Luke 9:3 - Chishemanituu Utayimuwin: Kaa Uskaach Testament

³ Chii itashumeu maak, “Uu che chistuhteyekw ekaawii chika uhchi ayaanaawaau chekwaan. Ekaawii ayaakw siskahuun, niimuutaan, miichim, shuuliyaau mechim kaye ayuwaak chichekwaanimuwaauh e chichishkamekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒌ ᐃᑕᔓᒣᐤ ᒫᒃ, ᐆ ᒉ ᒋᔅᑐᐦᑌᔦᒄ ᐁᑳᐐ ᒋᑲ ᐅᐦᒋ ᐊᔮᓈᐙᐤ ᒉᒀᓐ᙮ ᐁᑳᐐ ᐊᔮᒄ ᓯᔅᑲᐦᐆᓐ, ᓃᒨᑖᓐ, ᒦᒋᒻ, ᔔᓕᔮᐤ ᒣᒋᒻ ᑲᔦ ᐊᔪᐙᒃ ᒋᒉᒀᓂᒧᐙᐤᐦ ᐁ ᒋᒋᔥᑲᒣᒄ᙮

Luke 9:3 Iomraidhean Croise

Mark 6:7

Chii wiishaameu aniyuu niishushaap uchischinuhamuwaakanh ekw kaa chihchitishahwaat e naaniishuhteyich. Chii miyeu tipeyihchichewiniyuu kaye suuhkaatisiiwiniyuu chechii tipeyimaayich machiahchaahkwa.

Luke 12:22

Ekw Jesus kaa itaat uchischinuhamuwaakan, “Eukw maak uu wehchi ititakuch ekaa chechii mukushkaateyihtamekw miichim taan netuweyihtamekw chechii uhchi pimaatisiyekw maak kaye chekwaan che chichishkamekw.

Luke 12:28

Wesh Chishemanituu nihtaauchihtaau mashkushuu che miyunaakuhch aschii. An mashkushuu e miyunaakuhch anuhchiish kaa chiishikaach, waapahche shaash kata chii pashteuh. Ekw maak taapwe Chishemanituu nehtaauchihtaakwe mashkushuu chechii uhchi miywaashich aschii cheshtinaash chika chii ihtuutamaakuwaau chechii miitaakw chekwaayuu che chichishkamuwekw. Taapwe kaa apishaashich chitaapwehtamuwinawaau.”

Luke 22:35

Chii iteu maak Jesus, “Iskutak kaa chihchitishahuutakuch namui kuuhchi ayaanaawaau shuuliyaawat maak miiwat maak maschisinh. Chekwaan maak kaa nuuhtepayekw.” Chii iteuch maak, “Namui chekwaan.”

Luke 3:11

Kaa itaat, “Awen e niishiniikwen utakuhpa peyakw aniyuu chipaa miyeu aweyuu ekaa ayaayich, maak kaye miichimiyuu e ayaakwe chipaa ashameu aweyuu ekaa umiichimiyich.”

Luke 5:29

Paatimaa maak chii makushiheu Jesus anite uwaaskaahiikanimihch. Chii mihchetiyuu maak kutak kaa maamuushtinamiyich chisheuchimaau shuuliyaayuu e itaapatisitwaau kaye kutak aweyuu chii ihtaayuuh e chii wiichimiichisuumikutwaau.

Luke 9:4

Kaye an waaskaahiikan taanite che piihtakahiikuwekwe, ekut anit che ihtaayekw paatishkaan nakatamekwe an ihtaawin.

2 Timothy 2:4

Wesh maasihcheu iinuu suuhk kuchihtaau chechii nahiiwehaat aniyuu kaa niikaanishkaakut kaye namui mitun aapateyihtamihiikuu chechii wiichihiiwet taan e ihtinaanuyich utah aschiihch.