Mark 10:29 - Chishemanituu Utayimuwin: Kaa Uskaach Testament

²⁹ “Ehe, taapwe,” chii itikuu Jesus, “chiwiihtamaatinaawaau maak, an awen che nakatamukwe wiichi, maak che nakataakwe wiichishaan, wiichishaaniskwem, maak ukaawii, uhtaawii, maak utawaashiim maak che nakatamukwe unihtaauchihchikan aschii, niya uhchi kaye miywaachimuwiniyuu uhchi,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁹ ᐁᐦᐁ, ᑖᐺ, ᒌ ᐃᑎᑰ ᒌᓴᔅ, ᒋᐐᐦᑕᒫᑎᓈᐙᐤ ᒫᒃ, ᐊᓐ ᐊᐌᓐ ᒉ ᓇᑲᑕᒧᑴ ᐐᒋ, ᒫᒃ ᒉ ᓇᑲᑖᑴ ᐐᒋᔖᓐ, ᐐᒋᔖᓂᔅᑴᒻ, ᒫᒃ ᐅᑳᐐ, ᐅᐦᑖᐐ, ᒫᒃ ᐅᑕᐙᔒᒻ ᒫᒃ ᒉ ᓇᑲᑕᒧᑴ ᐅᓂᐦᑖᐅᒋᐦᒋᑲᓐ ᐊᔅᒌ, ᓂᔭ ᐅᐦᒋ ᑲᔦ ᒥᔻᒋᒧᐎᓂᔫ ᐅᐦᒋ,

Mark 10:29 Iomraidhean Croise

Matthew 10:18

Chika ituhtahiikunaawaau tipeyihchichesuuch kaye chisheuchimaauch e ihtaatwaau chechii uhchishkuukaapuushtawekuch an uhchi e nuushuushkuwiyekw. Chika nitaweyihtaakusinaawaau kuiskw chechii ishi aayimuumiyekw anit uhchishkuu e ihtaatwaau kaye uhchishkuu anichii ekaa Jewa kaa itiskaanesitwaau.

Matthew 19:29

Misiwe awen kaa nakatahk wiichi kaye kaa nakataat wiichishaanh, uniichihiikuh kaye utawaashiimh kaye maak kaa nakatahk utaschii niya uhchi uste mitaahtumitanewaau chika chiiwemiyaakanuu kaye kaachiche pimaatisiiwiniyuu chika miyaakanuu.

Matthew 6:33

Uste iteyihtaakun suuhk chechii naanituweyihtamuwekw Chishemanituu uchisheuchimaawin kaye ukuiskutaatisiiwin, ekw maak che miitaakw misiwe taan e ishi nuuhtepayiwekw.

Mark 8:35

Wesh an awen kaa wii kanuweyihtamaasut upimaatisiiwin kata wanihtaau. An maak awen che pachishtinamukwe misiwe chekwaayuu taan kaa wii ihtuutahk mechim kaye upimaatisiiwin e wii pechi nuushuushkuut kaye maak miywaachimuwiniyuu uhchi eukun uu che miyaakanuut pimaatisiiwiniyuu.

Luke 18:29

“Ehe, taapwe,” chii iteu Jesus, “Misiwe awen kaa nakatahk wiichi kaye kaa nakataat wiichiskweu kaye wiichishaan kaye uniichihiikw kaye utawaashiim, Chishemanituu uchisheuchimaawiniyuu uhchi chika cheshtinaateyihtenaawaau,

1 Corinthians 9:23

Eukw wehchi ihtiyaan uu chechii taapwehtaakanuuhch miywaachimuwin taanite mikw e ati waawiihtamaan. Ekw maak che miskamaan taan e ishi aayimuutech shaweyichichewin anite miywaachimuwinihch.

Revelation 2:3

Muush chichii siipiiwesiinaawaau e nachishkamekw chekwaan. Chichii aayimuhunaawaau kaye e nuushuushkuuyekw. Namui maak kuuhchi nuuhtipuuniinaawaau e taapwehtamekw.