Mark 12:16 - Chishemanituu Utayimuwin: Kaa Uskaach Testament

¹⁶ Kaa miyaatwaau peyakw. Ekw kaa itaat, “Awen maak utaashtamuhkw e nuukuniyich utah kaye awen uyuu utishinihkaasun kaa masinaateyich.” Chii iteuch, “Chisheuchimaau Caesar aniyuu utaashtamuhkw kaye wiya anit masinaasuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᑳ ᒥᔮᑣᐤ ᐯᔭᒄ᙮ ᐁᒄ ᑳ ᐃᑖᑦ, ᐊᐌᓐ ᒫᒃ ᐅᑖᔥᑕᒧᐦᒄ ᐁ ᓅᑯᓂᔨᒡ ᐅᑕᐦ ᑲᔦ ᐊᐌᓐ ᐅᔫ ᐅᑎᔑᓂᐦᑳᓱᓐ ᑳ ᒪᓯᓈᑌᔨᒡ᙮ ᒌ ᐃᑌᐅᒡ, ᒋᔐᐅᒋᒫᐤ ᓰᓴᕐ ᐊᓂᔫ ᐅᑖᔥᑕᒧᐦᒄ ᑲᔦ ᐎᔭ ᐊᓂᑦ ᒪᓯᓈᓲ᙮

Mark 12:16 Iomraidhean Croise

Mark 12:15

Nipaa chiishiihkenaan aa maak namui. Jesus maak chii chischeyimeu e wii pisiiwiikut uyuu e ishi kakwechimikut ekw kaa itaat, “Chekwaan wehchi wii pechi kakwechihiyekw. Peshuwaahkw maa shuuliyaawaapiskush, che kanawaapamak.”

Mark 12:17

Jesus chii iteu, “Miyaahkw chisheuchimaau Caesar taan aniyuuh wiya tepiyeusiit, kaye maak miyaahkw Chishemanituu taan aniyuu wiya tepiyeusiit.” Nuwach maak chii maamishkaashtuweuch uyuu kaa ishi ayimihiikutwaau.

2 Timothy 2:19

Mikw maak aniyuu Chishemanituu uchiskutamaachewin taan e ishi taapwemakaniyich namui chika chii aahtinikanuuyuu e ishpish yaaitaniyich, kaye an kaa itashtech, “Utipeyihchikeu chischeyimeu aniyuuh aweyuuh wiya tepiyeusiit” kaye “Misiwe awen Utipeyihchikeu e ihtaayich kaa ishi tipeyihtaakusit chipaa nakatam machaatisiiwiniyuu.”

Revelation 3:12

Anichii awenichii che shaakuuchihtaawaakwenich taan che ishi kakwechihiikutwaau machi chekwaayuu nika ishihaauch muyaam siituuwaaskuhiikan chihchiwe e aapatahch anite uchisheayimiheukamikuhch an Chishemanituu kaa atushkuuk chechii ishinaakusitwaau. Namui maak miin wiiskaat chika uhchi nakatamuch. Nika masinahamuwaan Chishemanituuh utishinihkaasuwiniyuu anit e ihtaatwaau. Nika masinahamuwaan taan e ishinihkaateyich Chishemanituuh utihtaawiniyuu anit e ihtaatwaau eukw uu kaa uskaach Jerusalem. Chishemanituu chika pechi itishaham uyuu kihchikiishikuhch uhchi. Kaye nika masinahamuwaan kaa uskaayich nitishinihkaasuwiniyuu anit e ihtaatwaau.”