Luke 9:52 - Chishemanituu Utayimuwin: Kaa Uskaach Testament

⁵² Mekwaach maak aniyuu e ati pimuhtet chii niikaanitishihweu aweyuuh anite aniyuu ihtaawiniyuu Samaritan iinuuh kaa ihtaayitwaauh, chechii nituu ayeskuushtaayich taanite chechii ihtaakupane aniyuu che tipiskaayich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵² ᒣᒀᒡ ᒫᒃ ᐊᓂᔫ ᐁ ᐊᑎ ᐱᒧᐦᑌᑦ ᒌ ᓃᑳᓂᑎᔑᐦᐌᐤ ᐊᐌᔫᐦ ᐊᓂᑌ ᐊᓂᔫ ᐃᐦᑖᐎᓂᔫ ᓴᒪᕆᑕᓐ ᐄᓅᐦ ᑳ ᐃᐦᑖᔨᑣᐤᐦ, ᒉᒌ ᓂᑑ ᐊᔦᔅᑰᔥᑖᔨᒡ ᑖᓂᑌ ᒉᒌ ᐃᐦᑖᑯᐸᓀ ᐊᓂᔫ ᒉ ᑎᐱᔅᑳᔨᒡ᙮

Luke 9:52 Iomraidhean Croise

Matthew 10:5

Ekw uchii niishushaap kaa chihchitishahukutwaau Jesus e itikutwaau, “Ekaawii ituhtekw anite iinuuch ekaa Jewa iinuuch kaa itiskaanesitwaau e ihtaatwaau kaye ekaawii ituhtekw anite ihtaawinh Samaria aschiihch kaa ihtakuhkwaauh.

Luke 10:1

Iskutak kaa chiishipayihch an taan kaa ispayihch Utipeyihchikeu chii wiyaapameu niishwaashumitanuu niishu kutak aweyuu che uchischinuhamuwaakanit ekw kaa niikaanitishihwaat e naaniishuhteyitwaau. Chii iteu misiwe ihtaawinihch chechii ituhteyich misiwe taanite che aituhtekupane, kaye misiwe taanite e ati ihtaayitwaauh aweyuuh.

Luke 10:33

Miin kutak naapeu, Samaria aschiihch e uhchiit chii utihteu aniyuu naapeu, ekw naashch kaa chistimaacheyimaat.

Luke 17:11

Mekwaach Jesus kaa ituhtet anite Jerusalemihch chii pimuhteu anit e uhchi taahchiskaatuumakahkwaau Samaria aschii kaye maak Galilee aschii.

Luke 17:16

Iskutak maak tekushihk chii uchihchiihkunapayihuu uhchishkuu Jesus e ihtaayich e nanaaskumaat. Uu maak naapeu Samaria aschiihch chii uhchiyuu.

Luke 7:27

Eukuu John kaa aayimuumaakanuut anite Chishemanituu utayimuwinihch kaa itashtech, Nika niikaanitishihwaau awen chechii ayeskuwiihkahk aniyuu meskanaayuu anit che pimuhteut.”

John 4:4

Chipaa shaapuhtaweshkam maak Samaria aschiiyuu anite Galileehch e wii ituhtet.

John 4:5

Iskutak maak anite Samaria aschiihch e ihtaat, chii utihtam ihtaawiniyuu Sychar e ishinihkaateyich. Peshuch maak utah uyuu ihtaawiniyuu ekut kaa ihtakuniyich aniyuu nihtaauchihchikan aschiiyuu aniyaa Jacob kaa miyaat ukusisa Joseph.

John 4:9

Naashch maak chii kushkupayuu an iskweu aniyuu kaa itikut Jesus ekw kaa itaat, “Jewa naapeu chiya. Niya maak Samaria iskweu niya. Chekwaan wehchi nituweyihtaman chechii minihiitaan.” Namui mitun uhchi papiskaateuch Jewa iinuuch aniyuu iinuuh anite Samaria aschiihch kaa uhchiyich, eukw uyuu wehchii itwet uyuu an iskweu.

John 8:48

Anichii maak Jewa iinuuch chii iteuch aniyuu Jesus, “Nichii taapwenaan kaa itweyaahch Samaria e uhchiyin kaye e piihchishkaask machiahchaahkw.”