Luke 9:50 - Chishemanituu Utayimuwin: Kaa Uskaach Testament

⁵⁰ Jesus kaa itaat, “Ekaawii chistahamuwaahkw. Wesh an awen ekaa kaa nishkuushtaakuyihkw chiwiichihiikunuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵⁰ ᒌᓴᔅ ᑳ ᐃᑖᑦ, ᐁᑳᐐ ᒋᔅᑕᐦᐊᒧᐙᐦᒄ, ᐌᔥ ᐊᓐ ᐊᐌᓐ ᐁᑳ ᑳ ᓂᔥᑰᔥᑳᑯᔨᐦᒄ ᒋᐐᒋᐦᐄᑯᓅ᙮

Luke 9:50 Iomraidhean Croise

Matthew 12:30

Jesus maak miin chii iteu, “An awen ekaa kaa pechi wiichihiit nishkuushtaakw. Awen ekaa kaa wiichihiit e maamuushtinicheuch aschetishihiicheu ishinaakusuu.

Matthew 17:24

Iskutak Jesus ekw maak aniyuu uchischinuhamuwaakan tekushihkwaau anite Capernaum, anichii kaa maamuushtinahkwaau shuuliyaayuu anite chisheayimiheukamikuhch che ishi aapataniyich chii pechi nituwaapameuch aniyuu Peter e itaatwaau, “Pachishtinam aa chichiskutamaachesiimuwaau aniyuu shuuliyaayuu anite chisheayimiheukamikuhch chipaa ishi aapataniyuu.”

Matthew 17:26

Ekw Peter kaa itaat, “Aniyuuh kiipaa kutak aweyuuh e ihtaayich chipaa uhchipayiniyuu.” Ekw kaa itikut Jesus, “Kiipaa miiskuch namui utawaashiim chika uhchi pachishtinamiyuuh shuuliyaayuu.

Mark 9:38

John maak chii iteu Jesus, “Chiskutamaachesuu, nichii waapamaanaan naapeu e wiiwiitishihwaat machiahchaahkwa chitishinihkaasuwiniyuu e aapachihtaat, ekw kaa chistahamuwachiht, wesin taapaa ute chiyaanuu e ihtaayihkw ishi wiichihiiweu.”

Mark 9:41

Chihchiwe maak chititinaawaau, an awen che minihiikuwekwe nipiiyuu aniyuu uhchi Christ e wiichewekw, cheshtinaash kata miyaakanuu utipahamaakusiiwin.”

Luke 11:23

Jesus miin chii itweu, “An awen ekaa kaa pechi wiichihiit, ninishkuushitaakw. Awen ekaa kaa wiichihiit e maamuushtinicheuch aschetishihiicheu ishinaakusuu.”

Luke 16:13

“Namui awen kata chii atushkuweu niishu uchimaau ekaa naheyimituyich, wesh peyakw aniyuu kata uhkaateu, ekw aniyuu kutak kata saachiheu. Aniyuu peyakw suuhk kata atushkuweu, ekw aniyuu kutak namui kata uhchi naheyimeu chechii atushkuwaat. Namui chika chii atushkuwaawaau Chishemanituu muush e maamituneyihtamuwekwe chechii miisitisiyekw.”

1 Corinthians 12:3

Chinitaweyimitinaawaau maak chechii nisituhtamekw an awen Kaa payehchisiyich Ahchaahkwa kaa pimipayihiikut, namui wiiskaat chika uhchi machi chiishuwaateu Jesus. Itwete maak awen, “Jesus eukw Utipeyihchikeu,” Payehchi Ahchaahkwa ihtuutaakuu aniyuu chechii itwet.