Mark 10:21 - Chishemanituu Utayimuwin: Kaa Uskaach Testament

²¹ Jesus chii kanawaapameu e saachihaat ekw kaa itaat, “Peyakw chekwaan eshkw namui chitayaan. Maachiih nituu ataawe misiwe taan e ishi ayaayin ekw an shuuliyaau kaa chistimaatisiitwaau che miyatwaau, ekw maak che ayaayin miisitisiiwin anite kihchikiishikuhch. Chii ihtuutamane maak uu ekw che pechi nuushuushkuwiyin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᒌᓴᔅ ᒌ ᑲᓇᐙᐸᒣᐤ ᐁ ᓵᒋᐦᐋᑦ ᐁᒄ ᑳ ᐃᑖᑦ, ᐯᔭᒄ ᒉᒀᓐ ᐁᔥᒄ ᓇᒧᐃ ᒋᑕᔮᓐ᙮ ᒫᒌᐦ ᓂᑑ ᐊᑖᐌ ᒥᓯᐌ ᑖᓐ ᐁ ᐃᔑ ᐊᔮᔨᓐ ᐁᒄ ᐊᓐ ᔔᓕᔮᐤ ᑳ ᒋᔅᑎᒫᑎᓰᑣᐤ ᒉ ᒥᔭᑣᐤ, ᐁᒄ ᒫᒃ ᒉ ᐊᔮᔨᓐ ᒦᓯᑎᓰᐎᓐ ᐊᓂᑌ ᑭᐦᒋᑮᔑᑯᐦᒡ᙮ ᒌ ᐃᐦᑑᑕᒪᓀ ᒫᒃ ᐆ ᐁᒄ ᒉ ᐯᒋ ᓅᔔᔥᑯᐎᔨᓐ᙮

Mark 10:21 Iomraidhean Croise

Matthew 16:24

Ekw Jesus kaa itaat aniyuu uchischinuhamuwaakan, “Awen waa nuushuushkuukwe ekush chipaa pachishtinam aniyuu wiya taan waa ishi naniheyihtamihiisut, chipaa utineu utaashiteyaahtikum ekw maak nipaa pechi nuushuushkaakw.

Matthew 19:21

Ekw Jesus kaa itaat, “Tekash misiwe chekwaan waa ihtuutamuwane chechii kuiskutaatisiyin, nituu ataawe misiwe taan e ishi ayaayin, ekw an shuuliyaau kaa chistimaatisiitwaau che miitwaau. Ekw maak che ayaayin miisitisiiwin kihchikiishikuhch kaa ihtakuhch. Chii ihtuutamane maak uu ekw maak che pechi nuushuushkuwiyin. Chii ihtuutamane maak uu aashtam ekw maak che pechi nuushuushkuwiyin.”

Mark 10:22

An maak naapeu iskutak piyehtahk uyuu naashch chii uhchi macheyihtamuunaakusuu ekw kaa chistuhtet e macheyihtahk wesh naashch taapwe chii miisitisiyuu.

Mark 8:34

Ekw Jesus kaa wiishaamaat peshuch chechii pechi naachikaapuyich aniyuu anit kaa maausikuyich aweyuuh kaye aniyuuh uchischinuhamuwaakanh ekw kaa itaat, “Awen waa nuushuushkuukwe ekush chipaa pachishtinam aniyuu wiya taan waa ishi naniheyihtamihiisut, chipaa utineu utaashiteyaahtikum ekw maak nipaa pechi nuushuushkaakw.

Luke 10:42

Peyakw wesin chekwaan naashch nituweyihtaakun, Mary maak shaash chii wiyaapahtamaasuu aniyuu chekwaayuu uste e miywaashiyich e nituweyihtaakuniyich. Namui maak aweyuu chika chii miskamikuu aniyuu.”

Luke 12:33

Ataawekw aniyuu chekwaayuu e ishi tipiyeusiyekw ekw che miyekuch kaa chistimaatisiitwaau aniyuu shuuliyaayuu. Wesh uu ishi ihtuutamekwe Chishemanituu chika tipahamaakuwaau nete kihchikiishikuhch. Wesh taan che ishi tipahamaataakw Chishemanituu namui nihtaa chika uhchi iskwaapayuu wesh namui nihtaa chika chii kachemutamaakunaawaau kaye manichuushach namui chika chii wanaachihtaauch.

Luke 16:9

Ekw Jesus miin kaa ati itaat, “Chiwiihtamaatinaawaau, aapachihtaakw taan e ishi ayaayekw chechii miyutuutamekw ekw maak chechii wiichewaakaniyekw. Iskutak maak puunipimaatisiyekwe ekw maak che piihtakahiikuyekw anite kaachiche che wiichiyekw.

Luke 18:22

Iskutak maak Jesus piyehtawaat uyuu e itweyich chii iteu, “Eshkw maak peyakw chekwaan miin nituweyihtaakun chechii ihtuutaman. Ataawe misiwe taan e ishi ayaayin, ekw an shuuliyaau kaa chistimaatisiitwaau che miitwaau. Ekw maak che ayaayin miisitisiiwin kihchikiishikuhch kaa ihtakuhch. Chii ihtuutamane maak uu ekw maak che pechi nuushuushkuwiyin.”

Luke 19:41

Wetaach maak chii ati peshuwaapahtam Jesus Jerusalemiyuu, iskutak maak wiyaapahtahk chii maatutam.

Luke 9:23

Ekw misiwe kaa itaat, “Awen waa nuushuushkuukwe ekush chipaa pachishtinam aniyuu wii taan waa ishi naniheyihtamihiisut, eshikum chiishikaauh chipaa utineu utaashiteyaahtikum ekw maak nipaa pechi nuushuushkaakw.

John 12:26

An maak awen niya kaa atushkuut nika pechi nuushuushkaakw. Ekw maak che ihtaat nitaapachihaakan taanite che ati aihtaauch. Kata chisteyimikuu Nuuhtaawiih an awen che atushkuukwe.”

John 16:33

Chichii wiihtamaatinaawaau uu chechii uhchi ayaayekw chiyaameyihtamuwin anite niya e ihtaayaan. Chikaa nanekaateyimuhiikunaawaau utah aschiihch. Suuhk wii suuhchitehekw, wesh shaash nichii shaakuuchihaau an kaa tipeyimaat aniyuu aweyuu ekaa kaa aapateyimaayich Chishemanituu.”

ᐊᐸᔅᑕᓚᒡ 2:45

Chii ataaweuch taan e ishi tipiyeusiitwaau ekw kaa maatinamaatutwaau aniyuu shuuliyaayuu misiwe anit e tashitwaau. Mikw taan e ishi nuuhtepayit awen ekun kaa ishi miyaakanuut.

2 Corinthians 12:15

Kwaast maak e ihtiyaan chiwii wiichihiitinaawaau. Kaye maak tekash nika pachishteyimisun chechii wiichihiitakuch. Namui aa chika uhchi ishpish saachihiinaawaau etituu saachihiitakuche.

2 Timothy 3:12

Ehe, taapwe, misiwe awen kuiskw kaa wiishi pimaatisiit kaye tekash kaa pachishtinisut e wiichewaat Christ Jesus, kata ihtakuniyuu taan che ishi nanehkaachihaakanuut,

Hebrews 10:34

Chichii chistimaacheyimaawaauch anichii chipahutuukamikuhch kaa ihtaatwaau anichii kaa taapwehtahkwaau wesh kaye chiyawaau ekun mwehch kaa ishi nachishkamekw. Iskutak kaa maakunikanuuhkwaau chichekwaanimuwaau e maayeyimikuyekw chichii miyeyihtenaawaau wesh chichii chischeyihtenaawaau etituu e miywaach an chekwaan kaa ishi ayaayekw, kaye kaachiche che ihtakuhch.

James 2:10

Wesh an awen misiwe aniyuu wiishuwewiniyuu kaa nanihiihtahk mikw maak peyakw chekwaayuu anit taan e itashteyich piikunahke misiwe aniyuu wiishuwewiniyuu e piikunahk ishinaakusuu.

Revelation 2:14

Chiwii aayimuutamaatinaawaau chekwaayuuh ekaa meyeyihtamihiikuyaan. Ihtaauch awenichii anit e ihtaayekw e nituhtahkwaau taan e ishi Chiskutamaacheyich Balaam. Uu Balaam chii chiskutamuweu Balak taan chechii ihtuutawaayich Israel iinuuh chechii machituutamiyich e miichiyich chekwaayuu e chii machishtawehamuwaakanuyich maanituuhkan kaye maak chechii wiinisuu pimaatisiyich.

Revelation 2:20

Mikw maak chiwii wiihtamaatinaawaau chekwaan ekaa miyeyihtamihiikuyaan. Chinituhtawaawaau an iskweu Jezebel kaa ishinihkaasut mwehch uchischiwehiichesuu kaa itahiisut. Wiyeshiheu nitaapachihaakanh e chiskutamuwaat wiinisuwinihch chechii ishi pimaatisiyich kaye e ihtuutawaat chechii miichiyich chekwaayuu manituuhkaan e chii machishtawehamuwaakanuyich.

Revelation 2:4

Mikw maak peyakw chekwaan ekaa miyeyihtamaan e ihtiyekw eukw uu ekaa ishpish saachihiyekw taan kaa ishpish saachihiyekw uskach kaa chihchi taapweyimiyekw.