Mark 11:20 - Chishemanituu Utayimuwin: Kaa Uskaach Testament

²⁰ Wiipach miin wiyaapaniyich mekwaach e pimuhtetwaau meskanaahch chii waapameuch aniyuu misishuuminaahtikw mitun tekash e nipiyich, mechim aniyuuh utipiih e nipiimakaniyikwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᐐᐸᒡ ᒦᓐ ᐎᔮᐸᓂᔨᒡ ᒣᒀᒡ ᐁ ᐱᒧᐦᑌᑣᐤ ᒣᔅᑲᓈᐦᒡ ᒌ ᐙᐸᒣᐅᒡ ᐊᓂᔫ ᒥᓯᔔᒥᓈᐦᑎᒄ ᒥᑐᓐ ᑌᑲᔥ ᐁ ᓂᐱᔨᒡ, ᒣᒋᒻ ᐊᓂᔫᐦ ᐅᑎᐲᐦ ᐁ ᓂᐲᒪᑲᓂᔨᒀᐤ᙮

Mark 11:20 Iomraidhean Croise

Matthew 13:6

Iskutak maak e ispahahk piisim chii ishkwaateuh aniyuuh nihtaauchihchikanh. Chek chii ati nipiimakanh wesh taapaa uhchi utipiimakanh.

Matthew 15:13

Ekw Jesus kaa itaat, “Tahtu e tahtiniyikwaau nihtaauchihchikan Nuuhtaawii kihchikiishikuhch kaa ihtaat ekaa wii uhchi nihtaauchihtaat chika pihkuchipitaakanuyuu.

Matthew 21:18

Wiipach maak chiyechishepaayaayich Jesus miin kaau chii chiiweu anite Jerusalemihch, chii siiweyuu maak.

Mark 11:12

Miin wiyaapaniyich mekwaach e pimuhtetwaau Bethanyihch e uhtuhtetwaau ekw kaa wii miichisut Jesus.

Mark 11:14

Chii ayimiheu aniyuuh mistikw kaa itaat, “Ekun che ishinaakusiyin, namui miin wiiskaat chika uhchi nihtaauchinh miinisha anit e ihtaayin chechii miichitwaau awenich.” Chii pehtaakuu maak uchischinuhamuwaakanh uyuu kaa ishi ayimihaayich aniyuuh mistikw.

John 15:6

Awen ekaa niya e ihtaayaan kaa ishi pimaatisiit wepinaakanuu mwehch taan e ihtuutaakanuuhch watihkun, nipuu maak chek. Anihiih maak watihkun kaa wepinikanuuhkwaau maamuushtinikanuuh ekw mechishtawepinikanuuhkwaau ekw maak e ati ishkwaatekwaau.

Hebrews 6:8

Ihtakuhch maak aschii taanit nehtaauchihch chekwaan ekaa wiyesh itaapatahch, namui wiyesh katachii itaapatan an aschii. Namui chika uhchi shaweyihtam Chishemanituu aniyuu aschiiyuu. Chika chii ishinaakuniyuu chechii ishkwaasahk aniyuu aschiiyuu.

Jude 1:12

Mikw wanaahtaasuuch anit e makushewekw e nuukuhtaayekw e saachihekw Chishemanituu. Namui mitun pimaameyimuuch e mista chiishpuhiisutwaau e wiichimiichisuumitaakuch, mikw wiyawaau e nanaakatuweyimisutwaau. Mwehch kaskawanishkuch e pimaashitwaau ekaa maak mechim nipiyuutwaau ekun e iteyihtaakusitwaau. Mwehch mistikuch ekaa mitun miinishuutwaau aat e takwaatiniyich, mistikuch chichi utapii e chii manishipikuhchipitaakanuutwaau, tekash e nipitwaau, ekun e ishinaakusitwaau.