Mark 12:12 - Chishemanituu Utayimuwin: Kaa Uskaach Testament

¹² Aniyuu maak aweyuu kaa ayimihaat Jesus chii wii maakunikuu wesh chii chischeyimikuu wiyawaau e wii kaahchitahukutwaau wehchi wiihtamiyich uyuu tipaachimuwiniyuu. Mikw maak chii kushteuch aniyuuh iinuuh anit kaa ihtaayich wesh chii mihchetiyuu. Ekw nitawaach kaa chistuhtetwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐊᓂᔫ ᒫᒃ ᐊᐌᔫ ᑳ ᐊᔨᒥᐦᐋᑦ ᒌᓴᔅ ᒌ ᐐ ᒫᑯᓂᑰ ᐌᔥ ᒌ ᒋᔅᒉᔨᒥᑰ ᐎᔭᐙᐤ ᐁ ᐐ ᑳᐦᒋᑕᐦᐅᑯᑣᐤ ᐌᐦᒋ ᐐᐦᑕᒥᔨᒡ ᐅᔫ ᑎᐹᒋᒧᐎᓂᔫ᙮ ᒥᒄ ᒫᒃ ᒌ ᑯᔥᑌᐅᒡ ᐊᓂᔫᐦ ᐄᓅᐦ ᐊᓂᑦ ᑳ ᐃᐦᑖᔨᒡ ᐌᔥ ᒌ ᒥᐦᒉᑎᔫ᙮ ᐁᒄ ᓂᑕᐙᒡ ᑳ ᒋᔅᑐᐦᑌᑣᐤ᙮

Mark 12:12 Iomraidhean Croise

Matthew 21:26

Maak itweyihkwe ‘Naapeu chii itikuu,’ chika wii yaakwaamiishtuwaanuuch taan che ihtuutaatahkwaau anichii iinuuch. Wesh misiwe taapwehtamuch John e chii uchischiwehiichesuyich.”

Matthew 22:22

Iskutak maak anichii kaa pechi itishahwaakanuutwaau piyehtawaatwaau uyuu e itikutwaau, naashch chii miskaateyihtamihiikuuch taan kaa ishi nishkweushihiikutwaau, kaa nakataatwaau ekw kaa ati chistuhtetwaau.

Mark 11:18

Anichii maak kaa niikaanapitwaau ayimiheuchimaauch nesht anichii wiishuwewiniyuu kaa chischinuhamaachetwaau chii pehtamuch uyuu e chii itweyikupanenh. Aniyuu maak misiwe aweyuu e miskaashtamiyich taan kaa ishi chiskutamaacheyich Jesus chii sechisuuch uchii chisheayimiheuchimaauch kaye anichii masinahiichesuuch ekw kaa naanituu chischeyihtahkwaau taan chechii ihtitwaau chechii nipahaakanuyich Jesus.

Mark 11:32

Chika itaanuu aa maak, ‘Naapeu kaa itikut.’ ” Chii wawaaneyihtamuch taan chechii ishi nishkweushihaatwaau e chii kushtaatwaau aniyuuh iinuuh anit kaa ihtaayich. Wesh misiwe chii taapwehtamiyuuh taapwe e chii uchischiwehiichesuyich aniyaanaa John.

Luke 20:19

Anichii maak kaa chiskutamaachetwaau wiishuwewiniyuu ekw maak anichii kaa niikaanapitwaau ayimiheuchimaauch tiiwehch chii wii maakuneuch Jesus. Wesh chii chischeyimeuch wiyawaau e chii aayimuumikutwaau kaa wiihtamiyich aniyuu chischinuhamaacheu tipaachimuwiniyuu. Mikw maak namui uhchi maakuneuch e chii kushtaatwaau aniyuu iinuuh.

Luke 20:6

Maak itweyihkwe, ‘Naapeu kaa itashumikut aniyuu kaa ihtit,’ ekw uchii iinuuch utah kaa ihtaatwaau chika nipahiikunuuch e paahpimusinaatahuutahkwaau. Wesh mitun taapweyimeuch John e chii uchischiwehiichesuyich.”

John 7:25

Pasch iinuuch Jerusalemihch kaa uhchiitwaau chii iteuch, “Eukw aa uyuu naapeu kaa wii nipahaatwaau.

John 7:30

Ekut kaa wii maakunaatwaau Jesus mikw maak namui uhchi pischeyimeuch, wesh eshkw namui uhchi utihchipayuu anit chipaa maakunaakanuu.

John 7:44

Pasch awenichii chii wii maakuneuch mikw namui awen uhchi pischeyimeu.