Mark 10:30 - Chishemanituu Utayimuwin: Kaa Uskaach Testament

³⁰ etituu kata ishi ayaau anite niishtamihch eshkw utah aschiihch e ihtaat eyuu maak kaachiche pimaatisiiwiniyuu kata ayaau. Uyuu ihtite mitaahtumitanewaau ayuwaak kata ishpish miyaakanuu waaskaahiikanh, kaye mitaahtumitanewaau ayuwaak kata ishpish miyaakanuu aweyuu che wiichishaanit kaye che wiichishaaniskwemit kaye che ukaawiit, kaye che utawaashiimit. Eyuu maak mitaahtumitanewaau ayuwaak kata ishpish miyaakanuu aschiiyuu. Mikw maak kata nachishkam e nanehkaachihaakanuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁰ ᐁᑎᑑ ᑲᑕ ᐃᔑ ᐊᔮᐤ ᐊᓂᑌ ᓃᔥᑕᒥᐦᒡ ᐁᔥᒄ ᐅᑕᐦ ᐊᔅᒌᐦᒡ ᐁ ᐃᐦᑖᑦ ᐁᔫ ᒫᒃ ᑳᒋᒉ ᐱᒫᑎᓰᐎᓂᔫ ᑲᑕ ᐊᔮᐤ᙮ ᐅᔫ ᐃᐦᑎᑌ ᒥᑖᐦᑐᒥᑕᓀᐙᐤ ᐊᔪᐙᒃ ᑲᑕ ᐃᔥᐱᔥ ᒥᔮᑲᓅ ᐙᔅᑳᐦᐄᑲᓐᐦ, ᑲᔦ ᒥᑖᐦᑐᒥᑕᓀᐙᐤ ᐊᔪᐙᒃ ᑲᑕ ᐃᔥᐱᔥ ᒥᔮᑲᓅ ᐊᐌᔫ ᒉ ᐐᒋᔖᓂᑦ ᑲᔦ ᒉ ᐐᒋᔖᓂᔅᑴᒥᑦ ᑲᔦ ᒉ ᐅᑳᐐᑦ, ᑲᔦ ᒉ ᐅᑕᐙᔒᒥᑦ᙮ ᐁᔫ ᒫᒃ ᒥᑖᐦᑐᒥᑕᓀᐙᐤ ᐊᔪᐙᒃ ᑲᑕ ᐃᔥᐱᔥ ᒥᔮᑲᓅ ᐊᔅᒌᔫ᙮ ᒥᒄ ᒫᒃ ᑲᑕ ᓇᒋᔥᑲᒻ ᐁ ᓇᓀᐦᑳᒋᐦᐋᑲᓅᑦ᙮

Mark 10:30 Iomraidhean Croise

Matthew 12:32

Misiwe awen kaa maayeyimaat Iinuu Ukusisa katachii wepeyihtamuwaakanuu. Namui wiiskaat katachii wepeyihtamuwaakanuu awen maayeyimaate Kaa payehchisiyich Ahchaahkwa.”

Matthew 13:8

Pasch maak aniyuu shuumin e miyuskamikaayich ekute kaa ishi pahchihtiniyikwaauh, chii miyu nihtaauchinh uyuuh ekw maak kaa miyu miinishuuhkwaau. Pasch maak mitaahtumitanuu chii nihtaauchin peyakw shuumin uhchi, ekw kutak kutwaashumitanuu chii nihtaauchin ekw kutak nishtumitanuu chii nihtaauchin peyakw shuumin uhchi.”

Matthew 6:33

Uste iteyihtaakun suuhk chechii naanituweyihtamuwekw Chishemanituu uchisheuchimaawin kaye ukuiskutaatisiiwin, ekw maak che miitaakw misiwe taan e ishi nuuhtepayiwekw.

Luke 18:30

etituu che miyaakanuut ishpishaat aniyuu kaa ishi nakatahk anuhchiish mekwaach e pimaatisiit, kaye kaachiche pimaatisiiwiniyuu che ayaat anite niishtamihch.”

John 10:23

Jesus maak mekwaach chii papaamuhteu anite pwaahchihch, Solomon upwaahchim kaa ishinihkaateyich.

ᐊᐸᔅᑕᓚᒡ 14:22

Ekut anit kaa ayimihaatwaau aniyuu aweyuu kaa taapweyimaayich Jesus e siihchimaatwaau chechii memechiminimiyich utaapwehtamuwiniyuu. Chii iteuch kaye e nituweyihtaakuniyich awen chechii nachishkahk nanaahkuu chekwaayuuh e aayimaniyikwaau ekw maak chechii piihchet Chishemanituu uchisheuchimaawinihch.

ᐊᐸᔅᑕᓚᒡ 16:25

Chekaat chii aapihtaatipiskaayiche ekw kaa ayimihaatwaau Paul ekw maak Silas kaye e nikamuushtuwaatwaau Chishemanituu, anichii maak kutakach kaa maakunaakanuutwaau mikw chii nituhtuweuch.

ᐊᐸᔅᑕᓚᒡ 5:41

Anichii maak apastalach chii chistuhteuch anit kaa nishtuwiyiich aniyuu kaa maamuupishtamiyich wiyaaskunichewiniyuu e sichiyesitwaau e chii tepicheyimikutwaau Chishemanituu chechii nanehkaateyimutwaau Jesus utishinihkaasuwiniyuu uhchi.

Romans 5:3

Ekun maak wehchi ishinaakusiihkw yaapach e muuchicheyihtamukw aat anit mekwaach e aayimihuyihkw, wesh chichischeyihtenaanuu anit an e aayimihuyihkw ekut wehchi etituu siipiiwesiihkw.

Romans 6:23

Wesh nipuwinihch ituhtahiikuu awen machihtwaawiniyuu. Ekw an awen kaa wiichewaat Jesus Christ Chitipeyihchikeminuuh Chishemanituuh sehchei miikuu kaachiche pimaatisiiwiniyuu.

2 Corinthians 6:10

Ihtakun e ishi misimeyihtamaahch. Yaapach maak nimiywaatenaan. Namui niweyuutisiinaan. Yaapach maak nitihtutawaanaanich awenichii chechii ayaatwaau chihchiwe weyuutisiiwiniyuu. Aat ekaa chekwaan tipiyeusiyaahch, yaapach misiwe chekwaan e tipiyeusiyaahch nitishinaakusinaan.

Philippians 3:8

Namui maak mikw aniyuuh chekwaayuuh kaa aayimuutamaan nuuhchi wepinen. Misiwe kutach chekwaan namui mitun nitaapateyihtamihiikun e ishpish etituu iteyihtaakuhch e chischeyimak Christ Jesus taapwe e Utipeyihchikemiyaan. Wiya uhchi eukuu wehchii pachishteyihtamihiikuyaan misiwe uyuuh chekwaayuu, wepinaasun nititeyihtamihiikun uyuuh chekwaayuuh, wiya chechii wiicheuk,

2 Thessalonians 2:16

Chishemanituu Kuuhtaawiinuu neshta Chitipeyihchikeminuu Jesus Christ chisaachihiikunuuch kaye chichii miikunuuch kaachiche kaachiichihiiwewiniyuu kaye aspeyimuwiniyuu shaweyihchichewinihch uhchi.

1 Timothy 4:8

Ihtakuniyuu kiipaa taan e ishi wiichihiikut awen e sasaaupayihut. Ekw maak an awen suuhk muush kaa wii nanihiiwehaat Chishemanituu eukw uyuu etituu che wiichihiikut anuhchiish utah e pimaatisiit kaye maak anite ishi niishtaamihch.

1 Timothy 6:6

Taapwe kiipaa e Chishemanituuwaatisiit awen e ispihteyihtahk maak taan e ishi ayaat niweyuutisiin iteyihtam.

James 1:12

Shaweyihtaakusuu an awen ekaa kaa shaakuuchihiikut taan e ishi kakwechihaakanuut. Wesh shaapushkahke taan e ishi kakwechihaakanuut chika miikuu Chishemanituuh e weyuuch miyeyihtaakuniyich pimaatisiiwiniyuu, aniyuu kaa itweyich cheshtinaash che miyaayich aniyuu kaa saachihiikut.

James 5:11

Wesh taapwe shaweyihtaakusuuch chititeyimaanuuch anichii ekaa uhchi nuuhtipuuniitwaau. Chichii pehtenaawaau taan kaa ishpish siipiiwesiit Job mekwaach kaa aayimuhut. Chichischeyimaanuu maak taan kaa ishi miyupayihtamaakut Utipeyihchikeu iskutak kaa chiishi aayimuhut. Saakaschineshkaakuu chishewaatisiiwiniyuu Utipeyihchikeu kaye saakaschineshkaakuu e chistimaacheyimaat aweyuu.

1 John 2:25

Eukw maak uyuu kaa itwet Christ, cheshtinaash che miitahkw kaachiche pimaatisiiwiniyuu.

1 John 3:1

Kanawaapahtamukw maa e ishpish saachihiitahkw Chishemanituu e miitahkw Chishemanituu utawaashiim chechii ishinihkaatakuuhkw. Taapwe maak kuutawaashiimitutaakunuu. Anichii ekaa kaa taapweyimaatwaau Chishemanituu namui chichischeyimikunuuch awenich chiyaanuu wesh taapaa chischeyimeuch Chishemanituu.

Revelation 2:9

Nichischeyihten taan e ishi nanehkaateyimuhiikuyekw. Nichischeyihten e chistimaatisiyekw mikw maak yaapach chimiisitisiinaawaau. Nichischeyihten taan e ishpish machaayimuumitaakuch anichii Jewa nititiskaanesinaan kaa itwetwaau, ekaa maak Jewa itiskaanesitwaau. Machimanituu e ihtaayich uhchiyuuch anichii.

Revelation 3:18

Eukw uu che uhchi wiihtamaatakuch taan che ihtiyekw. E ihtaayaan utinaahkw ushaaushuuliyaanaapiskw. Uu ushaaushuuliyaanaapiskw ishkutehch chii tataakanuu chechii payehchihtaakanuuhch. Ayaawekwe maak ekw che weyuuchisiyekw Chishemanituu ishi e ihtaat. Utinamukw kaye e waapaasikwaauh machunisha chechii chichishkamekw ekaa chechii shaakweyimuyekw wesh namui ekw chika uhchi musheshkatenaawaau. Kaye utinamukw nituhkuiin che ashtaayekw chischiisikuwaahch chechii waapahtamekw.