Mark 12:34 - Chishemanituu Utayimuwin: Kaa Uskaach Testament

³⁴ Jesus maak piyehtawaat uyuu e ishi kachehtaaweyihtamuuhtaakusiyich chii iteu, “Namui chiwaahyuwaapahtamuwaan Chishemanituu uchisheuchimaawin.” Namui maak uhchi ihtaau awen e tepeyimut etituu chechii ishi kakwechimaat chekwaayuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁴ ᒌᓴᔅ ᒫᒃ ᐱᔦᐦᑕᐙᑦ ᐅᔫ ᐁ ᐃᔑ ᑲᒉᐦᑖᐌᔨᐦᑕᒨᐦᑖᑯᓯᔨᒡ ᒌ ᐃᑌᐤ, ᓇᒧᐃ ᒋᐙᐦᔪᐙᐸᐦᑕᒧᐙᓐ ᒋᔐᒪᓂᑑ ᐅᒋᔐᐅᒫᐎᓐ᙮ ᓇᒧᐃ ᒫᒃ ᐅᐦᒋ ᐃᐦᑖᐤ ᐊᐌᓐ ᐁ ᑌᐯᔨᒧᑦ ᐁᑎᑑ ᒉᒌ ᐃᔑ ᑲᑴᒋᒫᑦ ᒉᒀᔫ᙮

Mark 12:34 Iomraidhean Croise

Matthew 12:15

Iskutak maak Jesus piyehtahk taan waa ihtuutuwaakanuut chii chistuhteu, mihchetu maak aweyuu chii nuushuushkaakuu. Chii miinuwaachiheu maak aniyuu misiwe kaa aahkusiyich aweyuuh.

Matthew 12:20

Kaye namui chika uhchi pahchishimeu aniyuu chekaat kaa pahchishiniyich kaye chika wiichiheu e siihchimaat ekaa chechii puuniyich aniyuu kaa wii nuuhtipuuniyich. Namui maak chika uhchi puuniyuu paatish misiwe chekwaayuuh chii kuiskunaakuhtaate kaye maak chika tepiheu aniyuuh kaa wii nishkuushtaakut.

Matthew 22:46

Namui maak aweyuu uhchii nishkweushihiikuu Jesus. Anit maak uhchi aniyuu kaa chiishikaayich namui miin aweyuu uhchi kuchihtaayuu chechii kakwechimikut chekwaayuu.

Luke 20:40

Namui maak miin awen uhchi kuchihtaau chechii kakwechimaat Jesus chekwaayuu.

Romans 7:9

Utaahch nichii ishi pimaatisiin ekaa chischeyihtamaan taan e itashuwemakahch wiishuwewin. Iskutak maak kaa chischeyihtamaan itashuwewin taan itwemakahch, ekut kaa uhchi chischeyihtamaan e machaatisiyaan kaye muyaam e nipiyaan e ishinaakusiyaan.

Galatians 2:19

Mekwaach suuhk kaa wii nanihiihtamaan Jewa ayimiheu wiishuwewinh chek nichii nisituhten ekaa an Jewa ayimiheu wiishuwewin e nanihiihtamaan che uhchi ukuiskutaatisiiu pechi ishi kanawaapamit Chishemanituu. Ekw maak anuhchiish mwehch e nipiyaan kaye ekaa ekw maahtakushkaakuyaan aniyuuh wiishuwewinh nitishinaakusin. Ekw maak taapwe chechii pimaatisiistuuk Chishemanituu.

Colossians 4:6

Muush chipaa miyuuhtaakusinaawaau kaye chipaa iipwaahkaahtaakusinaawaau e ayimiyekw ekw maak che chischeyihtamekw taan che ishi nishkweushihekw awen e wii naanituu kachesteyihtahkw taan e ishi taapwehtamuwekw.