Mark 12:6 - Chishemanituu Utayimuwin: Kaa Uskaach Testament

⁶ Chek mikw peyakw naapeu kaa ihtaayich anit e ihtaat an uchimaau, eukw uyuu tipiyeu ukusisa. Eukw uyuuh kaa itishahwaat chek e iteyihtahk, ‘Chika chisteyimeuch uyuu nikusa.’

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᒉᒃ ᒥᒄ ᐯᔭᒄ ᓈᐯᐤ ᑳ ᐃᐦᑖᔨᒡ ᐊᓂᑦ ᐁ ᐃᐦᑖᑦ ᐊᓐ ᐅᒋᒫᐤ, ᐁᐅᒄ ᐅᔫ ᑎᐱᔦᐤ ᐅᑯᓯᓴ᙮ ᐁᐅᒄ ᐅᔫᐦ ᑳ ᐃᑎᔕᐦᐙᑦ ᒉᒃ ᐁ ᐃᑌᔨᐦᑕᐦᒃ, ᒋᑲ ᒋᔅᑌᔨᒣᐅᒡ ᐅᔫ ᓂᑯᓴ᙮

Mark 12:6 Iomraidhean Croise

Matthew 1:23

“Ishkwesh ekaa wiiskaat uhchi chischeyimakut naapeu chika ayaaweu awaasha, chika naapeshiiwiyuuh maak, Immanuel chika ishinihkaataakanuu.” Chishemanituu e pechi ihtaat utah e ihtaayihkw ishi itweshtamuwaataakanuu uu ishinihkaasuwin.

Matthew 11:27

Ekw Jesus iskutak kaa chiish ayimihaat chii iteu, “Nuuhtaawii misiwe chekwaayuu nichii miikw chechii nanaakatuweyihtamuch. Wesh namui awen chischeyimeu aweyuu aniyuu Ukusisimaau, mikw Uhtaawiimaau chischeyimeu. Kaye maak namui awen chischeyimeu aweyuu Uhtaawiimaau, mikw Ukusisimaau chischeyimeu, kaye mikw wiya Ukusisimaau chika wiyaapameu aweyuuh aniyuuh chechii chischeyimaayich Uhtaawiimaau.”

Matthew 17:5

Mekwaach maak eshkw e ayimit, kaskawanishkwa naashch e waasusuyich chii pechi akuchiniyuu anit tipiskuuch ishpimihch e ihtaatwaau, anite maak kaskawanishkuhch chii uhchi pehtaweuch aweyuu e itweyich, “Eukw uu Nikus kaa saachihiik, kaye naashch kaa naniheyihtamihiit. Nituhtawaahkw.”

Matthew 26:63

Jesus maak namui uhchi chistuu. Ekw miin kaa itikut aniyuu chisheayimiheuchimaau, “Kuiskw maa pechi wiihtamunaan e pehtaask an pemaatisiit Chishemanituu, eukw aa chiya taapwe Christ, Chishemanituu Ukusisa.”

Matthew 3:17

Ekw kaa pehtawaatwaau aweyuu anite uhchi kihchikiishikuhch e itweyich, “Eukuu Nikus kaa saachihiik kaye naashch taapwe kaa naniheyihtamihiit.”

Mark 1:11

Kihchikiishikuhch maak chii uhchi pehtaakusuu awen e itwet, “Eukw chiya Nikus naashch kaa saachihiitaan. Naashch taapwe chinaheyihtamihiyin.”

Mark 12:5

Miin kutak aapachihaakan kaa itishahwaat anite an uchimaau eukun uyuu kaa nipahaakanuyich. Ekun kaa ihtuutawaatwaau misiwe aniyuuh kaa itishahwaakanuyich anite e ihtaatwaau, pasch chii kusiihkaweuch ekw pasch kaa nipahaatwaau.

Mark 12:7

Mikw maak anichii kaa naanaakachihtaatwaau aniyuu nihtaauchihchikan aschiiyuu chii itituuch, ‘Eukuu che aashuu miyaakanuut eshkw uyuu aschiiyuu, aashtamukw, nipahaataau chiyaanuu miiskuuch che aashuu miikuyihkw uu aschii.’

Mark 9:7

Chek kaskawanishkwa kaa uhchi ukaashteskaakutwaau. Ekute kaa uhchi pehtawaatwaau aweyuu e itweyich, “Eukw uu niya tipiyeu Nikus kaa saachihak. Nituhtawaahkw.”

Luke 3:22

Kaa payehchisiyich Ahchaahkw kaa uhchi aashiitutaakut Jesus mwehch umiimiiu e ishinaakusiyich. Ekw kaa uhchi pehtaakusit awen anite uhchi kihchikiishikuhch e itwet, “Eukw uu chii Nikus kaa saachihiitaan kaye naashch kaa naniheyihtamihiyin.”

Luke 9:35

Anit maak kaskawanishkuhch chii uhchi pehtamuch pehtaakusuwiniyuu, aweyuu e itweyich, “Eukw uu Nikus kaa saachihahk. Nituhtawaahkw.”

John 1:14

An maak Ayimuwin iinuu chii ishinaakuhaakanuu. An kaa saakaschineshkaakut chishewaatisiiwiniyuu kaye taapwewiniyuu, chichii wiichimikunuu utah aschiihch. Chichii waapamaanuu maak e chisteyihtaakusit mwehch e ishpish chisteyihtaakusiyich Chishemanituuh aniyuuh Uhtaawiih wesh wiya mikw peyakushuu e Ukusiitutaakut Chishemanituu.

John 1:18

Namui wiiskaat awen uhchi waapameu Chishemanituu, mikw aniyuu kaa peyakushiyich Ukusisa kaa saachihaat chii ihtuutaakuu chechii chischeyimaakanuut.

John 1:34

Nichii waapahten uu kaa ispayihch kaye chiwiihtamaatinaawaau eukw aniyuu Chishemanituu Ukusisa,” chii iteu John.

John 1:49

Nathanael kaa itaat, “Chischinuhamaachesuu, eukw chii taapwe Chishemanituu Ukusisa, eukw chiya Chisheuchimaau utah Israelihch.”

John 3:35

Uhtaawiimaau saachiheu Ukusisimaau. Chii miyeu misiwe chekwaayuu chechii wiishuwaatamiyich.

John 5:23

Ekw maak misiwe awen che chisteyimaat Ukusisimaau muyaam e ishi chisteyimaat Uhtaawiimaau. An awen ekaa kaa chisteyimaat Ukusisimaau namui chisteyimeu kaye Uhtaawiimaau aniyuu kaa pechi itishahukuyich.”

Hebrews 1:6

Iskutak kaa pechi itishahwaat Chishemanituu Uniishtamuushaan utah aschiihch, chii itweu, Misiwe Chishemanituu utenchilamiyuu chika nuuchiishtaakuu.

1 John 4:9

Ekut kaa nuukuhtwaatahkw Chishemanituu taan e ishi saachihiitahkw kaa pechi itishahwaat kaa peyakushiyich Ukusisa utah aschiihch chechii uhchi ayaauhkw kaachiche pimaatisiiwiniyuu.

3 John 1:1

Niya John peyakw kaa niikaanishkuwaat umaamuuayimihaau chimasinahamaatin chiya niwiichewaakan Gaius, naashch kaa saachihiitaan.