Mark 12:44 - Chishemanituu Utayimuwin: Kaa Uskaach Testament

⁴⁴ Wesh anichii kutakach kaa pachishtinihkwaau ayuupayuuch aniyuu shuuliyaayuu kaa pachishtinihkwaau, uu maak kaa peyakut iskweu, aat e manesiit chii pachishtinam misiwe aniyuu ushuuliyaam aniyuu chipaa uhchi pimaachihiisuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁴ ᐌᔥ ᐊᓂᒌ ᑯᑕᑲᒡ ᑳ ᐸᒋᔥᑎᓂᐦᒀᐤ ᐊᔫᐸᔫᒡ ᐊᓂᔫ ᔔᓕᔮᔫ ᑳ ᐸᒋᔥᑎᓂᐦᒀᐤ, ᐆ ᒫᒃ ᑳ ᐯᔭᑯᑦ ᐃᔅᑴᐤ, ᐋᑦ ᐁ ᒪᓀᓰᑦ ᒌ ᐸᒋᔥᑎᓇᒻ ᒥᓯᐌ ᐊᓂᔫ ᐅᔔᓕᔮᒻ ᐊᓂᔫ ᒋᐹ ᐅᐦᒋ ᐱᒫᒋᐦᐄᓲ᙮

Mark 12:44 Iomraidhean Croise

Mark 12:43

Ekw Jesus kaa ayimihaat uchischinuhamuwaakanh. Chii iteu maak, “Chihchiwe chititinaawaau, kaa ishpish pachishtinichet an kaa peyakut iskweu kaa chistimaatisiit etituu wiya mishaayuu upachishtinichewin ishpish anichii kutakach kaa pachishtinichetwaau.

Mark 14:8

Uu iskweu chii ihtuutam wiya taan kaa wii ihtit. Niyaakan chii tuuminam niyuuyuu e ayeskuwiihkahk che chiskashtaakanuyich.

Luke 15:12

An maak ushiimaau chii iteu uhtaawii, ‘Nuuhtaa, pechi miih anuhchiish aniyuuh chekwaayuuh aanische che tipiyeusiyaan.’ Ekw maak uhtaawaau kaa tetaaunamaakutwaau misiwe taan kaa ishi tipiyeusiyich.

Luke 15:30

Uu chikus kaa chiishkwepimaatisiiwaachet chishuuliyaamiyuu iskweuh e chii maayeyimaat, anuhchiish chii takushinuu, chititishuwaataayuuh maak chechii nipahaakanuyich aniyuuh kaa taahchipuhaakanuyich mistusa chechii makushihaakanuut.’

Luke 8:43

Chii ihtaau maak kaye anit iskweu niishushaapunh e chii wanihtaat umihkw. Misiwe chekwaayuu taan kaa ishi ayaat chii miyekupane nituhkuiin e chiishiihkawaat chechii wiichihiikut, namui maak waach peyakw uhchii wiichihiikuu.

1 John 3:17

Waapamaate awen e nuuhtepayiyich aweyuuh chekwaayuu, ekaa maak nuuhtepayit wiya chekwaayuu, ekaa maak chistimaacheyimaate, taanite chechii uhchi itwet e piihchishkaakut Chishemanituu usaachihiiwewiniyuu.