Mark 1:34 - Chishemanituu Utayimuwin: Kaa Uskaach Testament

³⁴ Mihchetu maak uyuu kaa aahkusiitwaau chii miinuwaachiheu Jesus, misiwe nanaahkuu kaa itaaspineyitwaauh kaye chii wiiwiitishihweu machiahchaahkwa. Namui uhchi pachishtineu uyuu machiahchaahkwa chechii nishkweushihiikut, wesh chii chischeyimikuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁴ ᒥᐦᒉᑐ ᒫᒃ ᐅᔫ ᑳ ᐋᐦᑯᓰᑣᐤ ᒌ ᒦᓄᐙᒋᐦᐁᐤ ᒌᓴᔅ, ᒥᓯᐌ ᓇᓈᐦᑰ ᑳ ᐃᑖᔅᐱᓀᔨᑣᐤᐦ ᑲᔦ ᒌ ᐐᐐᑎᔑᐦᐌᐤ ᒪᒋᐊᐦᒑᐦᑾ᙮ ᓇᒧᐃ ᐅᐦᒋ ᐸᒋᔥᑎᓀᐤ ᐅᔫ ᒪᒋᐊᐦᒑᐦᑾ ᒉᒌ ᓂᔥᑴᐅᔑᐦᐄᑯᑦ, ᐌᔥ ᒌ ᒋᔅᒉᔨᒥᑰ᙮

Mark 1:34 Iomraidhean Croise

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Matthew 4:24

Chii tipaachimaakanuu maak misiwe anite Syriahch, ekw maak awenichii kaa peshuwaatwaau misiwe aniyuuh kaa aahkusiitwaauh anite kaa ihtaayich, nanaahkuu itaaspinewiniyuu kaa ayaayich, kaye aweyuu machiahchaahkwa kaa piihchishkaakuyich, kaye aniyuuh kaa uchipitikuyich kaye aniyuu ekaa kaa nisitusiyich. Misiwe maak chii miinuwaachiheu Jesus uyuu aweyuu kaa peshuwaakanuyich.

Mark 1:25

Jesus maak chii nishkuushtuweu e itaat, “Awash ekaa chistuh. Maachiih pechi wiiwiih anit uhchi an naapeu e ihtaat.”

Mark 3:12

Jesus maak suuhk chii ayimiheu e itaat ekaa chechii wiihtamuwaayich aweyuu awen e aawit.

Luke 4:41

Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.