Luke 9:56 - Chishemanituu Utayimuwin: Kaa Uskaach Testament

⁵⁶ wesh Iinuu Ukusisa namui uhchi takushin chechii nishuuwanaachihtaawaat aweyuu upimaatisiiwiniyuu, chii takushin chechii pimaachihiiwet.” Ekw anite kutachiyuu ihtaawiniyuu kaa ituhtetwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵⁶ ᐌᔥ ᐄᓅ ᐅᑯᓯᓴ ᓇᒧᐃ ᐅᐦᒋ ᑕᑯᔑᓐ ᒉᒌ ᓂᔔᓈᒋᐦᑖᐙᑦ ᐊᐌᔫ ᐅᐱᒫᑎᓰᐎᓂᔫ, ᒌ ᑕᑯᔑᓐ ᒉᒌ ᐱᒫᒋᐦᐄᐌᑦ᙮ ᐁᒄ ᐊᓂᑌ ᑯᑕᒋᔫ ᐃᐦᑖᐎᓂᔫ ᑳ ᐃᑐᐦᑌᑣᐤ᙮

Luke 9:56 Iomraidhean Croise

Matthew 18:10

“Yaakwaamiikw maak ekaa chechii aatuweyimekuch uchii awaashach, wesh chiwiihtamaatinaawaau, utenchilamuwaau kihchikiishikuhch kaa ihtaayich muush ayimishtamaakuuch e uhchishkuukaapuushtawayich Nuuhtaawii kihchikiishikuhch kaa ihtaayich.

Matthew 18:11

Pechi naanituwaapameu Iinuu Ukusisa aniyuuh aweyuuh kaa wanishiniitwaauh chechii pimaachihaat.”

Matthew 20:28

Mwehch Iinuu Ukusisa namui uhchi pechi takushin chechii atushkuwaakanuut, chii takushin chechii atushkuwaat iinuuh. Kaye maak chii takushin chechii pachishtinahk upimaatiisiwin miiskuch mihchetu aweyuuh chechii aapihkunaakanuyich.”

Matthew 5:39

Mikw maak niya chititinaawaau, ekaawii taapishtaah awen e chii machituutaask. Awen utaamihkwehuuske chitaamihkanihch, mii ekush anite kweshtehche kaye chechii utaamihkwehuusk.

Luke 19:10

Iinuu Ukusisa chii pechi takushin chechii naanituwaapamaat kaye chechii pimaachihaat aniyuuh iinuuh kaa wanishiniitwaau.”

Luke 22:51

Jesus maak chii iteu, “Ekun.” Ekw maak kaa taahtinamuwaat uhtaukaayuu aniyuuh aapachihaakanh, kaa miinuwaachihtaawaat.

Luke 23:34

Ekw Jesus kaa itwet, “Nuuhtaa, wepeyihtamuuch, wesh namui chischeyihtamuch taan e ihtitwaau.” Ekw anichii shimaakanishach kaa chaahkahuututwaau, ekut kaa uhchi wiyeyihtahkwaau aweyuu che ayaayich aniyuuh uchekwaanimiyuuh.

Luke 9:55

Jesus maak chii kweschikaapuushtaweu kaa chistahamuwaat uyuu e ishi ayimiyich. Chii iteu, “Uu e iteyihtamekw namui Chishemanituu e ihtaat uhchipayuu,

Luke 9:57

Mekwaach maak aniyuu e pimuhtetwaau chii nachishkaakuuch naapeu. Ekw an naapeu kaa itaat aniyuu Jesus, “Chika papaawiicheutin taanite che ituhtewane.”

John 10:10

Chimutisk takushinuu mikw chechii kachemutit maak chechii nipahiiwet maak chechii waanachihiiwet. Niya maak wii nichii takushin chechii miiweyaan an pimaatisiiwin anit ekaa wiiskaat nuuhtepayihch chekwaan.”

John 12:47

An awen piyehtamukwe taan kaa ishi wiihtamaan ekaa maak nanihiihtamukwe, namui niwiyaaskunaau. Nichii takushin utah aschiihch namui wii chechii wiyaaskunicheyaan maak nichii takushin chechii pimaachihiiweyaan.

John 3:17

Wesh Chishemanituu chii pechi itishahweu Ukusisa utah aschiihch chechii pimaachihaayich aweyuuh namui wii chechii pechi nishuuwanaachimaayich.

Romans 12:21

Ekaawii chika shaakuuchihiikun chekwaan e maayaatahch. Aspashtaah teyakuch an kaa maayaatahch e miyutuutamaacheyin.

1 Timothy 1:15

Eukw maak uu tiyaapwemakahch itwewin, Christ Jesus e chii pechi takushihk utah aschiihch chechii pimaachihaat umachihtwaau. Maauch maak kaa machaatisiit nichii iteyihtaakusin niya.