Luke 9:12 - Chishemanituu Utayimuwin: Kaa Uskaach Testament

¹² Shaash maak chii ati utaakushiyuu ekw anichii niishushaap chischinuhamuwaakanich kaa itaatwaau Jesus, “Chihchitishahuuch maa ekw anichii iinuuch che nituu naanituweyihtahkwaau chekwaayuu che miichitwaau kaye taanite che miyeyimutwaau che tipiskaayich. Taapaa ihtakun chekwaan utah wii.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᔖᔥ ᒫᒃ ᒌ ᐊᑎ ᐅᑖᑯᔑᔫ ᐁᒄ ᐊᓂᒌ ᓃᔓᔖᑉ ᒋᔅᒋᓄᐦᐊᒧᐙᑲᓂᒡ ᑳ ᐃᑖᑣᐤ ᒌᓴᔅ, ᒋᐦᒋᑎᔕᐦᐆᒡ ᒫ ᐁᒄ ᐊᓂᒌ ᐄᓅᒡ ᒉ ᓂᑑ ᓈᓂᑐᐌᔨᐦᑕᐦᒀᐤ ᒉᒀᔫ ᒉ ᒦᒋᑣᐤ ᑲᔦ ᑖᓂᑌ ᒉ ᒥᔦᔨᒧᑣᐤ ᒉ ᑎᐱᔅᑳᔨᒡ᙮ ᑖᐹ ᐃᐦᑕᑯᓐ ᒉᒀᓐ ᐅᑕᐦ ᐐ᙮

Luke 9:12 Iomraidhean Croise

Matthew 14:13

Iskutak maak Jesus kaa pehtahk aniyuu John e chii nipahaakanuyich chii puusuu utiyuu e peyakushit ekw anite kaa isichimet ekaa mitun ihtaanuyich. Anichii maak iinuuch iskutak chescheyihtahkwaau taanite e ihtaayich chii chistuhteuch anit ihtaawinihch uhchi ekw kaa nituwaapamaatwaau.

Matthew 15:23

Mikw maak namui mitun uhchi chistuteu Jesus aniyuu iskweu. Ekw uchischinuhamuwaakan kaa pechi nituwaapamikut, kaa aayihkamihiikut e itikut, “Iichechishihuu maa an iskweu, mwestaastaakusuu aniyuu e ishimut e nuushuushkaakuyihkw.”

Matthew 15:32

Ekw Jesus kaa wiishaamaat uchischinuhamuwaakan, kaa itaat, “Naashch e chistimaacheyimakwaau uchii iinuuch, shaash nishtu chiishikaauh ihtaauch utah e ihtaauch, namui maak shaash ihtakuniyuu chekwaayuu che miichitwaau. Namui kaye niwii chihchitishahwaauch e siiweyitwaau, nuuhtuu miin chika aakweyihtamuch mekwaach e pimuhtetwaau.”

Luke 9:11

Iskutak maak mihchetu awenichii kaa pehtahkwaau e chii chistuhteyich ekw kaa nuusuupaistuwaatwaau. Jesus maak chii miyeyihtam e takushiniitwaauh. Chii waawiihtamuweu Chishemanituu uchisheuchimaawiniyuu e iteyihtaakuniyich kaye chii miinuwaachiheu aniyuuh aweyuuh kaa nituweyihtamiitwaau chechii miinuwaachihaakanuyich.

Luke 9:13

Ekw Jesus kaa itaat, “Chiyawaau miyaahkuch chekwaayuu che miichitwaau.” Chischinuhamuwaakanich maak chii iteuch, “Mikw niyaayin aaihkunaauch niishu maak namesach ekun e ishpish ihtakuhch chekwaan. Mikw kiipaa niyaan nituu utinamaahche miichim chechii tepahukutwaau uchii e tashitwaau awenichii.”

John 6:1

Paatimaa anite Jesus chii aashuuham Galilee saakahiikaniyuu. Tiberias saakahiikan chii ishinihkaataakanuu kaye uu Galilee saakahiikan.

Philippians 1:19

Suuhk maak nika miywaaten, nichischeyihten che pachishtinikuyaan wesh chitayimiheshtamuunaawaau kaye maak Kaa payehchisiit Ahchaahkw nipechi wiichihiikw.