Mark 10:2 - Chishemanituu Utayimuwin: Kaa Uskaach Testament

² Chii takushiniyuuh Phariseeh e chii wii naanituu pisiiwiikut ekaa kuiskw chechii ishi wiihtahk chekwaayuu. Chii ishi kakwechimikuu maak, “Wiihtamuunaan maa, itashteu aa wiishuwewinihch che pachishtinaakanuut naapeu chechii wepinaat wiichiskweu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒌ ᑕᑯᔑᓂᔫᐦ ᕓᕆᓰᐦ ᐁ ᒌ ᐐ ᓈᓂᑑ ᐱᓰᐐᑯᑦ ᐁᑳ ᑯᐃᔅᒄ ᒉᒌ ᐃᔑ ᐐᐦᑕᐦᒃ ᒉᒀᔫ᙮ ᒌ ᐃᔑ ᑲᑴᒋᒥᑰ ᒫᒃ, ᐐᐦᑕᒨᓈᓐ ᒫ, ᐃᑕᔥᑌᐤ ᐋ ᐐᔓᐌᐎᓂᐦᒡ ᒉ ᐸᒋᔥᑎᓈᑲᓅᑦ ᓈᐯᐤ ᒉᒌ ᐌᐱᓈᑦ ᐐᒋᔅᑴᐤ᙮

Mark 10:2 Iomraidhean Croise

Matthew 15:12

Ekw aniyuu uchischinuhamuwaakan kaa pechi nituwaapamikut, kaa itikut, “Chichischeyihten aa e chii chishuwaahiitwaau anichii Phariseech aniyuu kaa itweut.”

Matthew 16:1

Pasch maak Phariseech ekw maak Sadduceech chii pechi nituwaapameuch aniyuu Jesus e wii kakwechihaatwaau. Chii iteuch maak chechii waapahtiikutwaau maamishkaach waapahtiiwewiniyuu kihchikiishikuhch e uhchiimakaniyich.

Matthew 19:3

Pasch maak Phariseeh chii pechi nituwaapamikuu e wii kakwechihiikut. Chii itikuu maak, “Wiihtamuunaan maa, itashteu aa wiishuwewinihch che pachishtinaakanuut naapeu chechii wepinaat wiichiskweu.”

Matthew 22:35

Peyakw maak anit e tashitwaau anichii Phariseech, kaa chiskutamaachet wiishuwewiniyuu e itaapatisit, chiwii naanituu pisiiwiyeu Jesus, e kakwechimaat chekwaayuu.

Matthew 23:13

“Chekwaan chika ishi machipayinaawaau chiyawaau wiishuwewin kaa chiskutamaacheyekw kaye chiyawaau Phariseech, chiyawaau kaa ayimihehkaasuyekw, chiyawaau kaa kachipiskuwekuch awenichii chechii piihchetwaau anite kihchikiishikw chisheuchimaawinihch, ekaa maak mechim chechii piihcheyekw chiyawaau. Namui chipachishtinaawaauch anichii kaa wii piihchetwaau anite kihchikiishikw chisheuchimaawinihch chechii piihchetwaau.

Matthew 9:34

Mikw maak anichii Phariseech chii iteuch, “Aniyuu wesin kaa niikaanishkuwaayich machiahchaahkwa eukw aniyuu kaa miikut suuhkaatisiiwiniyuu chechii wiiwiitishihwaat machiahchaahkwa.”

Mark 10:1

Jesus maak chii chistuhteu anit aniyuu kaa ihtaat, ekw anite Judea aschiihch kaa ati ituhtet kwestehchekaam Jordan siipiihch. Ekun kaa ihtuutaakut kaye anite aweyuu, chii mihchetiyuu e pechi nituwaapamikut. Ekw kaa ihtuutawaat taan kaa chii ihtuutawaat maan aweyuu e nituwaapamikut, chii chiskutamuweu.

Mark 10:3

Jesus chii nishkweushiheu uyuu e ishi kakwechimaat, “Taan kaa itashumitaakw maak Moses.”

Mark 8:11

Chii ihtaauch pasch Phariseech e pechi nituwaapamaatwaau Jesus e pechi machihtaakusitwaau. Chii nanaaskuushiheuch e wii naanituu kakwechihaatwaau, ekw kaa itaatwaau chechii waapahtiikutwaau maamishkaach waapahtiiwewiniyuu kihchikiishikuhch e uhchiimakaniyich.

Mark 8:15

Jesus chii ishi yaakwaamimikuuch, “Yaakwaakw, ayaakwaamiishtamuwaahkw uhpisikanimuwaau Phariseech kaye maak Herod uhpisikanim.”

Luke 11:39

Ekw Jesus kaa itaat, “Chiyawaau Phariseech, naashch yaakwaau e iteyihtamihiikuyekw chiwiyaakanawaau kaye chiminihkwaakanawaau chechii payehkahkwaau. Mikw maak ekun chihchiwe e iteyihtaakusiyekw naashch e machaatisiyekw kaye naashch e machituutamekw.

Luke 16:14

Iskutak maak Phariseech piyehtahkwaau uyeyuu chii maayeyimeuch Jesus, wesh chii saachihtaauch shuuliyaayuu.

Luke 5:30

Ekw maak Phariseech kaye anichii wiishuwewiniyuu kaa chiskutamaachetwaau kaa ayimihaatwaau Jesus uchischinuhamuwaakaniyuuh e itaatwaau, “Chekwaan wehchi wiichimiichisuumekuch anichii kaa maamushtinahkwaau chisheuchimaau shuuliyaayuu kaa itaapatisitwaau kaye anichii kutakach umachihtwaauch.”

Luke 6:7

Anichii maak wiishuwewiniyuu kaa chiskutamaachetwaau kaye maak Phariseech yaakwaau chii naanaakachiheuch Jesus chechii aahch miinuwaachihiiweyikwen mekwaach e Jewa ayimiheuchiishikaayich. Chii wii naanituumiskamuch taanite chechii uhchi mamishimaatwaau Jesus.

Luke 7:30

Ekw anichii Phariseech kaye anichii kaa chiskutamaachetwaau ayimihewin wiishuwewiniyuu chii aatuweyihtamuweuch aniyuu taan kaa itashumuweyich Chishemanituu. Namui uhchi nituweyihtamuch chechii siikahaahtaakutwaau John.

John 11:47

Ekw anichii Phariseech kaye kaa niikaanapitwaau ayimiheuchimaauch chii nishtuuneuch kaa uchimaawiitwaau kaa niikaanishkuwaayich iinuu e itaatwaau, “Taan che ihtiihkw. Naashch mihchetu maamishkaach chekwaayuu e ishi ihtuutahk uu naapeu.

John 11:57

Anichii maak kaa niikaanapitwaau ayimiheuchimaauch kaye anichii Phariseech chii itashuweuch yaaitei che wiihtamiyich aweyuuh chischeyimaayichen taanite e ihtaayich Jesus chechii nituu maakunaakanuyich.

John 7:32

Ekw anichii Phariseech kaa pehtawaatwaau aniyuuh iinuuh taan kaa ishi chiimuut aayimuumaayich Jesus. Anichii maak kaa niikaanapitwaau ayimiheuchimaauch kaye anichii Phariseech chii itishahuweuch aniyuuh kaa maakunawesiyich kaa naanaakachihtaayich chisheayimiheukamikuyuu chechii nituu maakunaayich Jesus.

John 7:48

Namui wiiskaat awen e niikaanishkaachet maak anichii Phariseech uhchi taapwehtamuch Jesus e aawiyich Christ. Namui kaye niyaan nitaapwehtenaan.

John 8:6

Eukw uyuu kaa itaatwaau e chii wii naanituu kakwechihaatwaau che piikunamiikwen uyuu wiishuwewiniyuu, ekw maak piikunamiikwen chipaa ihtakuniyuu che ishi mimisimaatwaau. Mikw maak anite aschiihch chii ishi nawewiyuu Jesus, kaa masinahiichet anit yekaahch utihchii e aapachihtaat.

1 Corinthians 10:9

Nesht ekaawii chika uhchi kakwechihaawaau Utipeyihchikeu muyaam taan kaa ihtitwaau pasch anichii awenichii. Chinepukw maak chii nipahiikuuch.