Mark 1:21 - Chishemanituu Utayimuwin: Kaa Uskaach Testament

²¹ Anite Capernaum kaa ishinihkaateyich ihtaawiniyuu ekute kaa ituhtetwaau, iskutak maak miin e Jewa ayimiheuchiishikaayich Jesus chii piihcheu anite ayimiheukamikuhch ekw kaa chiskutamaachet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᐊᓂᑌ ᑲᐯᕐᓇᐅᒻ ᑳ ᐃᔑᓂᐦᑳᑌᔨᒡ ᐃᐦᑖᐎᓂᔫ ᐁᑯᑌ ᑳ ᐃᑐᐦᑌᑣᐤ, ᐃᔅᑯᑕᒃ ᒫᒃ ᒦᓐ ᐁ ᒎᐗ ᐊᔨᒥᐦᐁᐅᒌᔑᑳᔨᒡ ᒌᓴᔅ ᒌ ᐲᐦᒉᐤ ᐊᓂᑌ ᐊᔨᒥᐦᐁᐅᑲᒥᑯᐦᒡ ᐁᒄ ᑳ ᒋᔅᑯᑕᒫᒉᑦ᙮

Mark 1:21 Iomraidhean Croise

Matthew 4:13

Ekw anite Nazareth kaa uhchi chistuhtet. Ekw anite Capernaum kaa ishinihkaateyich ihtaawiniyuu, anite Galilee saakahiikanihch kaa ihtakuniyich ekute kaa nituu wiichit, anite Zebulun ekw maak Naphtali kaa ishinihkaateyikwaauh aschiih.

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Mark 1:20

Tiiwehch chii tepwaateu wiyaapamaat. Ekute maak anite utihch kaa uhchiskataatwaau uhtaawaau kaye aniyuu utaapachihaakanawaau ekw kaa papaa wiichewaatwaau Jesus.

Mark 1:29

Tiiwehch maak chii wiiwiyuu aniyuu Jewa ayimiheukamikuyuu ekw anite Simon ekw maak Andrew e ihtaayich kaa ituhtet. James ekw maak John chii wiicheukuu.

Mark 1:33

Misiwe awenichii anit ihtaawinihch kaa ihtaatwaau chii pechi maausikuwiyuuch anit wiiwiitamihch aniyuu waaskaahiikaniyuu.

Mark 1:39

Ekw maak misiwe kaa papaa ituhtet aniyuu Galilee aschiiyuu e kacheskwet Jewa ayimiheukamikuhch. Kaye chii wiiwiitishihweu nanaahkuu machiahchaahkwa mihchetu aweyuuh kaa piihchishkuwaayich.

Mark 10:1

Jesus maak chii chistuhteu anit aniyuu kaa ihtaat, ekw anite Judea aschiihch kaa ati ituhtet kwestehchekaam Jordan siipiihch. Ekun kaa ihtuutaakut kaye anite aweyuu, chii mihchetiyuu e pechi nituwaapamikut. Ekw kaa ihtuutawaat taan kaa chii ihtuutawaat maan aweyuu e nituwaapamikut, chii chiskutamuweu.

Mark 2:1

Namui mihchetu chiishikaau uhchi miyaaupayuuh ekw Jesus miin kaa piihchet aniyuu ihtaawiniyuu Capernaum kaa ishinihkaateyich. Iskutak maak memuushihaakanuut miin e chii pechi chiiwet ekw kaa mishihteyaachimunaanuyich miin e ihtaat.

Mark 3:1

Peyakwaau miin Jesus e piihchet Jewa ayimiheukamikuhch chii ihtaayuuh anit naapeu e maaskaniyich utihchiyuu.

Mark 6:2

Aniyuu maak kaa Jewa ayimiheuchiishikaayich chii chiskutamaacheu anite ayimiheukamikuhch. Chii mihchetiyuu aweyuu anit kaa ihtaayich e nituhtaakut. Misiwe maak anichii iinuuch chii miskaashtuweuch taan kaa itweyich. “Taanite wehtinahk uyuu kaa itwet,” chii itituuch. Kaye chii itweuch, “Taapwe kachehtaaweyihtamuuhtaakusuu.” Chii itweuch kaye, “Taanite wehchii ihtuutahk uyuuh maamishkaach chekwaayuuh.

Luke 10:15

Ekw maak chiyawaau anit Capernaumihch kaa ihtaayekw naashch taapwe chiwii aspeyimunaawaau anite kihchikiishikuhch chechii ishi utinikuyekw. Namui maak, machishkutehch ekute che ishi wepinikuyekw.”

Luke 13:10

Peyakwaau e Jewa ayimiheuchiishikaayich, Jesus chii chiskutamaacheu anite ayimiheukamikuhch.

Luke 4:16

Ekw Jesus kaa utihtahk aniyuu ihtaawiniyuu Nazareth kaa ishinihkaateyich anit kaa nihtaauchinaakanuut. Aniyuu maak Jewa ayimiheukamikuyuu kaa chii ituhtet maan e Jewa ayimiheuchiishikaayich, ekute kaa piihchet. Chii pisikuu chechii ayimihtaat masinahiikaniyuu.

Luke 4:23

Ekw Jesus kaa itaat, “Cheshtinaash chika pechi iishinaawaau an kaa chii iinaanuuhch, ‘Nituhkuiin, miinuwaachihiisuu,’ kaye maak chika pechi iishinaawaau, ‘Taan kaa ishi pehtamaahch e maamishkaach ihtiyin anite Capernaum kaa ishinihkaatech ihtaawin ihtuutah kaye utah uu ihtaawin kaa uhchiyin.’

ᐊᐸᔅᑕᓚᒡ 17:2

Chii ituhteu Paul anite aniyuu ayimiheukamikuyuu, wesh eukw uyuu kaa chii ihtit maan. Nishtwaau e Jewa ayimiheuchiishikaayich chii waawiihtamuweu aniyuu iinuu taan e ishi aayimuumaakanuyich Christ Chishemanituu utayimuwiniihch,

ᐊᐸᔅᑕᓚᒡ 18:4

Muush maak tahtwaau e Jewa ayimiheuchiishikaayich chii naachayimihaau Paul ekw kaa chii ayimihiitutwaau aniyuu Jewa kaye Greek iinuu e siihchimaat chechii taapwehtaakut.