Mark 10:34 - Chishemanituu Utayimuwin: Kaa Uskaach Testament

³⁴ Eukw uchii che maayeyimaatwaau kaye che sihkwaataatwaau, kaye che pasistehwaatwaau, ekw maak che nipahaatwaau. Nishtu chiishikaau maak chii utihchipayiyiche kaau che wanishkaat.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁴ ᐁᐅᒄ ᐅᒌ ᒉ ᒫᔦᔨᒫᑣᐤ ᑲᔦ ᒉ ᓯᐦᒀᑖᑣᐤ, ᑲᔦ ᒉ ᐸᓯᔅᑌᐦᐙᑣᐤ, ᐁᒄ ᒫᒃ ᒉ ᓂᐸᐦᐋᑣᐤ᙮ ᓂᔥᑐ ᒌᔑᑳᐤ ᒫᒃ ᒌ ᐅᑎᐦᒋᐸᔨᔨᒉ ᑳᐤ ᒉ ᐗᓂᔥᑳᑦ᙮

Mark 10:34 Iomraidhean Croise

Matthew 16:21

Iskutak maak uyuu kaa ishi ayimihaat aniyuu uchischinuhamuwaakanh Jesus ekw kaa chihchi wiihtamuwaat e piyekastaakusit e itaat, “Nika ituhten anite Jerusalemihch, ekute maak anite che mistawaawiisacheyihtamihiitwaau anichii kaa niikaanishkuwaatwaau aniyuuh iinuuh, kaye anichii niikaanayimiheuchimaauch, kaye maak anichii kaa chiskutamaachetwaau wiishuwewiniyuu. Ekw maak che nipahiikuyaan, nishtu chiishikaau maak miin nika pimaatisiin.”

Matthew 26:67

Chii sihkwaateuch utaashtamihkuyich eyuu chii utaamuhweuch kaye chii utitaamuhkwehweuch,

Matthew 27:63

Ekw kaa itaatwaau, “Uchimaau, nichischisinaan eshkw e chii pimaatisiit an kaa nanatayit e chii itwet, ‘Nishtu chiishikaauh ishpish ekw che wanishkaanikuuyaan nipuwinihch uhchi.’

Mark 14:63

Ekw an chisheayimiheuchimaau, iskutak piyehtawaat uyuu e itweyich chii piikupitam uchekwaanim e itwet, “Namui chinitaweyimaanuuch kutakach awenichii chechii pechi wiihtahkwaau taan kaa ihtiyich maak taan kaa itweyich.

Mark 14:65

Pasch maak chii shihkwaateuch kaye chii akunaahkwehweuch ekw kaa wautaamuhkwehwaatwaau e itaatwaau, “Awen kaa utaamuhuusk chititeyihten.” Mechim aniyuuh kaa maakunawesiyich kaa naanaakachihtaayich aniyuu waaskaahiikaniyuu chii utataamuhukuu aniyuu e ati chistuhtahiikut.

Mark 9:31

wesh mekwaach chii chiskutamuweu uchischinuhamuwaakanh. Chii iteu, “Naapeuh e ihtaayich kata ishi pachishtinaakanuu Iinuu Ukusisa chechii nipahiikut. Mikw maak nishtu chiishikaau ishpish ekw che wanishkaat nipuwinihch uhchi.”

Luke 23:11

Ekw maak Herod kaye ushimaakanshiimh chii wiyaahuuch Jesus e maayeyimaatwaau kaye aayaahch e ihtuutawaatwaau e pushchishkamutiyaatwaau akuhpiyuu e miywaashiyich. Ekw maak Herod kaau kaa chiiwetishihwaat Jesus, Pilate e ihtaayich.

John 1:17

Chishemanituu chii aapachiheu aniyaanaa Moses chechii wiihtamuwaayich iinuuh uwiishuwewinh. Kaye maak Jesus Christ chii aapachiheu chechii nuukuhtaayich utaapwewin kaye uchishewaatisiiwin.

John 2:10

kaa itaat, “Misiwe awen e makushet, aniyuu maauch e miywaayich shuuminaapuuyuu niishtam pimipayihtaau, ekw iskutak e ati miyuhkasuyich aniyuu kaa wiishaamaat, ekw aniyuu ekaa kaa wiihkaniyich shuuminaapuuyuu pemipayihtaat. Chiya maak chekwaan wehchi maahchishtai pimipayihtaayin an kaa miywaach shuuminaapuu.”

1 Corinthians 15:4

Wiihtamaachemakan uu miywaachimuwin e chii chiskashtaakanuyich Christ wiiyuu. Iskutak maak kaa nishtuchiishikaayich ekw kaa wanishkaanaakanuut kaau chechii pimaatisiit. Eukw uu e ishi aayimuutech Chishemanituu utayimuwinihch.