Mark 10:32 - Chishemanituu Utayimuwin: Kaa Uskaach Testament

³² Jesus ekw maak uchischinuhamuwaakanh Jerusalemihch chii ituhteuch, aniyuu maak e ati pimuhtetwaau Jesus chii ati niikaanihteu. Anichii maak chischinuhamuwaakanich chii miskaateyimeuch Jesus Jerusalemihch e wii ituhteyich neshta anichii anite utaahch kaa pechi pimuhtetwaau chii sechisuuch anite chechii ituhtetwaau. Ekw Jesus pahkaan kaa ituhtahaat uchischinuhamuwaakanh ekw kaa waawiihtamuwaat taan che ispayit.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³² ᒌᓴᔅ ᐁᒄ ᒫᒃ ᐅᒋᔅᒋᓄᐦᐊᒧᐙᑲᓐᐦ ᒉᕉᓴᓚᒥᐦᒡ ᒌ ᐃᑐᐦᑌᐅᒡ, ᐊᓂᔫ ᒫᒃ ᐁ ᐊᑎ ᐱᒧᐦᑌᑣᐤ ᒌᓴᔅ ᒌ ᐊᑎ ᓃᑳᓂᐦᑌᐤ᙮ ᐊᓂᒌ ᒫᒃ ᒋᔅᒋᓄᐦᐊᒧᐙᑲᓂᒡ ᒌ ᒥᔅᑳᑌᔨᒣᐅᒡ ᒌᓴᔅ ᒉᕉᓴᓚᒥᐦᒡ ᐁ ᐐ ᐃᑐᐦᑌᔨᒡ ᓀᔥᑕ ᐊᓂᒌ ᐊᓂᑌ ᐅᑖᐦᒡ ᑳ ᐯᒋ ᐱᒧᐦᑌᑣᐤ ᒌ ᓭᒋᓲᒡ ᐊᓂᑌ ᒉᒌ ᐃᑐᐦᑌᑣᐤ᙮ ᐁᒄ ᒌᓴᔅ ᐸᐦᑳᓐ ᑳ ᐃᑐᐦᑕᐦᐋᑦ ᐅᒋᔅᒋᓄᐦᐊᒧᐙᑲᓐᐦ ᐁᒄ ᑳ ᐙᐐᐦᑕᒧᐙᑦ ᑖᓐ ᒉ ᐃᔅᐸᔨᑦ᙮

Mark 10:32 Iomraidhean Croise

Matthew 11:25

Ekut maak Jesus kaa ayimihaat e itwet, “Nuuhtaawii, chinanaaskumitin e chii waapahtiitwaau anichii awenichii ekaa uhchi chiskutamuwaakanuutwaau aniyuuh chekwaayuuh kaa kaatuutwaau kaa kachehtaaweyihtahkwaau.

Matthew 13:11

Ekw Jesus kaa itaat, “Chichii miikunaawaau chiyawaau chechii chischeyihtamekw an chekwaan kutakach awenich ekaa maayaakanuutwaau chechii chischeyihtahkwaau, eukuu chechii chischeyihtamekw kihchikiishikw uchimaawin. Wiyawaau maak namui uhchi pachishtinaakanuuch aniyuu chechii ishi chischeyihtahkwaau.

Mark 1:27

Misiwe maak awen chii miskaateyihtamihiikuu uyuu kaa ispayiyich ekw kaa ititutwaau, “Chekwaan maak miin uu. Uschi chiskutamaachewin aa. E ayaat uu naapeu tipeyihchichewiniyuu waawaach machiahchaahkwa chechii pishichihiikut e wiishumaat.”

Mark 4:34

Eukw uyuu pisikw kaa aapachihtaat e ayimihaat aweyuu. Mikw maak iskutak mikw wiyawaau e ihtaatwaau uchischinuhamuwaakanh ekut kaa chii waawiihtamuwaat taan e ishi chiishuwemakaniyikwaau uyuuh tipaachimuwinh.

Luke 10:23

Ekw kaa ayimihaat mikw aniyuuh uchischinuhamuwaakanh, kaa itaat, “Taapwe chishaweyihtaakusinaawaau chiyawaau taan e ishi waapahtamekw anuhchiish.

Luke 19:28

Iskutak maak Jesus kaa chiishkwaa tipaachimut, ekw Jerusalemihch kaa ituhtetwaau, e ati niikaanihtet aniyuu uchischinuhamuwaakanh e ihtaayich.

Luke 9:51

Wetaach maak chii ati peshunaakuniyuu Jesus kihchikiishikuhch che ishi utinaakanuut ekw naashch kaa iteyihtamihiikut yaaitei chechii ituhtet Jerusalemihch. Ekw maak kaa chistuhtet.

John 11:16

Thomas, peyakw an kaa niishitwaau wiichishaanh kaa ishinihkaataakanuut, chii iteu aniyuu wiich chischinuhamuwaakanh, “Misiwe ekush e tashiihkw wiichewaataau Jesus kaye chiyaanuu chechii nipahiikuyihkw nipahaakanuute.”

John 11:8

Chii itikuu maak aniyuuh uchischinuhamuwaakanh, “Chiskutamaachesuu, namui weskach kaa wii nipahiiskwaau e paahpimusinaatahuuskwaau anichii Jewa iinuuch yaapach maak miin kaau chii wii ituhten anite.”