Luke 9:22 - Chishemanituu Utayimuwin: Kaa Uskaach Testament

²² Ekw kaa itaat, “Iinuu Ukusisa iteyihtaakuniyuu chechii mistawaawiisacheyihtamiyich kaye chechii aatuweyimikuyich aniyuuh kaa niikaanapiitwaauh ayimiheuchimaauh, kaye aniyuuh kaa niikaanishkuwaayich iinuuh, kaye maak aniyuuh kaa chiskutamaacheyitwaauh wiishuwewiniyuu. Kata nipahaakanuu kaye, mikw maak nishtu chiishikaau ishpish kaau kata pimaatisiyuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᐁᒄ ᑳ ᐃᑖᑦ, ᐄᓅ ᐅᑯᓯᓴ ᐃᑌᔨᐦᑖᑯᓂᔫ ᒉᒌ ᒥᔅᑕᐙᐐᓯᒉᔨᐦᑕᒥᔨᒡ ᑲᔦ ᒉᒌ ᐋᑐᐌᔨᒥᑯᔨᒡ ᐊᓂᔫᐦ ᑳ ᓃᑳᓇᐲᑣᐤᐦ ᐊᔨᒥᐦᐁᐅᒋᒫᐤᐦ, ᑲᔦ ᐊᓂᔫᐦ ᑳ ᓃᑳᓂᔥᑯᐙᔨᒡ ᐄᓅᐦ, ᑲᔦ ᒫᒃ ᐊᓂᔫᐦ ᑳ ᒋᔅᑯᑕᒫᒉᔨᑣᐤᐦ ᐐᔓᐌᐎᓂᔫ᙮ ᑲᑕ ᓂᐸᐦᐋᑲᓅ ᑲᔦ, ᒥᒄ ᒫᒃ ᓂᔥᑐ ᒌᔑᑳᐤ ᐃᔥᐱᔥ ᑳᐤ ᑲᑕ ᐱᒫᑎᓯᔫ᙮

Luke 9:22 Iomraidhean Croise

Matthew 17:12

Mikw maak chiwiihtamaatinaawaau shaash miin e chii takushinit Elijah mikw namui uhchi nisituunaakuu iinuu. Mikw maak waa ihtuutuwaatwaau chii ihtuutaweuch. Ekun maak mwehch che ishpish wiisacheyihtamihaatwaau Iinuu Ukusisa.”

Matthew 17:22

Iskutak maak misiwe anichii chischinuhamuwaakanich kaa pechi nishtuwiitwaau anite Galileehch, Jesus chii iteu, “Shaash wiipach chika pachishtinaakanuuch iinuuch taan waa ihtuutuwaatwaau chechii ihtuutuwaatwaau Iinuu Ukusisa.

Matthew 27:63

Ekw kaa itaatwaau, “Uchimaau, nichischisinaan eshkw e chii pimaatisiit an kaa nanatayit e chii itwet, ‘Nishtu chiishikaauh ishpish ekw che wanishkaanikuuyaan nipuwinihch uhchi.’

Mark 8:31

Ekw Jesus kaa chihchi chischinuhamuwaat uchischinuhamuwaakanh e itaat, “Nituweyihtaakuniyuu Iinuu Ukusisa chechii mista wiisacheyihtamihaakanuyich kaye namui chika uhchi aapateyimikuu aniyuu Jewa iinuuh kaa niikaanishkuwaayich kaye aniyuuh kaa niikaanapiyich ayimiheuchimaauh kaye aniyuuh wiishuwewiniyuu kaa chischinuhamaacheyitwaauh. Kata nipahaakanuu, mikw maak iskutak nishtu chiishikaau utihchipayihche kata wanishkaau nipuwinihch uhchi.”

Mark 9:31

wesh mekwaach chii chiskutamuweu uchischinuhamuwaakanh. Chii iteu, “Naapeuh e ihtaayich kata ishi pachishtinaakanuu Iinuu Ukusisa chechii nipahiikut. Mikw maak nishtu chiishikaau ishpish ekw che wanishkaat nipuwinihch uhchi.”

Luke 17:25

Mikw maak eshkw ekaa utihchipayihche uu anichii awenichii mekwaach anuhchiish kaa pimaatisiitwaau naashch nika wiisacheyihtamihiikuuch kaye nika aatuweyimikuch.

Luke 24:26

Taapwe eukun kaa ishi nituweyihtaakuhch chechii ispayikupane, eukw uu Christ chechii wiisacheyihtamukupane kaye anit chechii uhchi chisteyihtaakusit.”

Luke 24:44

Ekw kaa itikutwaau, “Eukw maak uu kaa ishi waawiihtamaatakuch eshkw mekwaach e chii wiicheutakuch kaa itweyaan, cheshtinaash kata tipipayuu misiwe e ishi aayimuumikuyaan anite Moses uwiishuwewinihch kaye anite umasinahiikaniwaahch aniyehkaa uchischiwehiichesuuch, kaye David unikamuwinihch.”

Luke 24:7

e chii ishi niikaan itaachimitisut, ‘Kata pachishtinaakanuuch umachihtwaauch Iinuu Ukusisa chechii chiistaaskuhwaatwaau, ekw maak chii nishtu chiishikaayiche miin kata wanishkaau.’ ”

Luke 9:44

“Chischisikw yaaitei taan che ititakuch. Chika pachishtinaakanuuch iinuuch chechii ihtuutawaatwaau taan waa ihtuutuwaatwaau Iinuu Ukusisaan.”

1 Corinthians 15:4

Wiihtamaachemakan uu miywaachimuwin e chii chiskashtaakanuyich Christ wiiyuu. Iskutak maak kaa nishtuchiishikaayich ekw kaa wanishkaanaakanuut kaau chechii pimaatisiit. Eukw uu e ishi aayimuutech Chishemanituu utayimuwinihch.

1 Peter 1:11

Christ Utahchaahkuyuu chii piihchishkaakuuch kaye chii wiihtamaakuuch taan che ishi nanehkaateyimuyich Christ kaye maak che chisteyihtaakuhaakanuyich. Ekw maak kaa naanituu chischeyihtahkwaau aweyuu che aawiyich Christ kaye maak taaishpish che ispayiyich uyuu.