Mark 10:24 - Chishemanituu Utayimuwin: Kaa Uskaach Testament

²⁴ Chii kushkuweyihtamihiikuuch anichii chischinuhamuwaakanich taan kaa ishi aayimuutamiyich Jesus mikw maak yaapach chii ati ayimuu Jesus e itwet, “Nitawaashiimitikw, taapwe nuwach aayimaniyuu awen chechii piihchet Chishemanituu uchisheuchimaawiniihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁴ ᒌ ᑯᔥᑯᐌᔨᐦᑕᒥᐦᐄᑰᒡ ᐊᓂᒌ ᒋᔅᒋᓄᐦᐊᒧᐙᑲᓂᒡ ᑖᓐ ᑳ ᐃᔑ ᐋᔨᒨᑕᒥᔨᒡ ᒌᓴᔅ ᒥᒄ ᒫᒃ ᔮᐸᒡ ᒌ ᐊᑎ ᐊᔨᒨ ᒌᓴᔅ ᐁ ᐃᑗᑦ, ᓂᑕᐙᔒᒥᑎᒄ, ᑖᐺ ᓄᐗᒡ ᐋᔨᒪᓂᔫ ᐊᐌᓐ ᒉᒌ ᐲᐦᒉᑦ ᒋᔐᒪᓂᑑ ᐅᒋᔐᐅᒫᐎᓃᐦᒡ᙮

Mark 10:24 Iomraidhean Croise

Matthew 19:25

Iskutak maak piyehtahkwaau anichii chischinuhamuwaakanich uyuu, naashch chii kushkupayuuch, ekw kaa ititutwaau, “Awen maak ekw chechii pimaachihut.”

Mark 1:27

Misiwe maak awen chii miskaateyihtamihiikuu uyuu kaa ispayiyich ekw kaa ititutwaau, “Chekwaan maak miin uu. Uschi chiskutamaachewin aa. E ayaat uu naapeu tipeyihchichewiniyuu waawaach machiahchaahkwa chechii pishichihiikut e wiishumaat.”

Mark 10:23

Ekw Jesus misiwe kaa iitaapit e kanawaapamaat aniyuu uchischinuhamuwaakanh ekw kaa itaat, “Taapwe nuwach kata aayimaniyuu anichii kaa miisitisiitwaau chechii piihchetwaau Chishemanituu uchisheuchimaawiniihch.”

Luke 16:14

Iskutak maak Phariseech piyehtahkwaau uyeyuu chii maayeyimeuch Jesus, wesh chii saachihtaauch shuuliyaayuu.

John 13:33

Nitawaashiimitikw, shaash namui chineush nika uhchi ihtaan utah e ihtaayekw. Chika pechi naanituwaapaminaawaau, mikw maak chika wiihtamaatinaawaau taan kaa ishi wiihtamuukwaau anichii Jewa iinuuh kaa niikaanishkuwaatwaau, namui chika chii ituhtenaawaau anite che ituhteyaan.

John 21:5

Chii itikuuch maak, “Eshkw aa namui chipitahuyaanaawaau.” “Namui,” chii iteuch.

John 6:60

Iskutak maak kaa pehtaakut mihchetu aniyuu kaa nuushuushkaakut aniyuu e itwet, chii itweyuuh, “Taapwe aayimaniyuu aniyuu kaa itwet, awen chechii nisituhtahk.”

Galatians 4:19

Chiyawaau nitawaashiimach kaa iteyimitakuch, mwehch iskweu e ishpish aahkusit e wii waapamaausut ekun miin e itamahchihuyaan e maamituneyimitakuch, ekun che itamahchihuyaan paatish nispituwekwe Jesus e iteyihtaakusit.

1 Timothy 6:17

Chinituweyimitin maak Timothy, chechii wiihtamutwaau anichii kaa miisitisiitwaau ekaa chechii chihkaateyimishutwaau aniyuu e miisitisiitwaau kaye ekaa chechii aspeyimututahkwaau aniyuu ekaa kaa cheshtinaateyihtaakuniyich miisitisiiwiniyuu. Chischisuumach uste Chishemanituu chechii aspeyimututuwaatwaau an kaa miyu miitahkw misiwe chekwaayuu chechii miyeyihtamihiikuuhkw.

1 John 2:1

Chimasinahamaatinaawaau nitawaashiimitikw ekaa chechii machituutamekw. E ihtaakwe maak awen e chii machituutahk Jesus Christ kaa kuiskutaatisiit eukw uu e ayimishtamaatahkw Kuuhtaawiinuuh e ihtaayich.

1 John 4:4

Nitawaashiimitikw, Chishemanituu chichii pimaachihiikuwaau. Namui maak kuuhchii shaakuuchihiikuwaauch anichii ekaa kuiskw kaa ishi chiskutamaachetwaau chechii taapwehtawekuch. Wesh uste suuhcheyihtaakusuu an kaa piihchishkaataakw ishpishaat aniyuuh anichii aschiihch kaa ishi pimaatisiitwaau kaa piihchishkaakutwaau.

1 John 5:21

Awaashitikw, yaakwaamiikw ekaa chechii nuuchiishtuwekuch manituuhkaanich.

Revelation 3:17

Chititwenaawaau niweyuuchisiinaan, naashch taapwe nimiyupayinaan kaye shaash misiwe chekwaan nitayaanaan taan e ishi nituweyihtamaahch. Namui aa chichischeyihtenaawaau taan e ishi ekaa chihkaawaateyimuyekw ekaa miyeyimuyekw kaye taan e ishpish pimaameyihtaakusiyekw. Namui chichischeyihtenaawaau taan e ishpish chistimaatisiyekw, e musheshkateyekw, kaye ekaa waapahtemekw.