Luke 9:28 - Chishemanituu Utayimuwin: Kaa Uskaach Testament

²⁸ Wiyesh yaanaaneu chiishikaau Jesus uyeyuu kaa ishpish ayimitutahk chii chistuhtaheu Peter, John ekw maak James e chii wiichewaat wachiihch anite chechii nituu ayimihaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁸ ᐎᔦᔥ ᔮᓈᓀᐤ ᒌᔑᑳᐤ ᒌᓴᔅ ᐅᔦᔫ ᑳ ᐃᔥᐱᔥ ᐊᔨᒥᑐᑕᐦᒃ ᒌ ᒋᔅᑐᐦᑕᐦᐁᐤ ᐲᑕᕐ, ᒞᓐ ᐁᒄ ᒫᒃ ᒉᒥᔅ ᐁ ᒌ ᐐᒉᐙᑦ ᐗᒌᐦᒡ ᐊᓂᑌ ᒉᒌ ᓂᑑ ᐊᔨᒥᐦᐋᑣᐤ᙮

Luke 9:28 Iomraidhean Croise

Matthew 14:23

Iskutak maak kaa chiiwetishihwaat aniyuu iinuu, ekw kaa shaakachuwet anite wachiyuu chechii peyakushit e ayimihaat. Iskutak maak wetaakushiyich eshkw chii peyakushuu Jesus anite.

Matthew 5:1

Jesus maak chii waapameu e mihchetiyich aweyuuh ekw kaa shaakachuwet anit e piskutauhkaayich, ekut kaa waweyapit. Ekw aniyuu uchischinuhamuwaakanh kaa pechi takushiniyich. Chii ati wiitapimikuu maak,

Mark 1:35

Wiipach maak chiyechishepaayaach chii wanishkaau ekw anite ekaa ihtaanuyich kaa ituhtet, ekute anite kaa ayimihaat.

Mark 6:46

Iskutak maak kaa waachiyemaat aniyuuh iinuuh ekw wachiyuu kaa shaakachuwet Jesus, kaa nituu ayimihaat anite.

Luke 3:21

Iskutak maak misiwe anichii iinuuch kaa siikahaahtuwaakanuutwaau, ekw kaye wiya Jesus kaa siikahaahtuwaakanuut. Mekwaach maak e ayimihaat chii uhchi tuupayuu kihchikiishikw,

Luke 5:16

Chii ituhteu maak maan Jesus anite pakwaatiskamikaahch ekw kaa chii ayimihaat.

Luke 6:12

Peyakwaau e chiishikaayich Jesus chii ituhteu wachiihch, che nituu ayimihaat. Ekut kaa ihtaat iskan tipiskaau e ayimiheshtawaat Chishemanituu.

Luke 8:51

Ekw kaa ituhtetwaau Jairus uwaaskaahiikanimiihch. Iskutak kaa utihtahkwaau aniyuu waaskaahiikaniyuu, namui kutak aweyuu uhchi pachishtineu Jesus chechii wiicheukut e piihchet, mikw Peter, John, James ekw maak aniyuu uniichihiikw an ishkwesh.

Luke 9:18

Peyakwaau, Jesus chii ayimihaau mikw e peyakushit, uchischinuhamuwaakanh maak peschiish chii ihtaayuuh ekw kaa nituu kakwechimaat e itaat, “Awen niya e iteyimitwaau awenichii.”

John 6:3

Jesus maak chii shaakachuweu wachiyu ekut anit kaa waweyapit uchischinuhamuwaakan e wiitapimaat.

2 Corinthians 13:1

Eukuu nishtwaau che chiiutamitakuch. Che wii chischisiyekw michihpin e ihtaakwe awen e ihtakuniyich taan waa ishi mamishimaat aweyuuh chekwaayuu yaaitei niishu maak nishtu awenichii e chii ihtaatwaau anit aniyuu wehchipayiyich e mamishimuwaanuyich chika ihtaauch chechii tipaachimutwaau.

Hebrews 5:7

Mekwaach utah aschiihch kaa papaamuhtet Jesus mihchetwaau chii ishinaakusuu suuhk e nitutamuwaat aniyuuh kaa chischeyimaat chechii wiichihiikut ekaa chechii nipahaakanuut. Chii pehtaakuu maak wesh chii nanihchiishtuweu.

2 Peter 1:16

Taapaa namayeu wii e chii ushihtaakanuuhkwaau tipaachimuwin kaa aapachihtaayaahch iskutak kaa wii chischeyihtamihiitaahch taapwe che takushihk Chitipeyihchikeminuu Jesus Christ ushuukaatisiiwinihch. Niyaan wesh tipiiwe nischiisikuunaanihch nichii waapaamaanaan e chisteyihtaakuhaakanuut.