Mark 10:45 - Chishemanituu Utayimuwin: Kaa Uskaach Testament

⁴⁵ Mwehch Iinuu Ukusisa namui uhchi pechi takushin chechii atushkuwaakanuut, chii takushin chechii atushkuwaat iinuuh. Kaye maak chii takushin chechii pachishtinahk upimaatisiiwin miiskuch mihchetu aweyuuh chechii aapihkunaakanuyich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁵ ᒬᐦᒡ ᐄᓅ ᐅᑯᓯᓴ ᓇᒧᐃ ᐅᐦᒋ ᐯᒋ ᑕᑯᔑᓐ ᒉᒌ ᐊᑐᔥᑯᐙᑲᓅᑦ, ᒌ ᑕᑯᔑᓐ ᒉᒌ ᐊᑐᔥᑯᒀᑦ ᐄᓅᐦ᙮ ᑲᔦ ᒫᒃ ᒌ ᑕᑯᔑᓐ ᒉᒌ ᐸᒋᔥᑎᓇᐦᒃ ᐅᐱᒫᑎᓰᐎᓐ ᒦᔅᑯᒡ ᒥᐦᒉᑐ ᐊᐌᔫᐦ ᒉᒌ ᐋᐱᐦᑯᓈᑲᓄᔨᒡ᙮

Mark 10:45 Iomraidhean Croise

Matthew 20:28

Mwehch Iinuu Ukusisa namui uhchi pechi takushin chechii atushkuwaakanuut, chii takushin chechii atushkuwaat iinuuh. Kaye maak chii takushin chechii pachishtinahk upimaatiisiwin miiskuch mihchetu aweyuuh chechii aapihkunaakanuyich.”

Mark 10:44

Ekw an awen kaa wii niikaanapihiisut eukuu misiwe e tashiyekw che utaapachihaakaniyekw.

John 10:15

mwehch e ishi chischeyimit Uhtaawiimaau kaye maak niya e ishi chischeyimak. Mitun maak nititeyihtamihiikuwaan chechii pachishtinisuuch chechii nipahiikuuch wiyawaau uhchi anichii nimaanishchaanishimach.

John 13:14

Niya eukw Chitipeyihchikemuwaau kaye Chichischinuhamaachesiimuwaau, yaapach maak niya chichii chishtaapauchisitenitinaawaau. Kaye chiyawaau maak chipaa chishtaapauchisitenitunaawaau.

2 Corinthians 5:21

Aat maak Christ ekaa wiiskaat uhchi machituutahk Chishemanituu chii ihtuutaakuu mwehch umachihtwaau chechii ishinaakusit, chiyaanuu uhchi. Ekw maak Christ wiicheuhkwe, ukuiskutaatisiiuch chika ishi kanawaapamikunuu Chishemanituu.

2 Corinthians 8:9

Chichischeyimaawaau taan kaa ishi miyutuutamaachet Chitipeyihchikeminuu Jesus Christ. Chii weyuutisiyuu yaapach maak chii ihtuutaasuu chechii chistimaatisiit chiyaanuu uhchi. Chii nakatam wiya misiwe uweyuutisiiwin.

Galatians 3:13

Christ chichii naatamaakunuu taan kaa ishi nishuuwanaachimikuyihkw wiishuwewinihch uhchi ekw wii miiskuch kaa nishuuwanaachimaakanuut. Wesh itashteu Chishemanituu utayimuwinihch, Misiwe awen mistikuhch kaa akuyaakanuut nishuuwanaachimikuu Chishemanituu.

Titus 2:14

Chii pachishteyimitisuu Christ chiyaanuu uhchi, chechii wepeyihtamaakuyihkw misiwe chimachihtwaawinuuh kaye chechii payehchihiitahkw mikw wiya chechii ayaautahkw. Chinituweyimikunuu suuhk chechii iteyihtamihiikuyihkw kuiskw chechii ihtiihkw.

Hebrews 5:8

Aat e chii Ukusiitutaakut Chishemanituuh Jesus, yaapach chii nituweyihtaakuniyuu chechii chischeyihtamihaakanuut tekash chechii nanihiihtuwaat e pachishteyimitisuustamuwaat utiteyihtamuwiniyuu chechii nanehkaachihaakanuut. Ekut kaa uhchi chischeyihtamihaakanuut chechii nanihiihtuwaat Chishemanituuh.

1 Peter 1:19

Christ umihkw maauch kaa chisteyihtaakuhch chekwaan eukuu kaa wiihkuchihiikuyekw. Wesh aniyuu kaa wiihkuchihiitaakw Christ tekash chii pachishtinam upimaatisiiwin mwehch maanishchaanish ekaa mitun wiyesh ishinaakusit, naashch e miyuushit, ekun kaa ishinaakusit Christ uyuu kaa ihtuutamaataakw.