Mark 1:27 - Chishemanituu Utayimuwin: Kaa Uskaach Testament

²⁷ Misiwe maak awen chii miskaateyihtamihiikuu uyuu kaa ispayiyich ekw kaa ititutwaau, “Chekwaan maak miin uu. Uschi chiskutamaachewin aa. E ayaat uu naapeu tipeyihchichewiniyuu waawaach machiahchaahkwa chechii pishichihiikut e wiishumaat.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᒥᓯᐌ ᒫᒃ ᐊᐌᓐ ᒌ ᒥᔅᑳᑌᔨᐦᑕᒥᐦᐄᑰ ᐅᔫ ᑳ ᐃᔅᐸᔨᔨᒡ ᐁᒄ ᑳ ᐃᑎᑐᑣᐤ, ᒉᒀᓐ ᒫᒃ ᒦᓐ ᐆ᙮ ᐅᔅᒋ ᒋᔅᑯᑕᒫᒉᐎᓐ ᐋ᙮ ᐁ ᐊᔮᑦ ᐆ ᓈᐯᐤ ᑎᐯᔨᐦᒋᒉᐎᓂᔫ ᐙᐙᒡ ᒪᒋᐊᐦᒑᐦᑾ ᒉᒌ ᐱᔑᒋᐦᐄᑯᑦ ᐁ ᐐᔓᒫᑦ᙮

Mark 1:27 Iomraidhean Croise

Matthew 15:31

Chii miskaateyihtamuch maak anichii iinuuch e waapamaatwaau aniyuu ekaa kaa nihtaaweyich e ayimiyich kaye aniyuu kaa maaschisiyich e miyunaakusiyich, kaye aniyuu ekaa kaa nihtaauhteyich e pimuhteyich, kaye aniyuu ekaa kaa waapahtamiyich e waapahtamiyich. Ekw maak kaa maamihchimaatwaau Chishemanituu aniyuu Jewa iinuuh kaa maamihchimaayich.

Matthew 8:9

Nichischeyihten chechii ihtuutaman uu, kaye niya ihtaauch nuuchimaamach e pishichihiikwaau. Kaye maak ihtaauch shimaakanishach niya e wawiishuumakwaau. E itak peyakw shimaakanish ‘Anite ituhte,’ tiiwehch ekute e ituhtet kaye maak e itak shimaakanish, ‘Aashtam,’ tiiwehch takushinuu. Ekw kaye kutak e itak nitaapachihaakan ‘Uu maa ihtuut,’ eukw aniyuu e ihtuutahk.”

Matthew 9:33

Iskutak maak Jesus kaa wiiwiitishihwaat aniyuuh machiahchaahkwa, ekw kaa kaschihut an naapeu e ayimit. Misiwe maak awenichii chii miskaateyihtamuch uyuu kaa ispayich. Chii iteuch maak, “Namui wiiskaat nuuhchi waapahtenaan maamishkaach chekwaan e ispayihch utah Israelihch.”

Mark 1:26

An maak machiahchaahkw chii ihtuutuweu aniyuu naapeu chechii mista uchipitikuyich kaye chii mista aashihkweyuu ekw kaa nakataat.

Mark 1:28

Ekut maak kaa ati mishihtepayihch e ishi aayimuumaakanuut Jesus misiwe anite Galilee aschiihch itehche.

Mark 10:24

Chii kushkuweyihtamihiikuuch anichii chischinuhamuwaakanich taan kaa ishi aayimuutamiyich Jesus mikw maak yaapach chii ati ayimuu Jesus e itwet, “Nitawaashiimitikw, taapwe nuwach aayimaniyuu awen chechii piihchet Chishemanituu uchisheuchimaawiniihch.

Mark 10:32

Jesus ekw maak uchischinuhamuwaakanh Jerusalemihch chii ituhteuch, aniyuu maak e ati pimuhtetwaau Jesus chii ati niikaanihteu. Anichii maak chischinuhamuwaakanich chii miskaateyimeuch Jesus Jerusalemihch e wii ituhteyich neshta anichii anite utaahch kaa pechi pimuhtetwaau chii sechisuuch anite chechii ituhtetwaau. Ekw Jesus pahkaan kaa ituhtahaat uchischinuhamuwaakanh ekw kaa waawiihtamuwaat taan che ispayit.

Mark 16:5

Ekw kaa piihchetwaau aniyuu kaa waatakwaapiskahiikanuyich. Anite maak nihiiwinihch itehche chii waapameuch uschiniichuu e niipuyich e waapaaspisuyich. Nuwach maak chii kushkupayuuch wiyaapamaatwaau.

Mark 16:6

Chii itikuuch maak, “Ekaawii sechisikw. Jesus Nazareth kaa uhchiit chipechi naanituweyimaawaau, an kaa chiistaaskuhwaakanuut aashiteyaahtikuhch. Chii wanishkaau wesin, namui ihtaau utah. Kanawaapahtamuwaahkw maa anit kaa pimishimaakanuut.

Mark 7:37

Misiwe maak aweyuu kaa pehtamiyich uyuu naashch chii miskaateyihtamihiikuyuu. Chii itweyuuh maak, “Misiwe chekwaayuu chii miyutuutam. Waawaach chii ihtuutamuweu ekaa kaa pehtamiyich chechii pehtamiyich kaye aniyuuh ekaa kaa nihtaaweyich chechii nihtaaweyich.”

Luke 4:36

Taapwe maak chii miskaateyihtamuch misiwe anichii kaa kanawaapitwaau e ititutwaau, “Chekw ayimuwiniyuu uyeyuu kaa aapachihtaat. Taapwe suuhchipayiniyuu utayimuwin kaye taapwe nuwach uchimaaweyihtaakusuu mikw e ishi wiiwiyich machiahchaahkwa e wiiwiitishihwaat.”

Luke 9:1

Jesus chii maausikw wiishaameu kaa niishushaapuyich uchischinuhamuwaakanh. Kaa miyaat suuhkaatisiiwiniyuu kaye tipeyihchichewiniyuu chechii wiiwiitishihwaayich machiahchaahkwa kaye chechii miinuwaachihaayich nanaahkuu e itaaspineyitwaauh aweyuu.

ᐊᐸᔅᑕᓚᒡ 17:19

Ekw kaa ituhtahaatwaau Paul anite e nishtuwiinaanuyich Areopagus kaa ishinihkaateyich ekw kaa itaatwaau, “Niwii chischeyihtenaan uu kaa uskaach chiskutamaachewin taan e ishi chiskutamaacheyin.