Mark 1:41 - Chishemanituu Utayimuwin: Kaa Uskaach Testament

⁴¹ Jesus maak naashch chii chistimaacheyimeu ekw kaa tashupayihtaat uspitun kaa taahtinaat e itaat, “Chiwii wiichihiitin, payehchisiih maak.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴¹ ᒌᓴᔅ ᒫᒃ ᓈᔥᒡ ᒌ ᒋᔅᑎᒫᒉᔨᒣᐤ ᐁᒄ ᑳ ᑕᔓᐸᔨᐦᑖᑦ ᐅᔅᐱᑐᓐ ᑳ ᑖᐦᑎᓈᑦ ᐁ ᐃᑖᑦ, ᒋᐐ ᐐᒋᐦᐄᑎᓐ, ᐸᔦᐦᒋᓰᐦ ᒫᒃ᙮

Mark 1:41 Iomraidhean Croise

Matthew 9:36

Iskutak maak wiyaapamaat aniyuu mihchetu aweyuuh, naashch chii chistimaacheyimeu kiipaa naashch e mukushkaateyihtamihaakanuyich kaye ekaa ayaayich aspeyimuwiniyuu, mwehch maanishchaanishach e ishinaakusitwaau ekaa ayaawaatwaau maanishchaanishuiinuuh che naanaakachihiikutwaau.

Mark 1:40

Chii pechi naatikuu Jesus naapeu e maayaataniyich umichiiwaaspinewiniyuu e ayaayich. Chii uchihchiihkunipayihuyuu anit e ihtaat ekw kaa nitutamaakut chechii miinuwaachihaat. Chii itikuu, “Wii pechi wiichihiine chika chii ihtuuten chechii payehtisiyaan.”

Mark 1:42

Tiiwehch maak chii uhchi miyuunaakusuu an naapeu e chii miinuwaachihaakanuut aniyuu taan kaa itaaspinet.

Mark 4:39

Kaa wanishkaat Jesus, ekw kaa itashuwaatahk aniyuu kaa chiishtiniyich chechii puunipayiyich, ekw aniyuu kiskanh kaa itaat, “Chiyaamisiikw, ekun ekw.” Chii nachiiweyuu ekw maak kaa uhchi ywaashtiniyich.

Mark 5:41

Kaa utinamuwaat utihchiyuu aniyuu awaasha, kaa itaat, “Talitha, koum.” Ishkwesh, “Wanishkaa chititin,” ishi itweshtamuwaataakanuu uu.

Mark 6:34

Iskutak Jesus kepaat aniyuu utiyuu chii waapameu aniyuu iinuuh e mihchetiyich. Naashch maak chii muushihtaau e chistimaacheyimaat mwehch maanishchaanishach ekaa ayaawaatwaau maanishchaanishuiinuu che naanaakachihiikutwaau e ishinaakusitwaau. Ekw kaa chiskutamuwaat mihchetu chekwaayuuh.

Hebrews 1:3

An Ukusisimaau e ihtaat ekut wehchi chischeyihtaakuniyich Chishemanituu uchisteyihtaakusuwin, kaye Ukusisimaau tekash nispituweu taan e iteyihtaakusiyich. Wiya Ukusisimaau uchimaahkahtam aschiiyuu kaye misiwe chekwaayuu ishpimihch kaa ihtakuniyich. Utayimuwin kaa suuhcheyihtaakuniyich uhchi uchimaahkahtam misiwe uyuu. Chii pachishteyimitisuu chechii nipahaakanuut chechii uhchi payehchihaakanuyich aweyuuh e wepeyihtamuwaakanuyich umachihtwaawiniyuuh. Iskutak kaa chiishihtaat uyuu kaa ishi pachishteyimitisut ekw kaa waweyapihaakanuut anite unihiiwiniih Chishemanituu e ihtaayich aniyuu maauch e ispeyihtaakusiyich kihchikiishikuhch.

Hebrews 2:17

Eukw aniyuu wehchi tekash iiniihch chii ishihaakanuut. Chii nituweyihtaakusuu wiichishaan chechii nispituwaat anit chechii uhchi chisheayimiheuchimaaut Chishemanituu e atushkuwaat, ekw maak chechii wepeyihtamuwaakanuyich aweyuuh umachihtwaawiniyuuh.

Hebrews 4:15

Wesh an chichisheayimiheuchimaaminuu chichistimaacheyimikunuu. Tekash chichischeyimikunuu ekaa mitun suuhchikaapuuhkw iskutak e kakwechihiikuuhkw chechii machituutamuhkw. Wesh kaye wiya chii kakwechihaakanuu chechii machituutahkw muyaam chiyaanuu e ihtuutaakuyihkw, mikw maak namui uhchi machituutam wiya.