Luke 9:41 - Chishemanituu Utayimuwin: Kaa Uskaach Testament

⁴¹ Jesus maak chii iteu aniyuu iinuu anit kaa ihtaayich, “Chiyawaau anuhchiish kaa pimaatisiyekw ekaa kaa ayaayekw taapwehtamuwin kaye ekaa kaa kweskaatisiyekw, namui kaye kuiskw chit ishi pimaatisiinaawaau. Taan che ishpish ihtaayaan utah e ihtaayekw yaakw chechii nisituhtamekw. Taan che ishpish ashuwaapamitakuch ekw chechii ayaayekw taapwehtamuwin. Peshuwaahkw an naapesh.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴¹ ᒌᓴᔅ ᒫᒃ ᒌ ᐃᑌᐤ ᐊᓂᔫ ᐄᓅ ᐊᓂᑦ ᑳ ᐃᐦᑖᔨᒡ, ᒋᔭᐙᐤ ᐊᓄᐦᒌᔥ ᑳ ᐱᒫᑎᓯᔦᒄ ᐁᑳ ᑳ ᐊᔮᔦᒄ ᑖᐺᐦᑕᒧᐎᓐ ᑲᔦ ᐁᑳ ᑳ ᑴᔅᑳᑎᓯᔦᒄ, ᓇᒧᐃ ᑲᔦ ᑯᐃᔅᒄ ᒋᑦ ᐃᔑ ᐱᒫᑎᓰᓈᐙᐤ᙮ ᑖᓐ ᒉ ᐃᔥᐱᔥ ᐃᐦᑖᔮᓐ ᐅᑕᐦ ᐁ ᐃᐦᑖᔦᒄ ᔮᒄ ᒉᒌ ᓂᓯᑐᐦᑕᒣᒄ᙮ ᑖᓐ ᒉ ᐃᔥᐱᔥ ᐊᔓᐙᐸᒥᑕᑯᒡ ᐁᒄ ᒉᒌ ᐊᔮᔦᒄ ᑖᐺᐦᑕᒧᐎᓐ᙮ ᐯᔓᐙᐦᒄ ᐊᓐ ᓈᐯᔥ᙮

Luke 9:41 Iomraidhean Croise

Matthew 11:28

“Pechi naashikw misiwe chiyawaau kaa mistaapatisiyekw kaye kaa pwaauteyekw, chika miitinaawaau chechii ayuwepiyekw.

Matthew 12:39

Ekw Jesus kaa itaat, “Anuhchiish awenichii kaa pimaatisiitwaau naashch taapwe machaatisiyuuch kaye pisikwaatisiyuuch. Kaa kakwechihchemuyekw chechii waapahtiikuyekw maamishkaach waapahtiiwewin, namui chika uhchi waapahtiikunaawaau. Mikw aniyuuh taan kaa ishi maamishkaach ispayit aniyaa uchischiwehiichesuu Jonah eukw mikw an che waapahtiikuyekw.

Matthew 12:45

Uyuu maak wiyaapahtahk e ishinaakuniyich ekw chestuhtet, niyaanituweyimaat niishwaashch machiahchaahkwa uste e iteyihtaakusiyich e iteyihtaakusit wiya, chechii wiichimikut anite aniyuu naapeu piihch e ihtaayich. Ekw maak an naapeu etituu chika iteyihtaakuhiikuu aniyuu niishwaashch machiahchaahkwa taan kaa iteyihtaakusit niishtam, mikw e chii peyakushiyich. Ekun maak che ispayitwaau anichii anuhchiish awenichii kaa machaatisiitwaau.”

Matthew 16:4

Anuhchiish iinuuch naashch taapwe machaatisiyuuch kaye naashch pisikwaatisiyuuch. Mikw e wii waapahtahkwaau maamishkaach waapahtiiwewinh, namui maak chika chii waapahtiyaakanuuch. Mikw aniyuu maamishkaach chekwaayuu kaa ispayit Jonah eukw mikw aniyuu che waapahtiyaakanuutwaau.” Ekw Jesus kaa nakataat kaa ati chistuhtet.

Matthew 17:17

Jesus maak chii iteu aniyuu iinuu anit kaa ihtaayich, “Chiyawaau iinuuch anuhchiish kaa pimaatisiyekw ekaa kaa ayaayekw taapwehtamuwin kaye ekaa kaa kweskaatisiyekw, taan che ishpish ihtaayaan utah e ihtaayekw yaakw chechii nisituhtamekw. Taan che ishpish ashuwaapamitakuch ekw chechii ayaayekw taapwehtamuwin. Peshuwaahkw an naapesh.”

Matthew 23:36

Ehe, chiwiihtamaatinaawaau, kaye chiyawaau anuhchiish kaa pimaatisiyekw chika aanische maahtakushkaakunaawaau taan che ishi waweshihaakanuutwaau uchii.”

Matthew 3:7

Iskutak maak John wiyaapamaat mihchetu Phariseeh kaye Sadduceeh e pechi takushiniyich chechii siikahaahtuwaakanuyich, chii iteu, “Muyaam taapwe chinepukuch e iteyihtaakusiyekw. Awen kaa ititaakw chechii ushimututamuwekw Chishemanituu utaahkuiwesuwin.

Mark 10:14

Iskutak Jesus wiyaapamaat uyuu e ihtiyich aniyuuh chischinuhamuwaakanh namui mitun uhchi naheyihtamihiikuu ekw kaa itaat, “Pachishtinaahkuch awaashach chechii pechi naasitwaau, ekaawii uhchi chistahamuwaahkuch, wesh uyuu kaa iteyihtaakusitwaau awenich Chishemanituu uchisheuchimaawiniihch ishi tipeyihtaakusuuch.

Mark 10:49

Jesus maak chii chipihchikaapuu ekw kaa itwet, “Wiishaamaahkw.” Ekw kaa tepwaataatwaau aniyuu naapeu ekaa kaa waapahtamiyich e itaatwaau, “Miyeyihta, pishikuu, chitepwaatikw wesin.”

Mark 9:19

Jesus maak chii iteu aniyuuh anit kaa ihtaayitwaauh, “Chiyawaau iinuuch anuhchiish kaa pimaatisiyekw ekaa kaa ayaayekw taapwehtamuwin, taan che ishpish ihtaayaan utah e ihtaayekw yaakw chechii nisituhtamekw. Taan che ishpish ashuwaapamitakuch ekw chechii ayaayekw taapwehtamuwin. Peshuwaahkw an naapesh.”

Luke 8:25

Ekw kaa itaat aniyuu uchischinuhamuwaakanh, “Taanite chitaapwehtamuwinawaau.” Chii kushtaachuuch maak eyuu chii miskaateyihtamuch e itwetwaau, “Awen uu waawaach yuutinisuu kaye kaskanh e pishichihiikut e chistahamuwaat.”

Luke 9:40

Aat maak nichii kakwechimaauch chichischinuhamuwaakanich chechii wiiwiitishihwaatwaau uyuu machiahchaahkwa, namui maak uhchii ihtuutamuch.”

Luke 9:42

Mekwaach maak e pechi naataat aniyuu Jesus an naapesh, machiahchaahkwa mitun chii kawepinikuu ekw kaa ihtuutaakut chechii uchipitikut. Jesus maak chii chistahamuweu aniyuu machiahchaahkwa kaa itaat chechii nakataayich aniyuu naapesha. Ekut maak kaa ati miinuwaatisiit an naapesh. Ekw Jesus kaa chiiwemiyaat aniyuu naapeu aniyeyuu ukusiyuu.

John 14:9

Jesus chii nishkweushiheu e itaat, “Philip, shaash weskach kaa ihtaayaan utah e ihtaayekw yaapach maak namui chichischeyimin. An awen kaa waapamit shaash waapameu Uhtaawiimaau. Chekwaan maak wehchi kakwechimiin chechii waapahtiitaan Uhtaawiimaau.

John 20:27

Kaa itaat aniyuu Thomas, “Taahtinh nitihchii kaye ute uhpimeyuu pechi taahtinh, ekun ekw ishpish aanuwehta, taapwehta ekw.”

ᐊᐸᔅᑕᓚᒡ 13:18

Nemitanuu pipun maak chii ishpish siipiiwesiistuweu aniyuu Jewa iinuuh mekwaach anite pakwaatiskamikaahch kaa ihtaayich aat ekaa uhchi nanihiihtaakut.

ᐊᐸᔅᑕᓚᒡ 2:40

Chineush chii ayimiheu Peter aniyuu iinuu. Chii yaakwaamimeu, e itaat, “Wiihkuchihiisukw ekaa chechii waweshihiikuyekw chiyawaau taan che ishi waaweshihaakanuutwaau uchii kaa machaatisiitwaau.”

Romans 2:4

Naashch taapwe chishewaatisiyuu Chishemanituu. Nakaawiyuu chechii wiyaaskunisk kaye naashch taapwe chisiipiiwesiistaakw. Chekwaayuu wehchi maayeyimat, aniyuu maak e ishpish miyeyihtaakusit. Namui aa chichischeyihten chekwaayuu wehchi chishewaatutaask. Chinituweyimukw chechii mihchiiweyihtamut taan e ishi machaatisiyuut ekw maak chechii kweskaatisiyuut.

Hebrews 3:19

Ekw maak chescheyihtamuhkw utaanuwehtamuwinawaau e chii ihtuutaakutwaau anichii iinuuch wehchi ekaa uhchi piihchewaatwaau aniyuu aschiiyuu Chishemanituu kaa ayeskuushtamaakutwaau anit che ayiwepitwaau.

Hebrews 4:11

Ekw maak suuhk kuchihtaataau chechii piihcheyihkw taanite e ihtakuhch ayiwepuwin. Suuhk ayaakwaamiitaau ekaa chechii nuuhtaashkamuhkw chechii piihcheyihkw anite e ihtakuhch ayiwepuwin. Ekaa nanihiihtauhkwe Chishemanituu chika nuuhtaashkenaanuu anite chechii piihcheyihkw muyaam aniyehkaanaanich Israel iinuuch anite pechi utaahch kaa ishi nuuhtaashkahkwaau.

Hebrews 4:2

Ekw maak chichii pehtenaanuu an miywaachimuwin anit kaa aayimuutech taanite che ayiwepiyich Chishemanituu utiiniimh. Eukw uyuu miywaachimuwiniyuu kaa ishi pehtahkwaau aniyehkaanaanich chiwaahkumaakanuuch. Mikw maak namui uhchi piihcheuch anite wesh namui uhchi taapwehtamuch taan kaa ishi wiihtamuwaakanuutwaau.

Hebrews 7:25

Tekash chika chii pimaachiheu misiwe aweyuuh kaa taapweyimikut e naataayich Chishemanituuh. Wesh kaachiche pimaatisiyuu ekw maak muush chechii ayimiheshtamuwaat utiiniim.