Luke 9:39 - Chishemanituu Utayimuwin: Kaa Uskaach Testament

³⁹ Maashihiikuu niyaanikutehch machiahchaahkwa e ihtuutaakut sischikuuch chechii nuuhtaakusit. Ekw maak kaye e uchipitikut maan mitun wesh kata piishteutaahtam. Naashch nanehkaateyihtamihiikuu uyuu machiahchaahkwa ekaa maak wii nakatikut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁹ ᒫᔑᐦᐄᑰ ᓂᔮᓂᑯᑌᐦᒡ ᒪᒋᐊᐦᒑᐦᑾ ᐁ ᐃᐦᑑᑖᑯᑦ ᓯᔅᒋᑰᒡ ᒉᒌ ᓅᐦᑖᑯᓯᑦ᙮ ᐁᒄ ᒫᒃ ᑲᔦ ᐁ ᐅᒋᐱᑎᑯᑦ ᒫᓐ ᒥᑐᓐ ᐌᔥ ᑲᑕ ᐲᔥᑌᐅᑖᐦᑕᒻ᙮ ᓈᔥᒡ ᓇᓀᐦᑳᑌᔨᐦᑕᒥᐦᐄᑰ ᐅᔫ ᒪᒋᐊᐦᒑᐦᑾ ᐁᑳ ᒫᒃ ᐐ ᓇᑲᑎᑯᑦ᙮

Luke 9:39 Iomraidhean Croise

Mark 9:18

Iskutak miyaasihiikuch uyuu machiahchaahkwa, mitun wesh kata niihchiwepahukuu, kaye kata piishteutaahtam, eyuu maak wesh kata shashewaapiteyuu, kaye mitun kata chiituwaaskupayuu. Anichii maak chichischinuhamuwaakanich nichii kakwechimaauch chechii wiiwiitishihwaatwaau aniyuuh machiahchaahkwa namui maak uhchii ihtuuch.”

Mark 9:20

Ekw kaa peshuwaatwaau aniyuu naapesha anit Jesus e ihtaayich. Iskutak an machiahchaahkw wiyaapamaat Jesus tiiwehch chii ihtuutaweu aniyuu naapesha chechii uchipitikuyich, mitun anite aschiihch e chii ishi pahchishiniyich. Ekw kaa kwehkwetipayihut anit an naapesh e piishteutaahtahk.

Mark 9:26

Ekw an machiahchaahkw kaa uhchi aashihkwet, kaa ihtuutawaat aniyuu naapesha chechii uchipitikuyich ekw kaa nakataat. An maak naapesh mwehch e nipit ekun kaa ishinaakusit anit e pimishihk. Ekw misiwe awen kaa itwet, “Namui pimaatisiyuu.”

Luke 4:35

Jesus kaa nishkweushihaat aniyuu ahchaahkwa e itaat, “Ekaa chistuh. Wiiwiiskuu an naapeu.” Ekw an ahchaahkw kaa ihtuutawaat aniyuu naapeu anite chechii ishi pahchishiniyich e mihchetinaanuyich. Ekw kaa wiiwiiskawaat aniyuu naapeu ekaa uhchii wiyesh ihtuutuwaat chechii aahkuhaat.

Luke 8:29

Eukw uyuu kaa ishi tepwet uu naapeu wesh Jesus chii itwekupane aniyuu machiahchaahkwa chechii wiiwiyich anite uhchi aniyuu naapeu e ihtaayich. Uu maak naapeu mihchetwaau chii tipeyimikuukupane aniyuu machiahchaahkwa. Muush maak chii naanaakachihaakanuu an naapeu. Aat maak kaye e maahkupiteyikwaau usith eyuu utihchii yaapach chii pischipitam maan aniyuu e chii mamechimaapiskahiikanuyikwaau upuuschiweyaapiyuu. Chii ihtuutaakuu maak aniyuu machiahchaahkwa chechii ituhtet anite pakwaatiskamikaahch.

Luke 9:38

Anit maak mekwesiinuu e mihchetinaanuuhch chii tepweu peyakw naapeu e itaat aniyuu Jesus, “Chischinuhamaachesuu, chipukuseyimitin chechii wiichihiit nikus, wesh eukw mikw uu e peyakushit nitawaashiim.

Luke 9:40

Aat maak nichii kakwechimaauch chichischinuhamuwaakanich chechii wiiwiitishihwaatwaau uyuu machiahchaahkwa, namui maak uhchii ihtuutamuch.”

John 8:44

Machimanituu eukw wehtaawiyekw, aniyuu e ishi nituweyimitaakw chechii ishi machituutamuwekw eukun mikw waa ihtuutamekw. Muush chii nipahiiweu kaa ishpish ihtakuniyich uyuu aschiiyuu. Namui wiiskaat uhchi nituweyihtam kuiskw chechii ishi wiihtaakuniyich chekwaayuu wesh namui mitun ihtakuniyuu taapwewiniyuu anit e ihtaat. Muush nanatayuu wesh ekun chihchiwe e itaatisiit, eukw maak an taapwe weuhtaawiitutawaat aniyuuh kaa nanatayich.

1 Peter 5:8

Muush yaakwaamiishtuwaahkw machimanituu, an muush kaa wii naanituu machipayihiikuyekw, wesh muyaam mistatim muush kaa papaamuhtet e papaanemut e naanituu miichisut ekun e ishinaakusit. Machimanituu muush naanituuweyimeu aweyuu chechii wanaachihaat.

Revelation 9:11

Aniyuuh enchilh kaa uchimaaututamiyich aniyuu kaa mista pukuneyaayich ekun aniyuuh kaa uchimaamitwaau. Hebrew e ishi ayiminaanuyich Abaddon chii ishinihkaasuyuuh. Greek maak e ishi ayiminaanuyich Apollyon chii ishinihkaasuyuuh. Kaa wanaachihiiwet ishi itweshtamuwaataakanuuyuu aniyuu utishinihkaasuwin.