Mark 10:52 - Chishemanituu Utayimuwin: Kaa Uskaach Testament

⁵² Jesus maak chii iteu, “Maachiih, chitaapwehtamuwin chimiinuwaachihiikuun.” An maak naapeu tiiwehch chii uhchi waapahtam ekw kaa nuushuushkuwaat Jesus aniyuu e ati pimuhteyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵² ᒌᓴᔅ ᒫᒃ ᒌ ᐃᑌᐤ, ᒫᒌᐦ, ᒋᑖᐺᐦᑕᒧᐎᓐ ᒋᒦᓄᐙᒋᐦᐄᑰᓐ᙮ ᐊᓐ ᒫᒃ ᓈᐯᐤ ᑏᐌᐦᒡ ᒌ ᐅᐦᒋ ᐙᐸᐦᑕᒻ ᐁᒄ ᑳ ᓅᔔᔥᑯᐙᑦ ᒌᓴᔅ ᐊᓂᔫ ᐁ ᐊᑎ ᐱᒧᐦᑌᔨᒡ᙮

Mark 10:52 Iomraidhean Croise

Matthew 11:5

Wiihtamuwaahkw maak e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich kaa maayaataniyich umichiiwaaspinewiniyuu, e chii miinuwaachihaakanuyich. Kaye e pehtamiyich aniyuu ekaa uhchii pehtamiyich. Kaye e chii wanishkaanaakanuyich aniyuu kaa nipiitwaau. Kaye miywaachimuwiniyuu e waawiihtamuwaakanuyich kaa chistimaatisiyich aweyuuh.

Matthew 12:22

Pasch awenichii chii peshuweuch naapeu anite Jesus e ihtaayich ekaa waapahtamiyich kaye ekaa uhchii ayimiyich, e chii piihchishkaakuyich machiahchaahkwa. Ekw Jesus kaa miinuwaachihaat aniyuu naapeu, kaa uhchi nihtaaweyich kaye kaa uhchi waapahtamiyich.

Matthew 15:28

Ekw Jesus kaa itaat, “Iiskweu, taapwe suuhchisiimakan chitaapwehtamuwin. Chika ishi ihtuutamaakuun maak taan e ishi pukuseyihtaman.” Tiiwehch maak chii miinuwaatisiyuuh aniyuu utaanisa an iskweu.

Matthew 21:14

Chii pechi nituwaapamikuu maak aniyuu ekaa kaa waapahtamiyich kaye aniyuu kaa maaschinihtaauchiyich aweyuuh anite chisheayimiheukamikuhch mekwaach e ihtaat, chii miinuwaachiheu maak.

Matthew 8:3

Jesus maak chii taahtineu e itaat, “Chiwii wiichihiitin, payehchisiih.” Tiiwehch maak chii miinuwaatisiyuu an naapeu aniyuu kaa itaaspinet.

Matthew 9:22

Ekw Jesus kaa kweschikaapuut, kaa waapamaat aniyuu iskweu ekw kaa itaat, “Miyeyihtah nitaanis, chitaapwehtamuwin chimiinuwaachihiikuun.” Tiiwehch maak chii miinuwaatisiyuu an iskweu aniyuu kaa itaaspinet.

Mark 1:31

Kaa nituwaapamaat uyuu iskweu kaa utinamuwaat utihchiyuu, ekw kaa wiichihaat e wanishkaayich. Chii nakatikuu maak an iskweu aniyuu kaa chishiteunikusiit. Kaa pisikuut ekw kaa ati aapatisit e mamiyuutuutuwaat.

Mark 5:34

Ekw Jesus kaa itaat uyuu iskweu, “Nitaanish, chitaapwehtamuwin chimiinuwaachihiikuun. Maachiih maak chiyaameyihtamuwin ayaah. Wesh shaash taapwe chimiinuwaatisiin.”

Mark 8:25

Jesus miin kaa taahtinamuwaat uschiishikuyuuh. Eukw ekw kaa aapahiipayiniyikwaauh mitun e miinawaachihtaakanuyikwaau, misiwe chekwaayuu chii payehkasinam.

Luke 7:50

Jesus maak chii iteu aniyuu iskweu, “Chitaapwehtamuwinh chipimaachihiikun. Maachiih maak chiyaameyihtamuwin che ayaayin.”

Luke 9:48

“Awen e utinaat peyakw uyuu awaasha nitishinihkaasuwinihch uhchi, mwehch kaye niya e utinit ekun e ishinaakuniyich. An maak awen kaa utinit namayeu niya kaa utinit, aniyuuh kaa pechi itishahuyich eukw aniyuu wetinaat. Wesh an awen maauch nuuhtaash kaa iteyihtaakusit anit e tashiyekw eukun an maauch chesteyihtaakusit.”

John 9:32

Kaa ishpish ihtakuhch uu aschii, namui nihtaa uhchi pehtaakun awen chechii ihtuutuwaat aweyuu ekaa waapahtamiyich chechii waapahtamiyich.

John 9:39

Jesus kaa itaat, “Nichii pechi takushin utah aschiihch chechii wiyaaskunicheyaan anit chechii uhchi waapahtahkwaau anichii ekaa kaa waapahtahkwaau, ekw anichii kaa waapahtahkwaau ekaa chechii waapahtahkwaau.”

ᐊᐸᔅᑕᓚᒡ 26:18

Chititishahutin anite e ihtaatwaau chechii nisituhtamihiitwaau taan e ishinaakuniyikwaauh upimaatisiiwinawaauh. Chischeyihtahkwaawenich maak ekw che nakatahkwaau wanitipiskusiiwiniyuu ekw waashtewiniyuu che naatahkwaau. Kaye maak che nakatamuwaatwaau machimanituu usuuhkaatisiiwiniyuu teyakuch Chishemanituuh usuuhkaatisiiwiniyuu chechii naatamuwaatwaau. Ekw maak taapweyimitwaawenich che wepeyihtamuwaakanuutwaau umachihtwaawinawaauh. Ekw maak che masinaasutwaau kaye wiyawaau anite mesinaasuyich Chishemanituu utiimiih aniyuuh kaa wiyaapamaat.’ ”