Luke 9:47 - Chishemanituu Utayimuwin: Kaa Uskaach Testament

⁴⁷ Jesus maak chii chischeyimeu taan e ishi maamituneyihtamiitwaau, ekw kaa utinaat awaasha e apishiishiyich ekw kaa niipuuhaat anit uhpime e ihtaat. Kaa itaat aniyuuh uchischinuhamuwaakanh,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁷ ᒌᓴᔅ ᒫᒃ ᒌ ᒋᔅᒉᔨᒣᐤ ᑖᓐ ᐁ ᐃᔑ ᒫᒥᑐᓀᔨᐦᑕᒦᑣᐤ, ᐁᒄ ᑳ ᐅᑎᓈᑦ ᐊᐙᔕ ᐁ ᐊᐱᔒᔑᔨᒡ ᐁᒄ ᑳ ᓃᐴᐦᐋᑦ ᐊᓂᑦ ᐅᐦᐱᒣ ᐁ ᐃᐦᑖᑦ᙮ ᑳ ᐃᑖᑦ ᐊᓂᔫᐦ ᐅᒋᔅᒋᓄᐦᐊᒧᐙᑲᓐᐦ,

Luke 9:47 Iomraidhean Croise

Matthew 12:15

Iskutak maak Jesus piyehtahk taan waa ihtuutuwaakanuut chii chistuhteu, mihchetu maak aweyuu chii nuushuushkaakuu. Chii miinuwaachiheu maak aniyuu misiwe kaa aahkusiyich aweyuuh.

Matthew 9:4

Jesus maak chii chischeyimeu taan e ishi ayimihiituyich ekw kaa itaat, “Taapwe nitamukw kaa ishi maamituneyihtamekw.

Luke 5:22

Iskutak Jesus chescheyimaat e ishi ayimihiituyich chii iteu, “Chekwaan wehchi maamituneyihtamihiikuyekw an kaa itweyaan.

John 16:30

Nichischeyihtenaan maak misiwe chekwaan e chischeyihtaman, namui nituweyihtaakusuu awen chechii kakwechimisk chekwaayuu, eukw maak uu wehchi taapwehtamaahch Chishemanituu e ihtaat e chii uhtuhteyin.”

John 2:25

Namui kaye uhchi nituweyihtam chechii wiihtamaakut aweyuu taan e iteyihtaakusiyich aweyuu wesh chii chischeyimeu taan nihaau e iteyihtaakusiyich.

John 21:17

Nishtwaau maak miin Jesus chii iteu, “Simon, John kaa ukusiitutaask, chisaachihiin aa.” Ekw Peter naashch kaa macheyihtahk wesh ekw nishtwaau kaa kakwechimikut Jesus e itikut, “Chisaachihiin aa.” Ekw kaa itaat, “Utipeyihchikeu, misiwe chekwaan chichischeyihten, chichischeyihten e saachihiitaan.” Jesus maak chii itikuu, “Nanaakachihiich nimaanishchaanishimach.

1 Corinthians 14:20

Niichishaanitikw, ekaawii awaashiyuu maamituneyihtamukw. Mwehch apishtawaashach e iteyihtaakusitwaau ekaa chischeyihtahkwaau e iteyihtaakuniyich machituutamuwiniyuu ekun mwehch kaye chiyawaau chipaa iteyihtaakusinaawaau. Mwehch awen shaash e chiishi nihtaauchit ekun chipaa ishi maamituneyihtenaawaau.

Hebrews 4:13

Misiwe chekwaayuu mushe waapahtam Chishemanituu. Misiwe aweyuuh tekash waapameu kaye misiwe chekwaayuu tekash waapahtam. Wiya maak chika wiihtamuwaanuu chekwaan wehchii ishi pimaatisiihkw taan kaa ishi pimaatisiihkw.

Revelation 2:23

Nika nipahaayuuh aniyuu kaa nuushuushkaakut. Ekw maak misiwe anichii umaamuuayimihaauch che chischeyimitwaau niya e aawiyaan an kaa chischeyimaat aweyuuh taan nihaau e iteyihtamiyich kaye taan nihaau e ishi teheyich. Misiwe e tashiyekw chika waweshihiitinaawaau taan mikw kaa ishi machituutamuwekwe.