Mark 11:14 - Chishemanituu Utayimuwin: Kaa Uskaach Testament

¹⁴ Chii ayimiheu aniyuuh mistikw kaa itaat, “Ekun che ishinaakusiyin, namui miin wiiskaat chika uhchi nihtaauchinh miinisha anit e ihtaayin chechii miichitwaau awenich.” Chii pehtaakuu maak uchischinuhamuwaakanh uyuu kaa ishi ayimihaayich aniyuuh mistikw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᒌ ᐊᔨᒥᐦᐁᐤ ᐊᓂᔫᐦ ᒥᔅᑎᒄ ᑳ ᐃᑖᑦ, ᐁᑯᓐ ᒉ ᐃᔑᓈᑯᓯᔨᓐ, ᓇᒧᐃ ᒦᓐ ᐐᔅᑳᑦ ᒋᑲ ᐅᐦᒋ ᓂᐦᑖᐅᒋᓐᐦ ᒦᓂᔕ ᐊᓂᑦ ᐁ ᐃᐦᑖᔨᓐ ᒉᒌ ᒦᒋᑣᐤ ᐊᐌᓂᒡ᙮ ᒌ ᐯᐦᑖᑰ ᒫᒃ ᐅᒋᔅᒋᓄᐦᐊᒧᐙᑲᓐᐦ ᐅᔫ ᑳ ᐃᔑ ᐊᔨᒥᐦᐋᔨᒡ ᐊᓂᔫᐦ ᒥᔅᑎᒄ᙮

Mark 11:14 Iomraidhean Croise

Matthew 21:19

Ekw kaa waapamaat misishuuminaahtikw anite yaaiskanuu, kaa nituwaapamaat, namui maak chekwaayuu uhchi miskam chechii miichit anit mistikuhch mikw niipisii chii nihtaauchiniyuu anit. Ekw kaa itaat aniyuu mistikw, “Namui miin wiiskaat chika uhchi nihtaauchuuch waapaminich anit e ihtaayin.” Tiiwehch maak chii nipiiyuu aniyuu misishuuminaahtikw.

Matthew 21:33

Ekw Jesus kaa itaat, “Nituhtamukw miin uu kutach Chiskutamaacheu tipaachimuwin. Chii ihtaau peyakwaau uchimaau e nihtaauchihtaat miinishah anit chechii uhchi ushihtaat shuuminaapuuyuu. Chii chipaham maak misiwe waaskaa aniyuu unihtaauchihchikan aschii. Kaye chii muunaauhkaham taanite che pichishchishkaakanuyikwaau aniyuu miinisha. Chii ushihtaau kaye chiimuushaapiiukamikuyuu anite che uhchi naanaakachihtaakanuyikwaau aniyuu unihtaauchihchikanh. Iskutak maak kaa chiishkwaa aihtit chii naanituwaapameu aweyuu chechii naanaakachihtaayich uyuu utaschii ekw kaa chistuhtet, waahiyuu e ihtakuniyich aschiiyuu kaa ituhtet.

Matthew 21:44

Wesh itashteu anite Chishemanituu utayimuwinihch, ‘Awen e pisusimikut aniyuu asinii mitun chika piikushin, ekw maak maahtakuhukute aniyuu asinii mitun tekash kata pichischishkaakuu.’ ”

Matthew 3:10

Wesh muyaam shaash e ayeskuushtech usitaaskw eukw che ishinaakuhch che naatwaakahwaakanuut an mistikw anite e utipiyuut. Wesh tahtu mistikw ekaa miyu miinishuut chika naatwaakahwaakanuu kaye chika machishtewepinaakanuu ishkutehch.

Matthew 7:19

An maak mistikw ekaa kaa miyu miinishuut chika naatwaakahwaakanuu ekw che machishtawepinaakanuut ishkutehch.

Mark 11:13

Chii waapameu nete waahyuushiish e chimasuyich misishuuminaahtikw e niipisiiwiyich. Kaa naataat e wii nituu chischeyimaat e miinishuyikwen. Iskutak maak wetihtaat mikw niipisii chii waapahtam wesh taapaa eshkw uhchi utihchipayiniyuu anit kaa chii miinishuyich.

Mark 11:15

Iskutak Jerusalemihch tekushihkwaau ekw Jesus kaa piihchet anite chisheayimiheukamikuhch. Kaa ati waahwiiwiitishihwaat aniyuu ataawesuu kaye aniyuuh kaa utinaasuyitwaau anit piihtakamihch kaa ihtaayitwaauh. Chii kutapuwepinamuweu umiichisuunaahtikuyuuh aniyuuh shuuliyaayuu kaa miiskutuunaayich kaye ekun kaa ihtuutamuwaat utehtapuwiniyuuh aniyuuh umiimiiuuh kaa ataaweyitwaau.

John 15:6

Awen ekaa niya e ihtaayaan kaa ishi pimaatisiit wepinaakanuu mwehch taan e ihtuutaakanuuhch watihkun, nipuu maak chek. Anihiih maak watihkun kaa wepinikanuuhkwaau maamuushtinikanuuh ekw mechishtawepinikanuuhkwaau ekw maak e ati ishkwaatekwaau.

2 Peter 2:20

Chiishpin kaa wiihkuchihuuwaakwenich awenichii taan e ishi machituutaachemakaniyich uyuu aschiiyuu aniyuu taan e ishi chischeyimaatwaau ekw Jesus Christ e Tipeyichikeyich kaye e Pimaachihiiweyich miin maak kaau e kaahchitinikutwaau kaye e shaakuuchihiikutwaau uyuu chekwaayuu etituu iteyihtaakuniyuu taanit e ihtaatwaau anuhchiish ishpishaat wii taanit kaa pechi ihtaatwaau niishtam.

Revelation 22:11

Ekw maak an awen kaa machaatisiit ekush yaapach chika machaatisiyuu. Kaye an awen nitawiin kaa ihtit ekush yaapach nitawiin chika ihtuu. Ekw an awen kaa kuiskutaatisiit ekush yaapach kata kuiskutaatisiyuu. Kaye an awen kaa payehchisiit yaapach che payehchisiit.” Eukw uyuu kaa itwet an enchil.