Mark 12:25 - Chishemanituu Utayimuwin: Kaa Uskaach Testament

²⁵ Wesh uhpiskaatwaawenich anichii kaa nipitwaau, taapaa kata uhchi niipuuch kaye namui kata uhchi niipuuhaakanuuch, wesh aniyuu e iteyihtaakusiyich enchilh kihchikiishikuhch kaa ihtaayitwaauh ekun mwehch che iteyihtaakusitwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁵ ᐌᔥ ᐅᐦᐱᔅᑳᑣᐌᓂᒡ ᐊᓂᒌ ᑳ ᓂᐱᑣᐤ, ᑖᐹ ᑲᑕ ᐅᐦᒋ ᓃᐴᒡ ᑲᔦ ᓇᒧᐃ ᑲᑕ ᐅᐦᒋ ᓃᐴᐦᐋᑲᓅᒡ, ᐌᔥ ᐊᓂᔫ ᐁ ᐃᑌᔨᐦᑖᑯᓯᔨᒡ ᐁᓐᒋᓪᐦ ᑭᐦᒋᑮᔑᑯᐦᒡ ᑳ ᐃᐦᑖᔨᑣᐤᐦ ᐁᑯᓐ ᒬᐦᒡ ᒉ ᐃᑌᔨᐦᑖᑯᓯᑣᐤ᙮

Mark 12:25 Iomraidhean Croise

Matthew 22:30

Wesh iskutak utihchipayihche che wanishkaatwaau anichii kaa puunipimaatisiitwaau, taapaa kata uhchi niipuuch kaye namui kata uhchi niipuuhaakanuuch, wesh aniyuu e iteyihtaakusiyich Chishemanituu utenchilimh kihchikiishikuhch kaa ihtaayich ekun mwehch che iteyihtaakusitwaau.

Mark 12:24

Ekw Jesus kaa itaat, “Namui chichischeyihtenaawaau taan e itashteyich Chishemanituu utayimuwin kaye namui chichischeyihtamuwaanaawaau Chishemanituu umaskuusiiwin uu kaa ishi kakwechimiyekw.

Mark 12:26

An maak netuu chischeyihtamuwekwe che uhpiskaawaakwenich kaa nipitwaau, namui aa kuuhchi ayimihtaawaanaawaau Moses taan kaa itisinahahk umasinahiikanihch, anit kaa tipaatutahk e niipiskuupaayich kaa uhchi ayimihiikut Chishemanituu, e chii itikuukupane, ‘Eukw niya uchishemanituumiwaau, Abraham, Isaac ekw maak Jacob.’

1 John 3:2

Niichishaanitikw kaa saachihiitakuch, kuutawaashiimitutaakunuu Chishemanituu anuhchiish, mikw maak eshkw namui nuukun taan che iteyihtaakusiihkw, mikw chichischeyihtenaanuu iskutak takushihke mwehch wiya kaa iteyihtaakusit ekun che iteyihtaakusiihkw. Wesh chika waapamaanuu taan nihaau e iteyihtaakusit.