Luke 9:19 - Chishemanituu Utayimuwin: Kaa Uskaach Testament

¹⁹ Kaa itikut, “Kutakach awenichii John siikahaahtaacheu chititeyimikuch ekw kutakach aniyaanaa peyakw uchischiwehiichesuu Elijah kaa ishinihkaasut chititeyimikuch, ekw miin kutakach e ihtaatwaau weskach uchischiwehiichesuu miin kaau e pimaatisiit e iteyimiskwaau.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᑳ ᐃᑎᑯᑦ, ᑯᑕᑲᒡ ᐊᐌᓂᒌ ᒞᓐ ᓰᑲᐦᐋᐦᑖᒉᐤ ᒋᑎᑌᔨᒥᑯᒡ ᐁᒄ ᑯᑕᑲᒡ ᐊᓂᔮᓈ ᐯᔭᒄ ᐅᒋᔅᒋᐌᐦᐄᒉᓲ ᐁᓚᐃᒐ ᑳ ᐃᔑᓂᐦᑳᓱᑦ ᒋᑎᑌᔨᒥᑯᒡ, ᐁᒄ ᒦᓐ ᑯᑕᑲᒡ ᐁ ᐃᐦᑖᑣᐤ ᐌᔅᑲᒡ ᐅᒋᔅᒋᐌᐦᐄᒉᓲ ᒦᓐ ᑳᐤ ᐁ ᐱᒫᑎᓰᑦ ᐁ ᐃᑌᔨᒥᔅᒀᐤ᙮

Luke 9:19 Iomraidhean Croise

Matthew 14:2

ekw kaa itaat aniyuu utaapachihaakanh, “Maaskuuch taapwe eukun an aniyaa John siikahaahtaacheu. Chii wanishkaache nipuwinihch uhchi. Eukw aniyuu wehchi ayaat maskaushiiwiniyuu chechii ihtuutahk maamishkaach ihtuwinh.”

Matthew 3:1

Ekut maak utah mekwaach John siikahaahtaacheu kaa chii ituhtet anite pakwaatiskamikaahch, anite Judea aschiihch itehche, ekw kaa chihchipayihtaat e kacheskwet.

Mark 6:14

Chisheuchimaau Herod maak chii pehtam taan kaa ispayiyich, wesh chii mishihtepayiyuu taan e itaachimaakanuut Jesus. Pasch awenichii chii itweuch, “John siikahaahtaacheu iskachii uu, chii wanishkaanaakanuukupane nipuwinihch uhchi. Eukw uyuu wehchii ihtit uyuuh maamishkaach chekwaayuuh chechii ihtuutahk.”

Mark 6:15

Ekw kutakach awenichii kaa itwetwaau, “Elijah uu.” Ekw miin kutakach kaa itwetwaau, “Eukuu peyakw uchischiwehiichesuu anite weskach kaa chii chischiwehiichet.”

Luke 9:18

Peyakwaau, Jesus chii ayimihaau mikw e peyakushit, uchischinuhamuwaakanh maak peschiish chii ihtaayuuh ekw kaa nituu kakwechimaat e itaat, “Awen niya e iteyimitwaau awenichii.”

Luke 9:20

Ekw Jesus miin kaa kakwechimaat, “Chiyawaau maak wii, awen niya e iteyimiyekw.” Peter chii ishi nishkweushiheu, “Christ chii, eukw chiya Chishemanituu kaa itwet che pechi itishahwaat.”

John 1:21

Ekw kaa kakwechimikut e itikut, “Awen maak chiya. Elijah aa.” “Namui. Namayeu niya Elijah,” chii iteu John. “Eukw aa chiya an uchischiwehiichesuu nipaa pechi itishahamaakunaan,” chii itikuu. “Namui,” chii iteu John.

John 1:25

“Chekwaan maak wehchi siikahaahtaacheyin ekaa e aawane Christ maak Elijah maak an uchischiwehiichesuu.”

John 7:40

Pasch maak anichii awenich kaa pehtawaatwaau uyuu e itweyich, chii iteuch, “Eukun uu taapwe uchischiwehiichesuu kaa pechi itishahwaakanuut utah e ihtaayihkw.”

John 9:17

Ekw anichii Phariseech miin kaa kakwechimaatwaau aniyuu naapeu kaa miinuwaachihaakanuyich e itaatwaau, “Taan e iteyimat maak chiya an naapeu kaa miinuwaachihiisk.” Ekw an naapeu kaa nishkweushihaat e itaat, “Uchischiwehiichesuu nititeyimaau.”