Mark 12:11 - Chishemanituu Utayimuwin: Kaa Uskaach Testament

¹¹ Eukw uyuu Utipeyihchikeu utaihtuwin, nuwach miskaasinaakuniyuu e kanawaapahtaakanuyich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᐁᐅᑯᔫ ᐅᑎᐯᔨᐦᒋᑫᐤ ᐅᑕᐃᐦᑐᐎᓐ, ᓄᐗᒡ ᒥᔅᑳᓯᓈᑯᓂᔫ ᐁ ᑲᓇᐙᐸᐦᑖᑲᓄᔨᒡ᙮

Mark 12:11 Iomraidhean Croise

Matthew 21:42

Ekw Jesus kaa itaat, “Namui aa kuuhchi ayimihtaanaawaau kaa itashtech anite Chishemanituu utayimuwinihch, Chii aataweyimeuch kaa waaskaahiikanihchetwaau aniyuu asinii chihchiwe e aapatisiyich e chiihcheyaayich. Eukw uyuu Utipeyihchikeu utaihtuwin, nuwach miskaasinaakuniyuu e kanawaapahtaakanuyich.”

ᐊᐸᔅᑕᓚᒡ 2:12

Misiwe maak chii miskaateyihtamihiikuuch uyuu kaa ispayiyich kaye chii wawaaneyihtamihiikuuch. Chii kakwechimituuch maak e ititutwaau, “Chekwaan uu kaa ispayihch, taan e ihtinaanuuhch uu.”

Colossians 1:27

Chishemanituu maak chii iteyihtamihiikuu chechii chischeyihtamiyich ekw utiiniimh aniyuu ekaa uhchi chischeyihtamihaat anite utaahch. Nuwach maak maamishkaateyihtaakuniyuu uyuu waa ishi chischeyihtamihaat misiwe aweyuu. An maak ekaa nihtaa kaa uhchi pechi chischeyihtaakunuuhch eukw Christ e piichishkaataakw chitehiiwaahch wesh ekut wehchi cheshtinaateyihtamihiikuyekw taapwe che utihtamekw misiwe taan e ishi miyu ayeskuushtamaataakw Chishemanituu.

1 Timothy 3:16

Nuwach kiipaa chisteyihtaakun an taan e ishi miskaateyihtaakuch chitaapwehtamuwinuu. Chishemanituu wiyaasuwinihch e chii ishi nuukuhiisut. Chii cheshtinaateyihtaakuhiikuu Kaa payehchisiyich Ahchaahkwa taapwe Chishemanituu e chii pechi itishahukut. Chii waapamikuu enchil. Chii aayimuumaakanuu e kacheskwaanuyich anite nanaahkuu e itiskaanesinaanuyich. Chii taapweyimikuu aweyuuh utah aschiihch. Ekw maak kihchikiishikuhch kaa ishi uhpiskaat chechii chisteyihtaakuhaakanuut.