Luke 9:51 - Chishemanituu Utayimuwin: Kaa Uskaach Testament

⁵¹ Wetaach maak chii ati peshunaakuniyuu Jesus kihchikiishikuhch che ishi utinaakanuut ekw naashch kaa iteyihtamihiikut yaaitei chechii ituhtet Jerusalemihch. Ekw maak kaa chistuhtet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵¹ ᐌᑖᒡ ᒫᒃ ᒌ ᐊᑎ ᐯᔓᓈᑯᓂᔫ ᒌᓴᔅ ᑭᐦᒋᑮᔑᑯᐦᒡ ᒉ ᐃᔑ ᐅᑎᓈᑲᓅᑦ ᐁᒄ ᓈᔥᒡ ᑳ ᐃᑌᔨᐦᑕᒥᐦᐄᑯᑦ ᔮᐃᑌᐃ ᒉᒌ ᐃᑐᐦᑌᑦ ᒉᕉᓴᓚᒥᐦᒡ᙮ ᐁᒄ ᒫᒃ ᑳ ᒋᔅᑐᐦᑌᑦ᙮

Luke 9:51 Iomraidhean Croise

Mark 16:19

Paatimaa maak Jesus kaa chiishi ayimihaat uchischinuhamuwaakanh kihchikiishikuhch chii ishi uhpiskaau. Anite Chishemanituu unihiiwiniihch itehche ekute kaa ishi waweyapit.

Luke 12:50

Wesh naashch taapwe kata aayiman chekwaan che ishi nachishkamaan nuwach maak nimukushkaateyihten kamaa shaash miyaaupayihch e iteyihtamaan.

Luke 13:22

Jesus chii ati chiskutamaacheu taanite kaa ati wautihtahk e utenaauniyich kaye e ati ihtakuniyikwaauh ihtaawinisha eshkw ekaa uhchi utihtahk Jerusalemiyuu anite kaa wii ituhtet.

Luke 17:11

Mekwaach Jesus kaa ituhtet anite Jerusalemihch chii pimuhteu anit e uhchi taahchiskaatuumakahkwaau Samaria aschii kaye maak Galilee aschii.

Luke 18:31

Ekw Jesus kaa chistuhtahaat aniyuu kaa niishushaapuyich uchischinuhamuwaakan taanite pahkaan chechii ihtaawaakupanenich, ekw kaa itaat, “Jerusalemihch chika ituhtenaanuu. ekute anite misiwe che tipipayihch an kaa ishi aayimaakanuut che ispayit Iinuu Ukusisa aniyuu taan kaa ishi masinahamuwaakupanenich aniyehkaanaanich uchischiwehiichesuuch.

Luke 19:11

Wetaach maak chii ati peshuwaapahtamuch Jerusalemiyuu anichii iinuuch e nuushuushkuwaatwaau Jesus. Aniyuu maak taan kaa ishi waawiihtamaakutwaau Jesus chii iteyihtamuch taapwe shaash tiiwehch che nuukuniyich Chishemanituu uchisheuchimaawiniyuu. Ekw maak Jesus uyuu chischinuhamaacheu tipaachimuwiniyuu kaa wiihtamuwaat mekwaach e ati pimuhtetwaau. Chii itweu maak,

Luke 19:28

Iskutak maak Jesus kaa chiishkwaa tipaachimut, ekw Jerusalemihch kaa ituhtetwaau, e ati niikaanihtet aniyuu uchischinuhamuwaakanh e ihtaayich.

Luke 24:51

Eshkw maak mekwaach e shaweyimaat ekut kaa uhchi nakataat, kihchikiishikuhch kaa ishi uhpiskaat.

Luke 9:57

Mekwaach maak aniyuu e pimuhtetwaau chii nachishkaakuuch naapeu. Ekw an naapeu kaa itaat aniyuu Jesus, “Chika papaawiicheutin taanite che ituhtewane.”

John 13:1

Eshkw ekaa uhchi utihchipayiyich Miyaaskaacheu Makushewin, shaash chii chischeyihtam Jesus e utihchipayiyich che nakatahk uyuu aschiiyuu kaye che nituwaapamaat Uhtaawiimaau. Muush chii saachiheu misiwe aniyuu kaa taapweyimikut utah aschiihch kaa ihtaayich ekw maak che utihchipayihch chechii waapahtiyaat taan e ishpish saachihaat.

John 16:28

Taapwe maak Uhtaawiimaau e ihtaat nichii uhtuhten kaa pechi takushiniyaan utah aschiihch miin maak kaau nikaa chistuhten Nuuhtaawii e ihtaat nikaa ituhten.”

John 16:5

“Anuhchiish maak wii ekw che nituwaapamak an kaa pechi itishahuut. Namui maak waawaach peyakw e tashiyekw chikakwechiminaawaau taanite e ituhteyaan.

John 17:11

Ekw maak che nituwaapamitaan. Shaash wiipach namui nika uhchi ihtaan utah aschiihch. Wiyawaau maak eshkw utah aschiihch chika ihtaauch. Nuuhtaawii, chiya kaa payehchisiyin, maamuu kanuweyimach taan e ishi suuhchikanuweyimuumakaniyich chitishinihkaasuwiniyuu uchii kaa pechi miyin anit chechii uhchi peyakutwaau mwehch chiyaanuu e ishi peyakuyihkw.

John 6:62

Taan maak che iteyihtamekw waapamekwe Iinuu Ukusisa e uhpipayit anite ishi kaa chii ihtaat eshkw ekaa uhchi pechi itishahwaakanuut utah aschiihch.

ᐊᐸᔅᑕᓚᒡ 1:2

Eshkw maak ekaa uhchi nakatahk uyuu aschiiyuu Jesus Kaa payehchisiyich Ahchaahkwa uhchi chii wiishumeu Apastalh e wiihtamuwaat taan che ihtiyich.

ᐊᐸᔅᑕᓚᒡ 1:9

Iskutak Jesus uyuu kaa itaat aniyuu apastalh mekwaach e kanawaapamikut ishpimihch chii ishi uhpipayuu. Kaskawanishkwa kaa aakuuhukut ekw namui uhchii waapamikuu.

Ephesians 1:20

Eukw uyuu e peyakuniyich e suuhcheyihtaakuniyich maskuusiiwiniyuu kaa aapachihtaat Chishemanituu kaa wanishkaanaat Christ nipuwinihch uhchi kaye kaa apihaat anite unihiiwinihch itehche anite kihchikiishikuhch.

Philippians 3:14

Kwaasht e ishpishiyaan suuhk niwii chiishihtaan chechii wiihkuchihtamaasuyaan an kaaniyuwin taan aniyuu kaa ishi ayeskuushtamuut Chishemanituu che ayaauch Christ Jesus uhchi, eukuu kaachiche pimaatisiiwin.

1 Timothy 3:16

Nuwach kiipaa chisteyihtaakun an taan e ishi miskaateyihtaakuch chitaapwehtamuwinuu. Chishemanituu wiyaasuwinihch e chii ishi nuukuhiisut. Chii cheshtinaateyihtaakuhiikuu Kaa payehchisiyich Ahchaahkwa taapwe Chishemanituu e chii pechi itishahukut. Chii waapamikuu enchil. Chii aayimuumaakanuu e kacheskwaanuyich anite nanaahkuu e itiskaanesinaanuyich. Chii taapweyimikuu aweyuuh utah aschiihch. Ekw maak kihchikiishikuhch kaa ishi uhpiskaat chechii chisteyihtaakuhaakanuut.

Hebrews 12:2

Kaye kanawaapamaataau Jesus, an kaa ihtuutaatahkw chechii taapwehtamuhkw. Wiya chiwiichihiikunuu wetaach chechii suuhchikaapuuyihkw chitaapwehtamuwinaahch paatish tekash chii nanihiiwehiihkwe Chishemanituu. Chii shaapushkam nipuwiniyuu asiteyaahtikuhch kaye namui mechim uhchi aapateyihtamihiikuu aat e chii maayeyimaakanuut kaye e chii nenehkaateyimuhaakanuut wesh mikw aniyuu taan che ishpish muuchicheyihtahk iskutak miyaaupayiche anit e nanehkaateyimut ekun aniyuu kaa maamituneyihtamihiikut. Ekw maak anuhchiish, wiya chuuchisheuchimaaminaanuu anite maak apuu Chishemanituu unihiiwiniihch iitehche.

Hebrews 6:20

Jesus maak uu kaa cheshtinaateyimahkw. Anite aniyuu kaa piihchet ekute e ayimiheshtamaatahkw. Wiya kaachiche chisheayimiheuchimaau Jesus mwehch Melchizedek.

1 Peter 3:22

Eukw uu Christ kihchikiishikuhch kaa ishi uhpiskaat kaye kaa waaweyipahiikut Chishemanituu unihiiwiniihch itehche anit maauch e chisteyihtaakuniyich chechii apit awen. Ekut maak kaa miyaakanuut chechii uchimaahkahtuwaat misiwe enchil kaye chechii tipeyihtahk misiwe kihchikiishikw tipeyihchewiniyuu kaye misiwe suuhkaatisiiwiniyuu.