Mark 13:7 - Chishemanituu Utayimuwin: Kaa Uskaach Testament

⁷ Ekaawii kaye chika uhchi mukushkaateyihtamihiikunaawaau pehtamekwe e matwe nitupayinaanuuhch peshuch anite e ihtaayekw kaye pehtamekwe e tipaatutaakanuuhch e nanitupayinaanuuhch anite waahiyuu. Eukw wesuu niishtam netaweyihtaakuhch chechii ispayihch, mikw maak namui eshkw kata uhchi iskwaapayuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐁᑳᐐ ᑲᔦ ᒋᑲ ᐅᐦᒋ ᒧᑯᔥᑳᑌᔨᐦᑕᒥᐦᐄᑯᓈᐙᐤ ᐯᐦᑕᒣᑴ ᐁ ᒪᑗ ᓂᑐᐸᔨᓈᓅᐦᒡ ᐯᔓᒡ ᐊᓂᑌ ᐁ ᐃᐦᑖᔦᒄ ᑲᔦ ᐯᐦᑕᒣᑴ ᐁ ᑎᐹᑐᑖᑲᓅᐦᒡ ᐁ ᓇᓂᑐᐸᔨᓈᓅᐦᒡ ᐊᓂᑌ ᐙᐦᐃᔫ᙮ ᐁᐅᒄ ᐌᓲ ᓃᔥᑕᒻ ᓀᑕᐌᔨᐦᑖᑯᐦᒡ ᒉᒌ ᐃᔅᐸᔨᐦᒡ, ᒥᒄ ᒫᒃ ᓇᒧᐃ ᐁᔥᒄ ᑲᑕ ᐅᐦᒋ ᐃᔅᒀᐸᔫ᙮

Mark 13:7 Iomraidhean Croise

Matthew 18:7

Taapwe maayaatan chekwaayuuh e ishi ihtakuhkwaauh utah aschiihch ati chechii uhchi machituutahkwaau awenichii. Muush kata ihtakuniyuu chekwaayuu che kakwechihiikutwaau awenichii chechii machituutahkwaau, mikw maak Chishemanituu kata waweshiheu aniyuu kaa ihtuutawaayich kutak aweyuu chechii machituutamiyich.”

Matthew 2:3

Iskutak maak chisheuchimaau Herod piyehtahk uyuu, naashch chii mukushkaateyihtam kaye misiwe awenichii anit Jerusalemihch kaa ihtaatwaau kaye wiyawaau chii ayimitutamuch uyuu.

Mark 13:6

Wesh chika mihchetuuch awenichii e takushihkwaau nitishinihkaasuwiniyuu e aapachihtaatwaau e itwetwaau, ‘Eukw niya Christ.’ Mihchetu maak aweyuu chika wiyeshimeuch.

Mark 13:8

Peyakunihch kaa itiskaanesitwaau awenichii kata maasihiituuch aniyuuh kutak aweyuuh aahchiiuh kaa itiskaanesiyich. Kaye anichii kaa uchimaautwaau kata nitupayihkahtaweuch aniyuu kutak kaa uchimaawiyich. Kaye maak nanaahkuu anite wiyesh kata kuihkun. Kaye kata ihtakun e kauhkataanuuhch. Uu maak nanaahkuu che ispayihch, eukuu picheyik e chihchipayihch nanehkaateyimuwin, mwehch iskweu e chihchi muushihut che aahkusit.”

John 14:1

“Ekaawii mukushkaateyihtamukw. Taapweyimaahkw Chishemanituu kaye niya taapweyimikw.

John 14:27

“Chinakatamaatinaawaau chiyaameyihtamuwin. Niya nichiyaameyihtamuwin chimiitinaawaau. Namui utah aschiihch e iteyihtaakuhch chiyaameyihtamuwin chimiitinaawaau. Ekaawii maak mukushkaateyihtamukw kaye ekaawii kushtaachikw.

ᐊᐸᔅᑕᓚᒡ 17:3

E itashteyich yaaitei e chii nituweyihtaakusiyich chechii nanehkachihaakanuyich Christ, kaye kaau chechii wanishkaayich nipuwinihch uhchi. Chii iteu maak aniyuu iinuuh, “Uu Jesus kaa aayimuumak, eukw uu Christ, Chishemanituu kaa pechi itishahukut.”