaakanh kaa chihchitishahwaat Jesus e itaat, “Maachiikw nete an mistautenaau. Ekute che nachishkawekw naapeu nipiiyuu e pimuhtataat. Eukuu che nuushuushkuwekw.

Galatians 4:4

Iskutak maak taapwe wetihchipayiyich anit kaa iteyihtamikupane Chishemanituu chechii pechi itishahwaat Ukusisa, chii pechi itishahweu utah aschiihch. Iskweu e ihtaayich chii uhchi pimaatisiyuu. Jewa chii itiskaanesuu ekw maak kaa nituweyihtaakusit chechii nanihiihtahk Jewa ayimiheu wiishuwewinh.