Mark 10:17 - Chishemanituu Utayimuwin: Kaa Uskaach Testament

¹⁷ Mekwaach maak e pimuhtet Jesus meskanaahch, naapeu chii uhchi paapahtaayuuh kaa ati uchihchiihkunapayihuyich anit e ihtaat ekw kaa itikut, “Chischinuhamaachesuu, kaa miyeyihtaakusiyin, taan che ihtiyaan chechii ayaayaan kaachiche pimaatisiiwin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᒣᒀᒡ ᒫᒃ ᐁ ᐱᒧᐦᑌᑦ ᒌᓴᔅ ᒣᔅᑲᓈᐦᒡ, ᓈᐯᐤ ᒌ ᐅᐦᒋ ᐹᐸᐦᑖᔫᐦ ᑳ ᐊᑎ ᐅᒋᐦᒌᐦᑯᓇᐸᔨᐦᐅᔨᒡ ᐊᓂᑦ ᐁ ᐃᐦᑖᑦ ᐁᒄ ᑳ ᐃᑎᑯᑦ, ᒋᔅᒋᓄᐦᐊᒫᒉᓲ, ᑳ ᒥᔦᔨᐦᑖᑯᓯᔨᓐ, ᑖᓐ ᒉ ᐃᐦᑎᔮᓐ ᒉᒌ ᐊᔮᔮᓐ ᑳᒋᒉ ᐱᒫᑎᓰᐎᓐ᙮

Mark 10:17 Iomraidhean Croise

Matthew 17:14

Iskutak maak kaau wetihtaatwaau aniyuu iinuu, naapeu chii pechi nituwaapameu aniyuu Jesus, e utisepayihut anit e ihtaayich e itaat,

Matthew 25:34

Ekw che itaat an Chisheuchimaau aniyuu iinuu anite unahiiwinihch kaa ihtaayich, ‘Aashtamukw chiyawaau kaa shaweyimitaakw Nuuhtaawii. Aashtamukw, utinamukw an chisheuchimaawin an kaa ashutamaakuyekw iskutak maauch niishtam kaa usihtaakanuuhch uu aschii.

Matthew 28:8

Anichii maak iskweuch chii wiiwiipahiituuch anit chiipaikamikuhch uhchi e sechisitwaau nesht kaye e muuchicheyihtahkwaau, kaa nituu wiihtamuwaatwaau aniyuu chischinuhamuwaakanh.

Mark 1:40

Chii pechi naatikuu Jesus naapeu e maayaataniyich umichiiwaaspinewiniyuu e ayaayich. Chii uchihchiihkunipayihuyuu anit e ihtaat ekw kaa nitutamaakut chechii miinuwaachihaat. Chii itikuu, “Wii pechi wiichihiine chika chii ihtuuten chechii payehtisiyaan.”

Mark 10:18

Ekw Jesus kaa itaat, “Chekwaan wehchi ishinihkaasiyin kaa miyuhtwaat. Namui awen ihtaau tekash chechii miyuhtwaat, mikw Chishemanituu.

Mark 12:14

Chii pechi nituwaapameuch maak ekw kaa itaatwaau, “Chischinuhamaachesuu, chichischeyimitinaan muush e taapweyin taan e itweyin. Namui wiyesiin awen an kaa ayimihiit wesh misiwe awen peyakunihch chit iteyimaau. Namui chikanawaapahtamuwaan taan e ishi chisteyihtaakusit awen. Kuiskw kaye chichiskutamuwaauch awenichii taan e ishi nitaweyimikutwaau Chishemanituu chechii ishi pimaatisiitwaau. Itashteu aa wiishuwewinihch Rome chisheuchimaau chechii miyaakanuut aniyuu shuuliyaayuu kaa chiishiihkaasuyich aweyuu.”

Mark 9:25

Jesus maak chii waapameu aniyuu iinuuh kaa pechi maausikukaapuwiitwaauh e ati siihchiskaatuyitwaau ekw kaa chistahamuwaat aniyuu machiahchaahkwa e itaat, “Chiya ahchaahkw ekaa kaa pehtaman neshta ekaa kaa nihtaaweyin, maachiih wiiwiih anit uu naapesh e ihtaat uhchi. Ekaawii miin chika uhchi piihchishkuwaau.”

Luke 10:25

Peyakwaau maak naapeu kaa chiskutamaachet ayimihewin wiishuwewiniyuu e itaapatisit chii naateu Jesus e wii kakwechihaat, e itaat, “Taanite che ihtiyaan chechii uhchi ayaayaan kaachiche pimaatisiiwin.”

John 3:2

Peyakwaau maak e tipiskaayich chii nituwaapameu Jesus ekw kaa itaat, “Chischinuhamaachesuu, chichischeyimitinaan chiya chischinuhamaachesuu e chii pechi itishahuusk Chishemanituu. Wesh namui awen chika chii ihtuutam aniyuu maamishkaach ihtuwin chiya kaa ihtuutaman ekaa wiichihiikute Chishemanituu.”

John 5:39

Yaakwaau chinaanituu chischeyihtenaawaau Chishemanituu utayimuwin e iteyihtamekw ekut anit chechii uhchi chischeyihtamekw taanite chechii uhchi ayaayekw kaachiche pimaatisiiwin. Chishemanituu utayimuwinihch ekute tepaachimikuyaan niya e aawiyaan Christ.

John 6:40

Wesh eukw uyuu Nuuhtaawii utiteyihtamuwin, misiwe aweyuu kaa waapamaayich kaye kaa taapweyimaayich Ukusisimaau kaachiche pimaatisiiwiniyuu chechii ayaayich. Niya maak che wanishkaanak maahchishtai chiishikaache.”

ᐊᐸᔅᑕᓚᒡ 16:30

Ekw kaa wiiwiihtahaat anit chipahutuukamikuhch uhchi, kaa itaat, “chiyawaau naapeutikw, pechi wiihtamuukw taanite che ihtiyaan e wii pimaachihuyaan.”

ᐊᐸᔅᑕᓚᒡ 2:37

Iskutak maak anichii iinuuch piyehtahkwaau uyuu naashch chii misimeyihtamuch ekw kaa itaatwaau Peter ekw maak aniyuuh kutak Apastalh, “Niichishaanitikw, taan maak chechii ihtiihkw.”

ᐊᐸᔅᑕᓚᒡ 20:32

“Ekw maak anuhchiish chit ishi pachishtishuwaatitinaawaau Chishemanituu ishi e ihtaat che miyu kanuweyimitaakw kaye utayimuwin che shaweyimikuwekw. Ushaweyihchichewinihch ekw maak utayimuwinihch ekut che uhchi miyu nihtaauchiyekw kaye ekut che uhchi ayaayekw aniyuu taan kaa wii ishi miyaat Chishemanituu aniyuu aweyuu kaa wiyeyimaat che utiiniimit.

ᐊᐸᔅᑕᓚᒡ 9:6

Pisikuuh, che ituhteyin anite ihtaawinihch ekute che wiihtamaakuyin taan che ihtiyin.”

Romans 2:7

Aniyuuh aweyuuh muush kaa miyutuutamiyich e pukuseyimuyich chechii miyu kanawaapamikuyich Chishemanituu kaye chechii miywaachimikuyich kaye chechii miikuyich kaachiche chechii pimaatisiyich, kata miyeu kaachiche chechii pimaatisiyich.

Romans 6:23

Wesh nipuwinihch ituhtahiikuu awen machihtwaawiniyuu. Ekw an awen kaa wiichewaat Jesus Christ Chitipeyihchikeminuuh Chishemanituuh sehchei miikuu kaachiche pimaatisiiwiniyuu.

Ephesians 1:18

Ninitutamaan kaye chechii chischeyihtamuwekw chekwaayuu aniyuu kaa miitahkw Chishemanituu chechii aspeyimututamuhkw iskutak kaa wiyaapamitahkw. Kaye maak chechii chischeyihtamekw taan e ishpish weyuutaniyikwaauh e chisteyihtaakuniyikwaauh miyu miiwewinh taan e ishi ayeskuushtamuwaat kaa taapwehtamiyich che miyaat.

Titus 3:7

Ekw maak aniyuu e chii chishewaatutaatahkw Chishemanituu chichii ihtuutaakunuu chechii kuiskunaakusiihkw ekw maak chiyeshtinaateyihtamuhkw che ayaayihk kaachiche pimaatisiiwin.

Hebrews 1:14

Ahchaahkuch maak enchilich. Chishemanituu itishahukuuch chechii waawiichihaatwaau aniyuu che pimaachihaakanuyich.

1 Peter 1:4

ekw maak pekuseyimuyihkw chechii ayaayihkw an taan e ishi ayaat Chishemanituu che ishi miyaat utiiniimh chechii tipiyeusiyich. Kihchikiishikuhch maak chichii kanuweyihtamaakuwaau anite ekaa wiiskaat che wiinipayiyihch, kaye ekaa wiiskaat che wanaataniyich maak chechii paashikunaakuniyich.

1 John 2:25

Eukw maak uyuu kaa itwet Christ, cheshtinaash che miitahkw kaachiche pimaatisiiwiniyuu.