Mark 10:6 - Chishemanituu Utayimuwin: Kaa Uskaach Testament

⁶ Mikw maak uskach kaa ushihtaakanuuhch uu aschii chii nisituunaakuniyuu taan kaa wii ihtit Chishemanituu wesh maau e itashtech Chishemanituu umasinahiikanihch, taapishkun naapeuh nesht iskweuh chii ushiheu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᒥᒄ ᒫᒃ ᐅᔅᑲᒡ ᑳ ᐅᔑᐦᑖᑲᓅᐦᒡ ᐆ ᐊᔅᒌ ᒌ ᓂᓯᑑᓈᑯᓂᔫ ᑖᓐ ᑳ ᐐ ᐃᐦᑎᑦ ᒋᔐᒪᓂᑑ ᐌᔥ ᒫᐤ ᐁ ᐃᑕᔥᑌᒡ ᒋᔐᒪᓂᑑ ᐅᒪᓯᓇᐦᐄᑲᓂᐦᒡ, ᑖᐱᔥᑯᓐ ᓈᐯᐤᐦ ᓀᔥᑦ ᐃᔅᑴᐤᐦ ᒌ ᐅᔑᐦᐁᐤ᙮

Mark 10:6 Iomraidhean Croise

Mark 13:19

Wesh uyuu e chiishikaakwaauh utihchipayihkwaawen nuwach kata ihtakun e nanehkaateyimutwaau awenichii. Kaa ishpish ihtakuhch uu aschii, Chishemanituu kaa ushihtaat, namui wiiskaat uhchi iteyihtaakun taan che iteyihtaakuhch uu nanehkaateyimuwin. Kaye maak namui miin wiiskaat kata uhchi ihtakun uu e iteyihtaakuhch nanehkaateyimuwin iskutak chii miyaaupayihche.

Romans 1:20

Aat ekaa muhch chii waapamaakanuut Chishemanituu, misiwe taan kaa ishihtaat uyuu aschiiyuu ekut chechii uhchi piyekasch nisituunamuwaatwaau awenichii ukaachiche suuhkaatisiiwiniyuu kaye ekut chechii uhchi chischeyimaatwaau taapwe e Chishemanituwiyich. Namui maak katachii iteu awen ekaa chischeyihtahk e ihtaayich Chishemanituu.

2 Peter 3:4

Chika itweuch maak e maayeyimitaakuch, “Taan maak uu che takushihk Utipeyihchikeu muush kaa pechi aayimuumekw. Kaa ishpish chii pechi ihtakuhch uu aschii misiwe chekwaan muush peyakunihch ishpish mamiyuupayuu.”