Mark 10:39 - Chishemanituu Utayimuwin: Kaa Uskaach Testament

³⁹ Chii iteuch maak, “Nika chii ihtinaan.” Ekw Jesus kaa itikutwaau, “An che ishi minihkweyaan ekun kaye chiyawaau che ishi minihkweyekw, chika peyakuhtaanaanuu an minihkwaakan. Kaye an siikahaahtaachewin che siikahaahtaakuyaan eukun an kaye chiyawaau che siikahaahtaakuyekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁹ ᒌ ᐃᑌᐅᒡ ᒫᒃ, ᓂᑲ ᒌ ᐃᐦᑎᓈᓐ᙮ ᐁᒄ ᒌᓴᔅ ᑳ ᐃᑎᑯᑣᐤ, ᐊᓐ ᒉ ᐃᔑ ᒥᓂᐦᑴᔮᓐ ᐁᑯᓐ ᑲᔦ ᒋᔭᐙᐤ ᒉ ᐃᔑ ᒥᓂᐦᑴᔦᒄ, ᒋᑲ ᐯᔭᑯᐦᑖᓈᓅ ᐊᓐ ᒥᓂᐦᒀᑲᓐ᙮ ᑲᔦ ᐊᓐ ᓰᑲᐦᐋᐦᑖᒉᐎᓐ ᒉ ᓰᑲᐦᐋᐦᑖᑯᔮᓐ ᐁᐅᑯᓐ ᐊᓐ ᑲᔦ ᒋᔭᐙᐤ ᒉ ᓰᑲᐦᐋᐦᑖᑯᔦᒄ᙮

Mark 10:39 Iomraidhean Croise

Matthew 10:25

Chipaa miyeyihtam maak an kaa chiskutamuwaakanuut, iteyihtaakusit e iteyihtaakusiyich aniyuu kaa chiskutamaakut, kaye an aapachihaakan iteyihtaakusit e iteyihtaakusiyich uchimaam. Niya maak aat e uchimaawiyaan chischisikw maa taan kaa ishi maayeyimitwaau e chii itwetwaau an machiahchaahkw uchimaau Beelzebul e aawiyaan. Chiyawaau maak etituu chika maayeyimikuwaauch.”

Matthew 3:6

Mushe chii wiihtamuch taan kaa ishi machituutamuwaakupanenich ekw maak kaa siikahaahtaakutwaau John anite Jordan siipiihch.

Mark 14:31

Peter naashch chii wii taapweu e itaat, “Namui wiiskaat nika uhchi itwen ekaa chischeyimitaan, aat ishinaakuhche che nipiyaan nipahiikawiyine.” Ekun kaa itwetwaau kaye anichii kutakach chischinuhamuwaakanich.

Mark 14:36

Chii itweu, “Nuuhtaawii, namui ihtakun chekwaan ekaa chechii ihtuutaman chiya. Iichenamuu maa uu taan nipaa ishi wiisacheyihten. Mikw maak chiya chititeyihtamuwin chika ihtuutaakanuu, namui niya nititeyihtamuwin.”

John 13:37

Peter miin kaa kakwechimaat e itaat, “Utipeyihchikeu, chekwaan che uhchi ekaa chii wiicheutaan anuhchiish. Namui nika uhchi puuniin e nuushuushkaatan aat wii nipahiikuyaane.”

John 15:20

Che chischisiyekw taan kaa ititakuch, ‘Namui ihtaau aapachihaakan uste e uchimaaweyihtaakusit e iteyihtaakusiyich uchimaam.’ Chiishpin kaa nanehkaachihiiwaakwenich kaye chiyawaau chika nanehkaachihiikuwaauch. Kaa nanihiihtamuwaakwenich taan kaa ishi aayimuutamuukwaau chika nanihiihtamuch kaye chiyawaau taan che ishi aayimuutamuwekuch.

John 17:14

Nichii wiihtamuwaauch taan kaa ishi miyin chechii wiihtamuukwaau. Chii uhkaatikuch maak aweyuu utah aschiihch kaa ihtaayich wesh taapaa utah aschiihch ishi tipeyihtaakusuuch mwehch niya e ishi ekaa tipeyihtaakusiyaan utah aschiihch.

ᐊᐸᔅᑕᓚᒡ 12:2

John wiichishaaniyuuh James eukun aniyuu niishtam kaa itashuwaataat che nipahaakanuyich, shimaakanishuu muuhkumaaniyuu e aapataniyich.

Colossians 1:24

Nimiyeyihten maak e nanehkaateyimuhiikuyaan chiyawaau uhchi, kaye niyaasihch nichiishihtaan aniyuu taan e ishi nuuhtepayiniyich Christ uwiisacheyihtamuwinihch, chechii wiichihiikwaau umaamuuayimihaauch, Christ wiiyuu.

Revelation 1:9

Eukw niya chiichishaanawaau John. Misiwe chiwiichishaanihtunaanuu Jesus e ihtaat ishi. Chinanehkaateyimuhiikuyihkw an uhchi e nuushuushkuuhkw Jesus mikw maak maamuu chiwii siipiiwesinaanuu taanit anit nechishkamuhkw maan e aayimihch chekwaan. Nichii maakunikuun ekw anite an ministikw Patmos kaa ishinihkaatech kaa tayikuyaan an uhchi e chii waawiihtamaan Chishemanituu utayimuwin kaye e chii tipaachimak Jesus taan kaa aihtit.