Mark 1:13 - Chishemanituu Utayimuwin: Kaa Uskaach Testament

¹³ Ekute kaa ihtaat nemitanuu chiishikaauh e kakwechihiikut machimanituu. Chii ihtaayuuh e kushtaatikusiitwaau awesiisa anite mikw maak enchil chii pechi wiichihiikuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᐁᑯᑌ ᑳ ᐃᐦᑖᑦ ᓀᒥᑕᓅ ᒌᔑᑳᐤᐦ ᐁ ᑲᑴᒋᐦᐄᑯᑦ ᒪᒋᒪᓂᑑ᙮ ᒌ ᐃᐦᑖᔫᐦ ᐁ ᑯᔥᑖᑎᑯᓰᑣᐤ ᐊᐌᓰᓴ ᐊᓂᑌ ᒥᒄ ᒫᒃ ᐁᓐᒋᓪ ᒌ ᐯᒋ ᐐᒋᐦᐄᑰ᙮

Mark 1:13 Iomraidhean Croise

Matthew 26:53

Namui aa chichischeyihtenaawaau nipaachii nitutamuwaau Nuuhtaawii chechii naatamuut, tiiwehch maak chipaachii pechi itishahweu uste mihchetwaau chishemitaahtumitanuu enchil chechii pechi naatamuyich.

Matthew 4:1

Ekw Kaa payehchisiyich Ahchaahkwa kaa ituhtahiikut Jesus anite pakwaatiskamikaahch chechii kakwechihiikuyich machimanituu.

Luke 4:1

Anite maak Jesus kaa uhtuhtet Jordan siipiihch, chii saakaschineshkaakuu Kaa payehchisiyich Ahchaahkw, ekw kaa ituhtahiikut anite pakwaatiskamikaahch.

1 Timothy 3:16

Nuwach kiipaa chisteyihtaakun an taan e ishi miskaateyihtaakuch chitaapwehtamuwinuu. Chishemanituu wiyaasuwinihch e chii ishi nuukuhiisut. Chii cheshtinaateyihtaakuhiikuu Kaa payehchisiyich Ahchaahkwa taapwe Chishemanituu e chii pechi itishahukut. Chii waapamikuu enchil. Chii aayimuumaakanuu e kacheskwaanuyich anite nanaahkuu e itiskaanesinaanuyich. Chii taapweyimikuu aweyuuh utah aschiihch. Ekw maak kihchikiishikuhch kaa ishi uhpiskaat chechii chisteyihtaakuhaakanuut.

Hebrews 4:15

Wesh an chichisheayimiheuchimaaminuu chichistimaacheyimikunuu. Tekash chichischeyimikunuu ekaa mitun suuhchikaapuuhkw iskutak e kakwechihiikuuhkw chechii machituutamuhkw. Wesh kaye wiya chii kakwechihaakanuu chechii machituutahkw muyaam chiyaanuu e ihtuutaakuyihkw, mikw maak namui uhchi machituutam wiya.