Luke 9:31 - Chishemanituu Utayimuwin: Kaa Uskaach Testament

³¹ Ekw kaa aayimuutamuwaatwaau Jesus shaash e peshunaakuniyich che nipit anite Jerusalemihch, aniyuu Chishemanituu kaa ishi wiishtaayich che ispayiyich. Naashch maak e miywaashteyich kihchikiishikw waashtewiniyuu chii waashteyuu anit waaskaa e ihtaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³¹ ᐁᒄ ᑳ ᐋᔨᒨᑕᒧᐙᑣᐤ ᒌᓴᔅ ᔖᔥ ᐁ ᐯᔓᓈᑯᓂᔨᒡ ᒉ ᓂᐱᑦ ᐊᓂᑌ ᒉᕉᓴᓚᒥᐦᒡ, ᐊᓂᔫ ᒋᔐᒪᓂᑑ ᑳ ᐃᔑ ᐐᔥᑖᔨᒡ ᒉ ᐃᔅᐸᔨᔨᒡ᙮ ᓈᔥᒡ ᒫᒃ ᐁ ᒥᔻᔥᑌᔨᒡ ᑭᐦᒋᑮᔑᒄ ᐙᔥᑌᐎᓂᔫ ᒌ ᐙᔥᑌᔫ ᐊᓂᑦ ᐙᔅᑳ ᐁ ᐃᐦᑖᑣᐤ᙮

Luke 9:31 Iomraidhean Croise

Luke 9:22

Ekw kaa itaat, “Iinuu Ukusisa iteyihtaakuniyuu chechii mistawaawiisacheyihtamiyich kaye chechii aatuweyimikuyich aniyuuh kaa niikaanapiitwaauh ayimiheuchimaauh, kaye aniyuuh kaa niikaanishkuwaayich iinuuh, kaye maak aniyuuh kaa chiskutamaacheyitwaauh wiishuwewiniyuu. Kata nipahaakanuu kaye, mikw maak nishtu chiishikaau ishpish kaau kata pimaatisiyuu.”

Luke 9:30

Sischikuuch maak chii uhchi niishiyuu naapeu e ayimihiikut Jesus. Eukunich aniyehkaanaanich Moses ekw maak Elijah.

John 1:29

Miin maak aniyuu wiyaapaniyich John chii waapameu Jesus e pechi naatikut, ekw kaa itwet, “Kanawaapamaahkw maa uu naapeu, eukw uyuu Chishemanituu umaanishchaanishimh kaa pechi itishahwaat chechii wepeyihtamuwaakanuyich aweyuuh umachihtwaawiniyuuh.

2 Corinthians 3:18

Chiyaanuu maak wii namui nituweyihtaakun chechii aakuuhwehusuyihkw chechii waapahtamuhkw Utipeyihchikeu uchisteyihtaakusuwin. E kanawaapahtamuhkw Utipeyihchikeu uchisteyihtaakusuwin wetaach chikweschinaakuhiikunaanuu wiya chechii nispituuhkw. Wetaach chitihtuutaakunaanuu kaye chiyaanuu etituu chechii chisteyihtaakusiihkw. Wiya maak Utipeyihchikeu uyuu chitishihiikunuu Utahchaahkwa uhchi.

Philippians 3:21

Aahchiiuh e iteyihtaakaniyikwaauh miiyuuh chika miikunuu. Anuhchiish namui saapisiimakanh uyuuh chiiyuunuuh kaye chika nipiimakanh. Jesus maak aniyuu maskuusiiwiniyuu kaa ayaat misiwe chekwaayuu chechii tipeyihtahk eukw uyuu che aapachihtaat chechii miiskutuunaakuhtaat chiiyuunuuh. Muyaam wiya wiiyuu kaa ishpish miyunaakuniyich iskutak kaa wanishkaat nipuwinihch uhchi ekun che ishinaakuhtaat uyuuh chiiyuunuuh.

Colossians 3:4

Christ e wiichewekw chihchiwe pimaatisiiwin chitayaanaawaau. Kaau maak takushihke utah aschiihch ekut kaye chiyawaau che asich nuukuhiikuyekw kaye che asich chisteyihtaakuhiikuyekw chisteyihtaakuhaakanuute.

Hebrews 11:22

Kaye wiya maak Joseph chii taapweyimeu Chishemanituu. Iskutak maak kaa utihchipayich anit che iskwaayaayich upimaatisiiwin, chii chischisuumeu Israel iinuu eshkw peyakwaau e chiishikaayich che nakatamiyich aniyuu Egypt aschiiyuu kaye chii iteu chechii chistuhtataayich wiiyuu iskutak chistuhcheyichen.

1 Peter 5:10

Iskutak maak chiishi nanehkaateyimuyekwe chika ihtuutaakuwaau Chishemanituu miin chechii wiikaapuwekw, chika miikuwaau maskuushiiwiniyuu, chika yaaichikaapuuhiikuwaau, kaye chika sakascheyimuhiikuwaau. Chishemanituu an kaa ayaat misiwe shaweyihchichewiniyuu chiwiishaamikunuu chechii wiichihiiweyihkw anite kaachiche uchisteyihtaakusuwinihch Christ e ihtaayich uhchi.

2 Peter 1:15

Ekun maak che uhchi kwaast ihtiyaan chechii nisituhtamihiitakuch uyuu chekwaayuu muush chechii chischisiyekw iskutak ekaa pimaatisiyaane.

Revelation 7:14

Ekw kaa itak, “Namui niya nichischeyimaauch. Chii eukw chescheyimatwaau.” Nichii itikw maak, “Eukunich uchii kaa shaapushkahkwaau taan kaa ishi nanehkaachihaakanuutwaau. Chii chishtaapautaauch utakuhpuwaauh aniyuu Maanishchaanisha umihkuyich ekw maak kaa waapaayikwaauh aniyuuh utakuhpuwaauh.