Mark 1:32 - Chishemanituu Utayimuwin: Kaa Uskaach Testament

³² An wetaakushich iskutak pehchishimut piisim, chii petuwaakanuu Jesus kaa aahkusiitwaau aweyuu kaye aniyuu machiahchaahkwa kaa piihchishkaakuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³² ᐊᓐ ᐌᑖᑯᔑᒡ ᐃᔅᑯᑕᒃ ᐯᐦᒋᔑᒧᑦ ᐲᓯᒻ, ᒌ ᐯᑐᐙᑲᓅ ᒌᓴᔅ ᑳ ᐋᐦᑯᓰᑣᐤ ᐊᐌᔫ ᑲᔦ ᐊᓂᔫ ᒪᒋᐊᐦᒑᐦᑾ ᑳ ᐲᐦᒋᔥᑳᑯᔨᒡ᙮

Mark 1:32 Iomraidhean Croise

Matthew 4:24

Chii tipaachimaakanuu maak misiwe anite Syriahch, ekw maak awenichii kaa peshuwaatwaau misiwe aniyuuh kaa aahkusiitwaauh anite kaa ihtaayich, nanaahkuu itaaspinewiniyuu kaa ayaayich, kaye aweyuu machiahchaahkwa kaa piihchishkaakuyich, kaye aniyuuh kaa uchipitikuyich kaye aniyuu ekaa kaa nisitusiyich. Misiwe maak chii miinuwaachiheu Jesus uyuu aweyuu kaa peshuwaakanuyich.

Matthew 8:16

Iskutak maak e ati utaakushiyich, ekw kaa peshuwaatwaau awenichii mihchetu aweyuuh kaa piihchishkaakuyich machiahchaahkwa anite Jesus e ihtaayich. Jesus maak chii itashumeu chechii wiiwiyich aniyuu machiahchaahkwa aniyuu kaa piihchishkaakuyich iinuuh, kaye maak misiwe chii miinuwaachiheu aniyuu kaa aahkusiitwaauh.

Matthew 8:17

Aniyuu maak kaa ihtuutahk chii ispayiniyuu taan kaa ishi niikaan wiihtamukupane che ispayiyich aniyaa uchischiwehiichesuu Isaiah kaa itwet, Chichii miinuwaachihiikunuu kaye chii iichenam misiwe nanaahkuu chititaaspinewinuuh.

Mark 1:21

Anite Capernaum kaa ishinihkaateyich ihtaawiniyuu ekute kaa ituhtetwaau, iskutak maak miin e Jewa ayimiheuchiishikaayich Jesus chii piihcheu anite ayimiheukamikuhch ekw kaa chiskutamaachet.

Mark 1:31

Kaa nituwaapamaat uyuu iskweu kaa utinamuwaat utihchiyuu, ekw kaa wiichihaat e wanishkaayich. Chii nakatikuu maak an iskweu aniyuu kaa chishiteunikusiit. Kaa pisikuut ekw kaa ati aapatisit e mamiyuutuutuwaat.

Mark 3:2

Chii ihtaayuuh kaye anit aweyuuh e wii naanituu mamishimikut Jesus ekw naashch kaa naanaakachihiikut chechii aahch miinawaachihiiweyikwen e ayimiheuchiishikaayich.

Luke 4:40

Iskutak maak kaa pahchishimuyich piisim, awenichii chii petaweuch Jesus misiwe aweyuu e aahkusiyich, nanaahkuu e itaaspineyich. Jesus maak chii saamineu misiwe aniyuu kaa aahkusiitwaau kaa miinuwaachihaat.

Luke 4:41

Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.