Mark 1:7 - Chishemanituu Utayimuwin: Kaa Uskaach Testament

⁷ Eukw maak uyuu kaa ishi kacheschimaat aweyuu, “Kata takushin awen uste e chisteyihtaakusit ishpishaat niya, namui mechim nitepicheyihtaakusin niya chechii nawepayihuyaan chechii aapihkunamuch umaschisiniyaapiih.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐁᐅᒄ ᒫᒃ ᐅᔫ ᑳ ᐃᔑ ᑲᒉᔅᒋᒫᑦ ᐊᐌᔫ, ᑲᑕ ᑕᑯᔑᓐ ᐊᐌᓐ ᐅᔅᑌ ᐁ ᒋᔅᑌᔨᐦᑖᑯᓯᑦ ᐃᔥᐱᔖᑦ ᓂᔭ, ᓇᒧᐃ ᒣᒋᒻ ᓂᑌᐱᒉᔨᐦᑖᑯᓯᓐ ᓂᔭ ᒉᒌ ᓇᐌᐸᔨᐦᐅᔮᓐ ᒉᒌ ᐋᐱᐦᑯᓇᒧᒡ ᐅᒪᔅᒋᓯᓂᔮᐲᐦ᙮

Mark 1:7 Iomraidhean Croise

Matthew 3:11

Nipiihch chisiikahaahtaatinaawaau niya e nuukuhch e wii kweskaatisiyekw, mikw maak kutak awen chika takushinuu uste e chisteyihtaakusit ishpishaat niya. Namui maak mechim nitepicheyihtaakusin chechii aapihkunamuch umaschisiniyaapii. Wiya maak chika siikahaahtaakuwaau Kaa payehchisiyich Ahchaahkwa, kaye ishkuteyuu.

Matthew 3:14

Mikw maak John chii wii nakaaneu e itaat, “Ishinaakun teyakuch chiya chechii pechi siikahaahtuwiyin, chekwaan maak wehchi pechi kakwechimiyin chechii siikahaahtaataan.”

Mark 1:6

Kaa mista piskwaakuniyich awesiisa upiiweyuuh chii uhchi ushihtaakanuuyuuh John uchekwaanimh, kaye muushuyaaniyaapii chii iteyihtaakuniyuu aniyuu chekwaayuu kaa upahkuhtehunit kaye kwaashkwaashkuhchishiisha ekw maak shuukaayuu aamuuwachistunihch kaa ihtakuniyich eukw uyuu kaa umiichimit.

Mark 1:8

Nipii nitaapachihtaan e siikahaahtaatakuch wiya maak Kaa payehchisiyich Ahchaahkwa chika siikahaahtaakuwaau.”

Luke 3:16

Ekw John kaa nishkweushihaat e itaat, “Misiwe e tashiyekw nipiihch chisiikahaahtaatinaawaau niya, mikw maak kutak awen chika takushin uste e chisteyihtaakusit ishpishaat niya. Wiya maak chika siikahaahtaakuwaau Kaa payehchisiyich Ahchaahkwa, kaye ishkuteyuu. Namui maak mechim nitepicheyihtaakusin chechii aapihkunamuch umaschisin.

John 1:27

Uu maak eshkw che takushihk wiya uste chisteyihtaakusuu ishpish niya, namui waawaach nitepicheyihtaakusin chechii aapihkunamuch umaschisiniyaapiih.”

ᐊᐸᔅᑕᓚᒡ 13:25

Iskutak maak chekaat kaa chiishihtaat John misiwe taan kaa ishi nituweyimikut Chishemanituu che ihtit, chii itekupane aniyuu iinuu, ‘Awen e iteyimiyekw niya. Namayeu niya Christ an kaa ashuwaapamekw. Shaash wiipach chika takushinuu, namui waawaach nitepicheyihtaakusin niya chechii aapahkunamuch umaschisinh.’ Eukw uyuu kaa itwekupane aniyaa John siikahaahtaacheu.”

ᐊᐸᔅᑕᓚᒡ 19:4

Ekw Paul kaa itaat, “John chii siikahaahtuweu aniyuu aweyuu kaa wii kweskaatisiyich kaye maak chii Itekupane aniyuu iinuu kaa siikahaahtuwaat, che takushiniyich kutak aweyuu. Eukw maak an yaakw chipaa taapweyimaawaau. Ekun uyuu Jesus John kaa aayimuumaakupane.”