Luke 9:8 - Chishemanituu Utayimuwin: Kaa Uskaach Testament

⁸ Chii ihtaauch miin kutakach e itwetwaau, “Eukw uu Elijah, miin kaau pimaatisiyuu.” Yaapach maak miin chii ihtaauch kutakach awenichii e itwetwaau, “Eukw uu peyakw weskach uchischiwehiichesuu miin kaau pimaatisiyuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᒌ ᐃᐦᑖᐅᒡ ᒦᓐ ᑯᑕᑲᒡ ᐁ ᐃᑗᑣᐤ, ᐁᐅᒄ ᐆ ᐁᓚᐃᒐ, ᒦᓐ ᑳᐤ ᐱᒫᑎᓯᔫ᙮ ᔮᐸᒡ ᒫᒃ ᒦᓐ ᒌ ᐃᐦᑖᐅᒡ ᑯᑕᑲᒡ ᐊᐌᓂᒌ ᐁ ᐃᑗᑣᐤ, ᐁᐅᒄ ᐆ ᐯᔭᒄ ᐌᔅᑲᒡ ᐅᒋᔅᒋᐌᐦᐄᒉᓲ ᒦᓐ ᑳᐤ ᐱᒫᑎᓯᔫ᙮

Luke 9:8 Iomraidhean Croise

Matthew 16:14

Ekw kaa itikut, “Pasch awenichii aniyaa John siikahaahtaacheu iteyimeuch, ekw kutakach aniyaa Elijah iteyimeuch, ekw kutakach aniyaa Jeremiah ekun e iteyimaatwaau, kutakach miin iteyimeuch kutak uchischiwehiichesuuh e aawiyich.”

Matthew 17:10

Ekw anichii chischinuhamuwaakanich kaa kakwechimaatwaau aniyuu Jesus, “Chekwaayuu wehchi itwetwaau anichii kaa chiskutamaachetwaau wishuwewiniyuu, niishtam Elijah che takushiniyich eshkw ekaa takushiniyich Christ, an kaa wiyaapamikut Chishemanituu.”

Mark 6:15

Ekw kutakach awenichii kaa itwetwaau, “Elijah uu.” Ekw miin kutakach kaa itwetwaau, “Eukuu peyakw uchischiwehiichesuu anite weskach kaa chii chischiwehiichet.”

Mark 8:28

Chii iteuch maak, “Pasch awenich itweuch John siikahaahtaacheu e aawiyan, ekw kutakach itweuch Elijah e aawiyan, ekw miin kutakach peyakw uchischiwehiichesuu chititeyimikuch.”

Luke 9:19

Kaa itikut, “Kutakach awenichii John siikahaahtaacheu chititeyimikuch ekw kutakach aniyaanaa peyakw uchischiwehiichesuu Elijah kaa ishinihkaasut chititeyimikuch, ekw miin kutakach e ihtaatwaau weskach uchischiwehiichesuu miin kaau e pimaatisiit e iteyimiskwaau.”

John 1:21

Ekw kaa kakwechimikut e itikut, “Awen maak chiya. Elijah aa.” “Namui. Namayeu niya Elijah,” chii iteu John. “Eukw aa chiya an uchischiwehiichesuu nipaa pechi itishahamaakunaan,” chii itikuu. “Namui,” chii iteu John.