Mark 13:9 - Chishemanituu Utayimuwin: Kaa Uskaach Testament

⁹ “Yaakwaamiikw wesh chika ihtaauch anichii che maakunitaakuch ekw anite kaa niikaanishkaacheyich e ihtaayich che ituhtahiitaakuch chechii wiyaaskunikuyekw. Kaye maak anite ayimiheukamikuhch ekute che papasistehukuyekw. Chika ituhtahiikunaawaau peshuch kaye chisheuchimaauch e ihtaatwaau chechii wiyaaskunitaakuch an uhchi e nuushuushkuyekw. Chika nitaweyihtaakusinaawaau kuiskw chechii ishi aayimuumiyekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᔮᒀᒦᒄ ᐌᔥ ᒋᑲ ᐃᐦᑖᐅᒡ ᐊᓂᒌ ᒉ ᒫᑯᓂᑖᑯᒡ ᐁᒄ ᐊᓂᑌ ᑳ ᓃᑳᓂᔥᑳᒉᔨᒡ ᐁ ᐃᐦᑖᔨᒡ ᒉ ᐃᑐᐦᑕᐦᐄᑖᑯᒡ ᒉᒌ ᐎᔮᔅᑯᓂᑯᔦᒄ᙮ ᑲᔦ ᒫᒃ ᐊᓂᑌ ᐊᔨᒥᐦᐁᐅᑲᒥᑯᐦᒡ ᐁᑯᑌ ᒉ ᐸᐸᓯᔅᑌᐦᐅᑯᔦᒄ᙮ ᒋᑲ ᐃᑐᐦᑕᐦᐄᑯᓈᐙᐤ ᐯᔓᒡ ᑲᔦ ᒋᔐᐅᒋᒫᐅᒡ ᐁ ᐃᐦᑖᑣᐤ ᒉᒌ ᐎᔮᔅᑯᓂᑖᑯᒡ ᐊᓐ ᐅᐦᒋ ᐁ ᓅᔔᔥᑯᐎᔦᒄ᙮ ᒋᑲ ᓂᑕᐌᔨᐦᑖᑯᓯᓈᐙᐤ ᑯᐃᔅᒄ ᒉᒌ ᐃᔑ ᐋᔨᒨᒥᔦᒄ᙮

Mark 13:9 Iomraidhean Croise

Matthew 5:22

Mikw maak chititinaawaau niya, awen e chishuwaasiistuwaat wiichishaanh chika wiyaaskunaakanuu, kaye awen e aatuweyimaat wiichishaanh chika peshuwaakanuu uhchishkuu aniyuu kaa wiishuwaatamiyich taan che ihtuutawaakanuyich aweyuu, kaye awen kaa itaat wiichishaanh taapwe ekaa chekwaan mitun kaa iteyihtaakusiyin kushpanaateyihtaakuniyuu chechii ishiwepinaakanuut machishkutehch.

Mark 1:44

“Nituhtuu maa che ititaan, ekaawii awen chika uhchi wiihtamuwaau taan kaa ispayin. Tiiwehch nituwaapam ayimiheuchimaau tekash che nituu chischeyimisk. Ekw che pachishtinaman an chipaa pachishtinen aniyaa Moses kaa itashuwet chipaa pachishtinikanuuyuu. Ekut che uhchi waapahtiiweyin taapwe ekw e payehtisiyin.” Ekw kaa chihchitishahwaat uyuuh naapeu.

Mark 13:5

Jesus maak chii iteu, “Yaakwaamiikw ekaa awen chechii wiyeshimitaakw.

Mark 13:8

Peyakunihch kaa itiskaanesitwaau awenichii kata maasihiituuch aniyuuh kutak aweyuuh aahchiiuh kaa itiskaanesiyich. Kaye anichii kaa uchimaautwaau kata nitupayihkahtaweuch aniyuu kutak kaa uchimaawiyich. Kaye maak nanaahkuu anite wiyesh kata kuihkun. Kaye kata ihtakun e kauhkataanuuhch. Uu maak nanaahkuu che ispayihch, eukuu picheyik e chihchipayihch nanehkaateyimuwin, mwehch iskweu e chihchi muushihut che aahkusit.”

Mark 6:11

Ekaa maak wii piihtakahiikuyekwe maak ekaa wii nituhtaakuyekwe, nakatamekwe an ihtaawin che pahpuusiteshimuyekw. Eukuu che ihtiyekw e nuukuhtaayekw e ayaakwaamimekuch anichii iinuuch anit kaa ihtaatwaau.”

Luke 9:5

Utihtamekwe maak ihtaawin ekaa wii piihtakahiikuyekwe, nakatamukw an ihtaawin. Che pahpuusiteshimuyekw, e nuukuhtaayekw e yaakwaamimekuch ekaa uhchi utinahkwaau miywaachimuwiniyuu.”

John 15:20

Che chischisiyekw taan kaa ititakuch, ‘Namui ihtaau aapachihaakan uste e uchimaaweyihtaakusit e iteyihtaakusiyich uchimaam.’ Chiishpin kaa nanehkaachihiiwaakwenich kaye chiyawaau chika nanehkaachihiikuwaauch. Kaa nanihiihtamuwaakwenich taan kaa ishi aayimuutamuukwaau chika nanihiihtamuch kaye chiyawaau taan che ishi aayimuutamuwekuch.

John 16:2

Uchii Jewa iinuuch chika wiiwiitisinikuwaauch utayimiheukamikuwaahch. Ehe, chek taapwe chika utihchipayuu awen nipahiitaakwe che iteyihtahk Chishemanituu e wiichihaat.

ᐊᐸᔅᑕᓚᒡ 21:11

Ekw kaa pechi nituwaapamiyimiht uu naapeu, kaa utinamuwaat Paul upahkuhtehuniyuu, kaa maahkupitahk usith kaye utihchiih ekw kaa itwet, “Maau e itwet Kaa payehchisiit Ahchaahkw, Ekun che itaapahkaatikut aniyuu Jewa iinuu Jerusalemihch kaa ihtaayich an awen tepiyeusiit uyuu pahkuhtehun. Chika ishi pachischishuwaatikuu kaye uyuu iinuuh anite ekaa Jewa kaa itiskaanesiyich e ihtaayich.” Eukw uyuu kaa ishi wiihtahk an Agabus.

ᐊᐸᔅᑕᓚᒡ 7:54

Iskutak maak anichii kaa nishtuwiitwaau kaa pehtawaatwaau aniyuu Stephen uyuu e itweyich, chii mistachishuwaahiikuuch.

ᐊᐸᔅᑕᓚᒡ 9:16

Wesh niya nika waapahtiyaau taan che ishi nanehkaateyimut niya uhchi,” chii itikuu Utipeyihchikeu Ananias.

Philippians 1:29

Chishemanituu maak chichii wiyeyimukuwaau namui mikw chechii taapweyimekw Christ, chichii wiyeyimikuwaau kaye chechii nanehkaachihiikuyekw Christ uhchi.

2 Thessalonians 1:5

Ekut maak utah che uhchi chischeyihtamekw taan e ishpish kuiskw ihtit Chishemanituu e wiyaaskunichet. An maak taan e ispayekw chika tepicheyihtaakusinaawaau chechii wiichihiiweyekw anite Chishemanituu uchisheuchimaawinihch.

2 John 1:8

Yaakwaamiikw maak ekaa chechii wanihtaayekw an tipahamaakusiiwin kaa aapatisiihkahtamekw chechii ayaayekw, taapwe chechii miskamekw misiwe taan e ishi ayeskuushtamaataakw Chishemanituu.

Revelation 1:9

Eukw niya chiichishaanawaau John. Misiwe chiwiichishaanihtunaanuu Jesus e ihtaat ishi. Chinanehkaateyimuhiikuyihkw an uhchi e nuushuushkuuhkw Jesus mikw maak maamuu chiwii siipiiwesinaanuu taanit anit nechishkamuhkw maan e aayimihch chekwaan. Nichii maakunikuun ekw anite an ministikw Patmos kaa ishinihkaatech kaa tayikuyaan an uhchi e chii waawiihtamaan Chishemanituu utayimuwin kaye e chii tipaachimak Jesus taan kaa aihtit.

Revelation 2:10

Ekaawii kushtaachikw taan che ishi nanehkaateyimuyekw. Machimanituu chika kakwechihiikuwaau e ihtuutaataakw pasch chechii chipahukuwekw chipahutuukamikuhch. Mitaahtw chiishikaauh chika ishpish nanehkaateyimunaawaau. Ekaawii maak puuniikw e taapweyimiyekw aat wii nipahiikuyekwe. Ekw maak che kaaniyuwiyekw chisheuchimaau astutin eukuu kaachiche pimaatisiiwin.”

Revelation 2:13

Nichischeyihten anit waachiyekw, machimanituu e uchimaaut anit. Aat maak anit e wiichiyekw yaapach namui chipuuniinaawaau e taapweyimiyekw. Namui kuuhchi chiiwekaapuushtunaawaau aat anit mekwaach kaa nipahaakanuut aniyaa kaa nuushuushkuut Anitipas, an kuiskw kaa chii ishi tipaachimit. Anit waachiyekw ekut kaa nipahaakanuut, anite machimanituu waachit.