Luke 9:7 - Chishemanituu Utayimuwin: Kaa Uskaach Testament

⁷ Iskutak maak chisheuchimaau Herod piyehtahk taan e ihtiyich Jesus, naashch taapwe chii wawaaneyihtamihiikuu wesh chii ihtaauch iinuuch e papaamaachimutwaau e itwetwaau, John siikahaahtaacheu uu, miin kaau pimaatisiyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᐃᔅᑯᑕᒃ ᒫᒃ ᒋᔐᐅᒋᒫᐤ ᐦᐁᕋᑦ ᐱᔦᐦᑕᐦᒃ ᑖᓐ ᐁ ᐃᐦᑎᔨᒡ ᒌᓴᔅ, ᓈᔥᒡ ᑖᐺ ᒌ ᐗᐙᓀᔨᐦᑕᒥᐦᐄᑰ ᐌᔥ ᒌ ᐃᐦᑖᐅᒡ ᐄᓅᒡ ᐁ ᐸᐹᒫᒋᒧᑣᐤ ᐁ ᐃᑗᑣᐤ, ᒞᓐ ᓰᑲᐦᐋᐦᑖᒉᐤ ᐆ, ᒦᓐ ᑳᐤ ᐱᒫᑎᓯᔫ᙮

Luke 9:7 Iomraidhean Croise

Matthew 11:2

John kaa siikahaahtaachet maak chii maakunaakanuu ekw kaa chipahwaakanuut chipahutuukamikuhch. ekute maak anite kaa pehtahk e tipaachimaakanuyich taan e ihtiyich Christ, ekw kaa itishahwaat niishu uchischinuhamuwaakanh anite e ihtaayich Jesus.

Mark 8:28

Chii iteuch maak, “Pasch awenich itweuch John siikahaahtaacheu e aawiyan, ekw kutakach itweuch Elijah e aawiyan, ekw miin kutakach peyakw uchischiwehiichesuu chititeyimikuch.”

Luke 13:31

Aniyuu maak mekwaach chii ihtaauch Phariseech e pechi nituwaapamaatwaau Jesus. Chii iteuch maak, “Maachiih iiches utah ihtaawinihch, aahchiiuh nete ituhte, wesin Chisheuchimaau herod chiwii nipahiikw.”

Luke 21:25

“Chika nuukun chischinuwaapahtiiwewinh anite piisimuhch, tipischipiisimuhch, kaye anite achahkushahch, e wiihtamaakuyekw chekwaan che ispayihch chechii yaakwaamiyekw. Misiwe e itiskaanesit awen utah aschiihch chika sechisuu. Chika sechihiikuuch taan che itihtaakuniyich chihchikamiyuu.

Luke 23:7

Iskutak maak chescheyihtahk Pilate Galileehch e uhchiikupanen Jesus ekw kaa itishahwaat Herod e ihtaayich wesh Galilee aschiihch chii chisheuchimaawiyuuh. Mekwaach maak anit Jerusalemihch chii ihtaau Herod.

Luke 3:1

Aniyuu pepuniyich niyaayinushaap pipunh kaa ishpish chisheuchimaaut Tiberius kaa ishinihkaasut, Pontius Pilate mekwaach chii niikaanishkaacheu anite Judea aschiihch ekw Herod anite Galilee aschiihch kaa niikaanishkaachet ekw wiichishaan Herod, Philip kaa ishinihkaasuyich anite chii niikaanishkaacheyuu Iturea kaye Trachonitis kaa ishinihkaatekwaauh aschii. Ekw Lysanias kaa niikaanishkaachet anite Abilene kaa ishinihkaateyich aschiiyuu.

Luke 9:19

Kaa itikut, “Kutakach awenichii John siikahaahtaacheu chititeyimikuch ekw kutakach aniyaanaa peyakw uchischiwehiichesuu Elijah kaa ishinihkaasut chititeyimikuch, ekw miin kutakach e ihtaatwaau weskach uchischiwehiichesuu miin kaau e pimaatisiit e iteyimiskwaau.”