Luke 9:60 - Chishemanituu Utayimuwin: Kaa Uskaach Testament

⁶⁰ Ekw Jesus kaa itikut, “Anichii mwehch kaa nipitwaau kaa iteyihtaakusitwaau iinuuch ekush kata nahiihkuweuch aniyuu utiiniimuwaau kaa nipiyich. Chiya maak, maachiih che papaamaachimuut Chishemanituu chisheuchimaawin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶⁰ ᐁᒄ ᒌᓴᔅ ᑳ ᐃᑎᑯᑦ, ᐊᓂᒌ ᒬᐦᒡ ᑳ ᓂᐱᑣᐤ ᑳ ᐃᑌᔨᐦᑖᑯᓯᑣᐤ ᐄᓅᒡ ᐁᑯᔥ ᑲᑕ ᓇᐦᐄᐦᑯᐌᐅᒡ ᐊᓂᔫ ᐅᑏᓃᒧᐙᐤ ᑳ ᓂᐱᔨᒡ᙮ ᒋᔭ ᒫᒃ, ᒫᒌᐦ ᒉ ᐸᐹᒫᒋᒨᑦ ᒋᔐᒪᓂᑑ ᒋᔐᐅᒋᒫᐎᓐ᙮

Luke 9:60 Iomraidhean Croise

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Matthew 8:22

Ekw Jesus kaa itaat, “Pechi wiicheuh. Ekush anichii mwehch kaa nipitwaau kaa iteyihtaakusitwaau awenich kata nahiihkuweuch aniyuu utiiniimuwaauh kaa nipiyich.”

Luke 15:24

Wesh uu nikus mwehch e chii nipit chii ishinaakusuu ekw muyaam miin e pimaatisiit eukw e ishinaakusit, mwehch e chii wanishinit ekw maak miin e miskawaakanuut.’ Ekw maak kaa muuchikahtaatwaau.”

Luke 15:32

Ishinaakun taapwe chechii muuchicheyihtamuhkw wesh chiichishaan mwehch e chii nipit chii ishinaakusuu ekw maak anuhchiish mwehch miin e pimaatisiit ekun e ishinaakusit. Mwehch e chii wanishinit chii ishinaakusuu ekw maak miin e miskawaakanuut ekun e ishinaakusit.’ ”

1 Corinthians 9:16

Namui maak ishinaakun chechii mamahtisiyaan e kacheskweyaan e waawiihtamaan miywaachimuwin. Wesh ekun kaa itashumikuyaan chechii ihtiyaan. Chika ihtakun wesin che ishi aahkwaach machipayaan ekaa waawiihtamaane miywaachimuwin.

Ephesians 2:1

Chiyawaau maak e nipiyekw chichii ishinaakusinaawaau eshkw ekaa uhchi pimaachihiitaakw Chishemanituu. Chichii machaatisiinaawaau kaye namui kuuhchi nanihiihtuwaawaau Chishemanituu.

Ephesians 2:5

aat eshkw mekwaach e nipiihkw e chii ishinaakusiihkw ekaa uhchi nanihiihtuuhkw, chichii ihtuutaakunuu chechii wiich pimaatisiimahkw Christ. Chishemanituu chichii pimaachihiikunuu e chii wii shaweyimitahkw aat ekaa uhchi tepicheyihtaakusuuhkw.

1 Timothy 5:6

Ekw an iskweu kaa peyakut pisikw maak mikw wiya kaa wii nanihiiwehiisut muyaam e nipit ishinaakusuu aat aniyuu eshkw e pimaatisiit.

2 Timothy 4:2

che waawiihtaman Chishemanituu utayimuwin, suuhk waawiihtah aat anit ekaa e nihiipayihch chechii nituhtaakanuuhch, maak anit e nihiipayihch chechii nituhtaakanuuhch, chischeyihtaakuhtaa taapwewin, chistahamaache e wanituutaakanuuhch, kaye maak kaachiichimuwe kaye muush wii siipiiwesii kaye muush chiskutamaache.

2 Timothy 4:5

Mikw maak suuhk nanaakataweyimisuu chiya, kuiskw chechii ishi maamituneyihtaman taan mikw che ispayuwane. Siipiiwesiistah taan che ishi nanehkaachihiikuwane. Suuhk wiichihiich kutakach e waawiihtamuutwaau miywaachimuwiniyuu. Kaye maak mitun tekash ihtuut misiwe aniyuu taan kaa wii itaapachihiisk Chishemanituu.

Revelation 3:1

Ekw miin kaa itikuyaan, eukw uyuu itisinahamuu an enchil kaa naanaakachihaat umaamuuayimihaauh anite Sardis kaa ihtaayich. “Eukw uyuu e itwet an kaa tipeyimaat aniyuuh niishwaashch ahchaahkwa kaa atushkuwaayich Chishemanituu, an kaa tahkunaat niishwaashch achahkusha. Chichischeyimitinaawaau misiwe taan e ihtiyekw, iteu. Chichischeyimitinaawaau e iteyimikuyekw taapwe ahchaahkuwinihch e ishi pimaatisiyekw, mikw maak chinipinaawaau.